Хуульчийн шалгалтын асуулт, хариулт — 5 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

123 асуулт

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хамтын хэлэлцээг эхлүүлэх тухай ажилтны төлөөлөгчдийн мэдэгдлийг ажил олгогч хүлээн авснаас хойш хуульд заасан хугацаанд хамтын хэлэлцээг эхлүүлэхээр хариу өгөөгүй, ажил олгогчоос шалтгаалж хамтын хэлэлцээ зогсонги байдалд орсон тул үйлдвэрчний эвлэлээс ажилт хаялт зарлаж, ажилтнууд дэмжжээ. Үйлдвэрчний эвлэлийн энэхүү шийдвэрийг ажил олгогч хууль бус гэж үзэж шүүхэд гомдол гаргасан. Шүүх гомдлыг хүлээн авах уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Д нэгэн байгууллагад нягтлан бодогчоор ажилладаг бөгөөд 7 сартай жирэмсэн. Тэрээр байгууллагаас нийгмийн даатгалын санд төлөх шимтгэлийг төлөлгүй, хувийн хадгаламждаа хадгалсны улмаас байгууллага Нийгмийн даатгалын тухай хуульд заасан хариуцлага хүлээжээ. Энэ үндэслэлээр ажил олгогч Дулмаатай байгуулсан хөдөлмөрийн гэрээг цуцалсан. Ажил олгогчийн шийдвэр Хөдөлмөрийн тухай хуульд нийцсэн үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажилтан Т-ээс байгууллагын Ёс зүйн хороонд хандан газрын дарга Г нь удаа дараа ажлын байрны бэлгийн дарамт үзүүлэхийг оролдсон гэх гомдол гаргасныг хороо хэлэлцээд Г-г ажилтан Т-д бэлгийн дарамт үзүүлсэн буруутай гэж дүгнэжээ. Учир нь Газрын дарга Г-ийн “надаас ирж юм аваад хүнд хүргэж өг” гэж дуудсаны дагуу ажилтан Т өдрийн амралтын /цайны/ цагаар “Бизнес тауэр”-т очиход Г өрөөнд татаж оруулсан, ганцаараа хагас нүцгэн байдалтай байсан, мөн Т-гтомилолтоор ажиллах үед түүний байрласан өрөөнд нь шөнийн 02:15-02:45 цагийн хооронд Г орсон, Т-ийн томилолтын зардлыг бусад ажилтнаас илүү хэмжээгээр тооцон олгосон зэрэг үйл явдал тогтоогдсон. Дараах ойлголтуудын аль нь Ёс зүйн хорооны дүгнэлтийн үндэслэл болж чадах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

АжилтанГ эд хөрөнгийн бүрэн хариуцлага хүлээх албан тушаалтан тул талууд эд хөрөнгийн бүрэн хариуцлагын гэрээ байгуулсан. Гэрээнд “ажил олгогчид учрах эд хөрөнгийн эрсдэлээс хамгаалах, ажилтан хохирол учруулсан тохиолдолд хохирлыг нөхөн төлөх санхүүгийн ачааллыг ажилтанд үүсгэхгүй” байхаар тохиролцсон тул ажил олгогч Г-ын цалингаас сард 100.000 төгрөг суутган эрсдэлийн сан байгуулжээ. Тохиролцоо хуульд нийцсэн үү?

Өмнөх5-р хуудасДараах

Сэдэв

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн тухай хуульд зааснаар цалин хөлсийг сард хоёроос доошгүй удаа тогтсон өдөр олгох үүргээ биелүүлээгүй “А” ХХК-аас 2.8 сая төгрөгийн алданги гаргуулан ажилтан Д-д олгохоор шүүх шийдвэрлэжээ. Шүүхийн шийдвэрийн хууль зүйн үндэслэлийг олно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөгжлийн бэрхшээлтэй ажилтан Б 13 дахь жилдээ Нийслэлийн засаг даргын Тамгын газарт мэргэжилтнээр ажиллаж байгаа. Түүний жил бүр биеэр эдлэх ээлжийн амралтын хугацааг ажил олгогч 25 өдөр гэж тооцжээ. Ажил олгогч Б-ын ээлжийн амралтын хугацааг зөв тооцсон уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Байгууллагын Мэдээлэл технологийн инженерийн ажлын байр хасагдаж, оронд нь Техник хангамжийн инженерийн ажлын байрыг шинээр бий болгосон байна. Ажил олгогчийн баталсан шинэ ажлын байрны тодорхойлолт нь өмнөх ажлын байрны албан тушаалын зорилго, зорилттой адил боловч ажлын байрны нэршил өөрчлөгдөж, компьютерын техник хангамжийн чиг үүргийг нэмж тусгажээ. Энэ нь Хөдөлмөрийн тухай хуулийн 80.1.1-д заасан “ажлын байр хасагдсан” гэх үндэслэлд хамаарах уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Шүүхээс иргэн Э-г хөдөлмөр эрхлэлтийн харилцаа нь үндэслэлгүйгээр цуцлагдсан гэж дүгнэн, урьд эрхэлж байсан ажилд нь эгүүлэн тогтоож, мөн ажилтны ажилгүй байсан хугацааны цалин хөлстэй тэнцэх олговрыг ажил олгогчоос нөхөн гаргуулж ажилтанд олгохоор шийдвэрлэсэн. Харин шүүх нэхэмжлэгчийн ажилгүй байсан хугацааны олговрыг тооцохдоо ажилтны дундаж цалин хөлсийг ямар журмаар, хэрхэн тодорхойлсон вэ, дараах бодомжуудаас сонгоно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Автозамын ажилд түрээслүүлсэн зам индүүдэгч, оператор /ажилтны/-ын буруутай үйлдлийн улмаас замын хажуу руу унасан тул компани түүнийг 2.5 сая төгрөгөөр засварласан, мөн түрээслэгч компани 2 хоногийн сул зогсолтын төлбөрийг түрээсийн төлбөрөөс хассан. Компани, ажилтантай эд хөрөнгийн бүрэн хариуцлагын гэрээгүй боловч ажил үүрэгтэй нь холбогдуулан мэдэлд нь шилжүүлсэн эд хөрөнгөд хохирол учруулсан гэж дээрх завсрын зардал, сул зогсолтын төлбөрийг ажилтнаар нөхөн төлүүлэхээр шийдвэрлэжээ. Та өөрийгөө ажилтан гэж төсөөлбөл уг шийдвэрийг зөвшөөрөх үү, хуульд заасан ямар алхам хийх байсан бэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил олгогч малчны хувьд туслах малчинтай харилцан тохиролцох замаар түүнд олгох цалин хөлсний 30-аас илүүгүй хувийг мөнгөн бус хэлбэрээр буюу тухайн нөхцөл байдалдаа тохируулан мал, бусад эд хөрөнгөөр олгож болохоор хуульд заажээ. Харин гэрийн үйлчилгээний ажилтны цалин хөлсийг олгоход ямар зарчим баримтлахаар зохицуулсныг зөв тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Б. мэдээллийн технологи /information technology specialist/-ийн мэргэшсэн мэргэжилтэн бөгөөд 17 настай. Түүний 1Т-ийн гоц авьяас, онцгой чадварыг “А” ХХК өөрийн хөгжүүлж буй блокчэйн технологид ашиглахаар ажилд авч 3 сарын туршилтын хугацаагаар хөдөлмөрийн гэрээ байгуулсан. Компанийн засаглал, хүний нөөцийн бодлоготой нь санал нийлээгүй Б 2 сарын дараа ажлаас гарчээ. “А” ХХК-аас өөрийн хөгжүүлж буй технологийн нууцыг хамгаалах, задруулахгүй байх зорилгоор ажилтан ажлаас гарснаас хойших 8 сарын хугацаанд блокчэйн технологи хөгжүүлж буй өөр компанид ажиллахгүй байх үүргийг хөдөлмөрийн гэрээнд тухайлан зааж, үүрэг хүлээснийг Б-д анхааруулж, сар бүр цалингийн 60 хувиар тооцсон олговор олгохыг мэдэгджээ. “А” ХХК ийм эрхтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Барилга угсралтын “Х” ХХК нь ажилтан бүрийн хөдөлмөрийн аюулгүй байдал, эрүүл ахуйн шаардлага, стандарт, дүрэм болон технологийн горимыг чанд мөрдөн ажиллаж байгаад хяналт тавих үүрэгтэй. Ажилтан А ажлын тусгай болон хамгаалах хэрэгслийг зориулалтын дагуу хэрэглээгүй зөрчил гаргасан учир түүнд сануулах сахилгын шийтгэлийг ажил олгогч ногдуулжээ. А уг шийдвэрийг эс зөвшөөрч “энэ шалтгаанаар надад сахилгын арга хэмжээ авч байгаа бол, хөдөлмөрийн аюулгүй байдал, эрүүл ахуйн шаардлага хангасан ажлын байранд ажиллуулах үүргээ ажил олгогч биелүүл” гэсэн шаардлага гаргасан байна. Ажил олгогчийн шийтгэлийн эсрэг гаргасан ажилтны шаардлага үндэслэлтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ковид-19 цар тахлын улмаас экспортын бүтээгдэхүүн үйлдвэрлэдэг “К” ХХК-ийн экспорт зогсож, борлуулалт муудсанаас компани санхүүжилтгүй болжээ. Улмаар ажилтнуудын цалин хөлсийг олголгүй 30 хоног өнгөрсөн байна. Хэсэг ажилтан ажил үүргээ гүйцэтгэхээс татгалзаж, цалин олгох хүртэлх хугацаанд ажиллахгүй гэж мэдэгджээ. Ажилтнуудын шаардлага үндэслэлтэй эсэх, энэ тохиолдолд ажилтан ямар үүрэгтэй вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“К” политехник коллеж, “С” ХХК нар тус сургуулийн оюутнуудын онолын мэдлэгийг практик дадлагатай хослуулж, ажлын дадлага, ур чадвар эзэмшүүлэх зорилгоор байгуулсан гэрээний дагуу “С” ХХК, “К” коллеж, А нарын хооронд дагалдан суралцах гуравласан хөдөлмөрийн гэрээ байгуулсан. А ажиллах хугацаандаа үйлдвэрлэлийн осолд өртжээ. Хөдөлмөрийн аюулгүй байдал, эрүүл ахуйн тухай хуулийн 4.1-д “Энэ хууль нь ажил, хөдөлмөр эрхэлж буй дараах этгээдэд үйлчилнэ” гэж нэрлэн заасан субьектэд дагалднаар суралцах гэрээтэй А хамаарах уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“Х” ХХК-аас “Цалинтай дадлагажих” хөтөлбөрийг 5 дахь жилдээ амжилттай хэрэгжүүлж, 35 оюутныг 3 сарын хугацаанд цалинтай дадлага хийлгэжээ. Энэ хөтөлбөр нь их, дээд сургуульд суралцагчийг суралцаж буй мэргэжлийн дагуу аж ахуйн нэгж, байгууллагын үйл ажиллагаатай танилцуулах зорилготой хөтөлбөр юм. “Х” ХХК-ийн хэрэгжүүлж буй хөтөлбөрийн эрх зүйн эх сурвалжийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“К” ХХК-аас БНХАУ-аас ажиллах хүч авч Монгол Улсад газрын тосны талбайд ажиллуулахаар гадаад ажилтан урих зөвшөөрлийг хүсэж холбогдох баримтаа Хөдөлмөр, халамжийн үйлчилгээний ерөнхий газарт хүргүүлжээ. Тус газраас ирүүлсэн баримт бичгийг судлан үзээд “К” ХХК-ийн гадаад ажилтан урих хүсэлтээс татгалзаж, тус компанийн гадаад ажилтан урих эрхийг хоёр жилийн хугацаагаар хязгаарлах шийдвэр гаргаж, “тус компани нь гадаадын иргэдийг Монгол Улсад байх хугацааны хөрөнгийн эх үүсвэрийн баталгааг гаргаагүй” гэсэн үндэслэлийг заасан. Компани уг шийдвэрийг эс зөвшөөрч Монгол Улсад гадаадын иргэнийг хөдөлмөр эрхлүүлэхээр урихад уг шаардлага хамаарахгүй гэж маргаж, гадаад ажилтан урих зөвшөөрлийг зохих журмын дагуу олгохыг шаардан гомдол гаргасан байна. “К” ХХК-ийн хүсэлтээс татгалзсан Хөдөлмөр эрхлэлтийн асуудал хариуцсан төрийн захиргааны байгууллагын шийдвэр хууль зүйн үндэслэлтэй эсэхийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажилд орох гэж буй Л-д түүний гүйцэтгэх ажил үүрэг, хөдөлмөрийн нөхцөл болон цалин хөлсний хэмжээний талаар ажил олгогч танилцуулж тохиролцсоноор талууд хөдөлмөрийн гэрээ байгуулжээ. Гэтэл ажил олгогч хөдөлмөрийн гэрээнд зайлшгүй тусгавал зохих гэрээний нэг гол нөхцөлийг орхигдуулснаас ажилтан Л-ээр ажил үүргийг нь гүйцэтгүүлэх боломжгүйд хүрчээ. Хөдөлмөрийн гэрээнд зайлшгүй тусгагдах гол нөхцөлөөс ажил олгогчийн орхигдуулсан гол нөхцөлийг олж тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ковид-19 цар тахлын улмаас экспортын бүтээгдэхүүн үйлдвэрлэдэг “К” ХХК-ийн экспорт зогсож, борлуулалт муудсанаас санхүүжилтгүй болжээ. Улмаар ажилтнуудын цалинг олголгүй 30 хоног өнгөрсөн. Хөдөлмөрийн тухай хуульд “ажил олгогч ажилтны цалинг 30 хоногийн хугацаанд олгоогүй бол ажилтан ажил үүргээ гүйцэтгэхээс татгалзаж, энэ нөхцөл арилтал ажиллахгүй байх эрхтэй” гэж зааснаар ажилтан Б ажиллахаас татгалзаж, ажил олгогчид мэдэгджээ. Компаниас түүнд сахилгын шийтгэл ногдуулж “хугацаанд нь олгоогүй цалин дээр хэтэрсэн хугацааны алданги нэмж олгохоор хуульд заасан байхад цалин олгоогүй гэж ажил тасалсан нь буруу” гэж дурдав. Ажил олгогчийн шийдвэр үндэслэлтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

БНЭУ-ын иргэн Н мэдээллийн технологи /information technology specialist/-ийн мэргэшсэн мэргэжилтэн. Тэрээр “A” ХХК-ийн урилгаар тус компанийн хөгжүүлж буй блокчэйн технологийг хөгжүүлэх ажилд 2 жилийн хугацаанд ажиллахаар хөдөлмөрийн гэрээ байгуулжээ. Мөн ажилтан гэрээ дуусгавар болсноос хойш 1 жилийн хугацаанд “А” ХХК- тай шууд өрсөлдөгч компанид ажиллахгүй байх үүрэг бүхий дагалдах гэрээг байгуулсан. БНЭУ-ын иргэн Н үл өрсөлдөх үүрэг бүхий дагалдах гэрээг биелүүлэх үүрэгтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Д нь хугацаат цэргийн жинхэнэ алба хааж байгаа С-ийн оронд, түүнийг ажилдаа орохоор ирэх хүртэл хугацаанд ажиллахаар ажил олгогчтой хугацаатай хөдөлмөрийн гэрээ байгуулжээ. С ажилдаа орохоор ирснээр Д-ийн ажил олгогчтой байгуулсан хөдөлмөр эрхлэлтийн харилцаа дуусгавар болсон. Д-ийн хөдөлмөр эрхлэлтийн харилцаа дараах тохиолдлын аль үндэслэлээр дуусгавар болсон бэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Компанид Хөдөлмөрийн эрхийн маргаан таслах комиссыг байгуулахтай холбоотой ажилтны төлөөлөгч, ажил олгогчийн хооронд үл ойлголцол үүсжээ. Ажил олгогчоос комиссын бүрэлдэхүүнд орох төлвөлөгчийг компанийн дэд захирал, нягтлан бодогч зэрэг албан тушаалтныг томилж ирүүлсэн нь Хөдөлмөрийн тухай хуулийг зөрчиж байгааг ажилтны төлөөлөгч тайлбарлаж, комиссын бүрэлдэхүүнд орох ажил олгогчийн төлөөллийг хуульд нийцүүлэн томилохыг шаардсан. Комиссын бүрэлдэхүүнд ажил олгогчийг төлөөлөн хэн орж болохгүй вэ, комиссын бүрэлдэхүүнийг зөв тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн эрхийн маргааныг Сум, дүүргийн хөдөлмөрийн эрхийн маргаан зохицуулах гурван талт хороогоор шийдвэрлүүлэхээр гомдол гаргах хугацааг Д хүндэтгэн үзэх шалтгаанаар хэтрүүлжээ. Уг хугацааг сэргээх эсэх асуудлыг хэн шийдвэрлэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“А” ХХК уртын ээлжээр ажиллах ажилтнуудаа Улаанбаатар хотоос Өмнөговь аймгийн Гурвантэс суманд байх уурхайд, мөн уурхайгаас Улаанбаатар хотод буцаан хүргэхэд 2 өдрийг зарцуулж, уг хугацааг ажилласан цагт тооцож буй нь ажилтны ажил үүрэг гүйцэтгэх үндсэн хугацаа 12 хоног болж компанид хохиролтой гэж үзжээ. Иймд уртын нэг ээлжид ажиллах, амрах хугацааг тус бүр 13 хоногоор тооцож, ажлын байранд хүргэх, буцах хугацааг ажилласан цагт тооцож, зардлыг компаниас хариуцахаар ажилтны төлөөлөгчдөд санал болгосон. Ажил олгогчийн санал хуульд нийцсэн үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

А байгууллагын зардлаар Япон улсад суралцаж магистрын зэрэг хамгаалж, байгууллагадаа 4 жил 6 сарын хугацаанд үргэлжлүүлэн ажиллахаар ажил олгогчтой гэрээ байгуулсан. Тэрээр 3 жил ажиллаад хөдөлмөр эрхлэлтийн харилцааг дуусгавар болгох хүсэлтээ ажил олгогчид гаргасныг ажил олгогч хүлээн авсан ч А-ийн ажиллаагүй 1 жил 6 сарын хугацаанд ногдох сургалтын төлбөрийг төлөхийг шаарджээ. А-ийн зүгээс байгууллагад 3 жил ажиллаж сургалтын зардлыг төлсөн гэж маргасан. Уг маргааны хууль зүйн үндэслэлийг тодорхойлж зөв бодомжийг олно уу?