Хуульчийн шалгалтын асуулт, хариулт — 4 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

123 асуулт

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Компаниас ажилтнуудынхаа хувийн болон эмзэг мэдээллийн аюулгүй байдлыг хангахаар банктай хадгалалтын гэрээ байгуулжээ. Гэрээний төлбөрийн зохих хувийг ажилтнуудаас гаргуулахыг ажилтнууд зөвшөөрч цалингаасаа суутгуулсан. Хадгалалтын гэрээний хөлсийг ажилтнаар төлүүлэх, цалингаас нь суутгасан ажил олгогчийн шийдвэр Хөдөлмөрийн тухай хуульд нийцэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хамтын гэрээний талаарх хэлэлцээг эхлүүлэх тухай ажилтны төлөөлөгчдийн мэдэгдлийг ажил олгогч хүлээн авснаас хойш хуульд заасан хугацаанд хамтын хэлэлцээг эхлүүлэхээр хариу өгөөгүй байна. Байгууллагын үйлдвэрчний эвлэлээс энэ тухай ажилтнуудад мэдэгдэж, ажилт хаялт зарлах эсэх асуудлаар санал хураалт явуулахад олонх нь дэмжжээ. Энэ тохиолдолд хэн эцсийн шийдвэрийг гаргаж ажил хаялтыг зарлах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил олгогчийн шийдвэрээр Л-ийг 7 хоногийн 2 өдөр гэрээсээ ажиллахыг зөвшөөрчээ. Тэрээр хөгжлийн бэрхшээлтэй ээжийгээ асардаг бөгөөд энэ нь ажил олгогчийн шийдвэр гаргах шалтгаан болжээ. Л-тэй адил хөдөлмөр эрхэлдэг хөхүүл хүүхэдтэй ажилтан М хүүхдээ хөхүүлэх завсарлага авахаар ажлын цагийг богиносгох хүсэлтийг ажил олгогчид гаргасныг хүлээж аваагүй байна. Ажил олгогчийн шийдвэр нь ажилтнуудыг шууд бусаар ялгаварлан гадуурхаж ажилтан Л-д давуу байдал тогтоосон гэж үзэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

16 настай Д нь “А” ХХК-д ажилладаг бөгөөд түүний 7 хоногийн ажлын цаг 36 цаг, нэг сарын үндсэн цалин 950.000 төгрөг байхаар хөдөлмөрийн гэрээнд заасан. Хөдөлмөрийн тухай шинэ хуульд түүний 7 хоногт ажиллах ажлын цаг 30 цагаас илүүгүй байхаар хуульчилжээ. Компаниас Д-тэй байгуулсан хөдөлмөрийн гэрээг хуульд нийцүүлэн өөрчлөхдөө түүний 7 хоногийн ажлын цагийг 30 цаг, нэг сарын үндсэн цалинг 750.000 төгрөг болгохоор санал гаргажээ. Ажил олгогчийн санал хуульд нийцсэн үү?

Өмнөх4-р хуудасДараах

Сэдэв

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Компанийн ерөнхий нягтлан бодогч Д ажилдаа хайхрамжгүй хандаж компанид 86.0 сая төгрөгийн хохирол учруулсан гэж компанийн дотоод аудитын газар дүгнэжээ. Д дүгнэлтийг эс зөвшөөрч “надаас тайлбар аваагүй, хохиролд олох байсан орлогыг оруулан тооцсон нь бодитой биш” гэж маргасан байна. Тэрээр энэхүү шийдвэрийг эс зөвшөөрч шүүхэд гаргасан гомдолдоо “компанийн дэргэдэх хөдөлмөрийн эрхийн маргаан таслах комисст итгэхгүй байна” гэж дурджээ. Ажилтан Д компанийн хөдөлмөрийн эрхийн маргаан таслах комисс болон сум, дүүргийн хөдөлмөрийн эрхийн маргаан зохицуулах гурван талт хороог алгасаж шууд шүүхэд гомдлоо гаргах эрхтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил олгогч малчин, туслах малчин нарын хооронд байгуулсан хөдөлмөрийн гэрээнд “туслах малчинд олгох цалин хөлсний 50 хувийг бэлэн мөнгөөр, үлдэх 50 хувийг мал, хэрэглээний хүнс”-ээр олгоно гэсэн нь Хөдөлмөрийн тухай хуульд “туслах малчин зөвшөөрсөн бол түүний цалин хөлсний 30-аас илүүгүй хувийг мөнгөн бус хэлбэрээр олгож болно" гэсэн заалттай нийцсэнгүй. Талууд хөдөлмөрийн гэрээндээ Хөдөлмөрийн тухай хуульд зааснаас өөрөөр тохиролцож “хөдөлмөрийн дотоод хэм хэмжээ тогтоосон”-ыг Хөдөлмөрийн тухай хуулийг зөрчсөн гэж үзэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“Ж” ХХК-ийн барилгын талбайд үйлдвэрлэлийн осол гарч 3 ажилтан хөнгөн, хүнд гэмтжээ. Ослын шалтгааныг тогтооход тухайн барилгын талбай, барилга угсралтын ажлын явцад хөдөлмөрийн аюулгүй байдлын шаардлагыг хангуулах хяналт сул, аюулгүй ажиллагааны бүтэц, зохион байгуулалтыг бий болгоогүйн улмаас хөдөлмөрийн аюулгүй ажиллагааны байдал алдагдаж осол гарсан гэсэн дүгнэжээ. Үйлдвэрлэлийн ослын үр дагаврыг арилгах арга хэмжээг ажил олгогч шуурхай зохион байгуулж, мөн хариуцлага алдсан барилгын талбайн инженер, ерөнхий инженер нарт сахилгын шийтгэл оногдуулсан байна. Цагдаагийн байгууллагаас ослын талаар хэрэг бүртгэлтийн хэрэг нээн шалгасан. Хуульд зааснаар хөдөлмөрийн аюулгүй байдлыг хангаж, хөдөлмөрийн нөхцөлийг сайжруулах, хууль тогтоомжийг хэрэгжүүлэх, хяналт тавих үүргийг хэн шууд хариуцах үүрэгтэй вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөр эрхлэлтийн харилцааг ажил олгогчийн санаачилгаар дуусгавар болгосон шийдвэрийг ажилтан хүлээн авахаас татгалзжээ. Ажил олгогчоос ажилтны цахим шуудан, гар утасны дугаараар дамжуулан холбогдсон ч шийдвэрийг гардуулж чадаагүй байна. Энэ тохиолдолд ажил олгогч уг шийдвэрийг ажилтанд хэрхэн танилцуулах болон гардуулах ямар ажиллагааг явуулах үүрэгтэй вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөр эрхлэлтийн харилцааг ажил олгогчийн санаачилгаар дуусгавар болгосон тухай шийдвэрийг Р үндэслэлгүй гэж үзэж байгууллагын хөдөлмөрийн эрхийн маргаан таслах комисст гомдол гаргажээ. Комисс уг маргааныг урьдчилан шийдвэрлэх журмаар зохицуулж чадаагүй байна. Энэ тохиолдолд комисс ямар шийдвэр гаргах болон Р хэд хоногийн дотор, хаана гомдлоо гаргах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

А жирэмсний амралтаа авахаас өмнө буюу 7 сартай байх үедээ хүүхдээ дутуу төрүүлжээ. Хөдөлмөрийн тухай хуульд зааснаар эхэд жирэмсний болон амаржсаны 120 хоногийн амралтыг олгодог. Харин А-ийн хувьд дээрх золгүй байдал бий болсон учир түүнд ажил олгогчоос жирэмсний болон амаржсаны амралт олгох уу, олгох бол хэд хоногийн амралт олгодог вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Тухайн салбарт ажиллаж буй ажилтнуудын хөдөлмөр эрхлэлтийн нөхцөл, цалин хөлсний асуудлыг шийдвэрлэхээр эхлүүлсэн ажил олгогчийн болон ажилтны эрх, ашиг сонирхлыг төлөөлсөн байгууллагын хэлэлцээр хийгдэх явцад тухайн салбарын сайдын зүгээс “улс орны эдийн засгийн нөхцөл байдалтай уялдаагүй энэ хэлэлцээрийг дэмжихгүй, бүртгэх боломжгүй” гэсэн мэдэгдэл хийжээ. Салбар, салбар дундын хамтын хэлэлцээрийг бүртгэх эрх бүхий төрийн төрийн захиргааны төв байгууллага буюу холбогдох яамны сайдын үйлдэлд эрх зүйн дүгнэлт өгнө үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн тухай хуулийн 123.8-д “Хөдөлмөрийн сахилгын шийтгэл ногдуулснаас хойш нэг жил өнгөрвөл ажилтныг хөдөлмөрийн сахилгын шийтгэлгүйд тооцно” гэжээ. Ажилтан А-д 7 сарын өмнө “нээлттэй сануулах” хөдөлмөрийн сахилгын шийтгэлийг ажил олгогч ногдуулсан. Гэтэл компанийн гүйцэтгэх захирлын тушаалаар А-г сахилгын шийтгэлгүйд тооцжээ. Ажил олгогчид ийм бүрэн эрх хуулиар олгогдсон уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Гал унтраах ... дугаар ангийн албан хаагч Ж ажил үүргээ гүйцэтгэж яваад амь насаа алджээ. Байгууллагын зүгээс үйлдвэрлэлийн осолд өртөж нас барсан ажилтан Ж-ийн нэг сарын дундаж цалин хөлсний хэмжээгээр тооцон хуульд заасан хэмжээний нөхөн төлбөрийг гэр бүлд нь олгосон байна. Ажил олгогчоос Ж-ийн гэр бүлд нэг сарын дундаж цалин хөлсийг ямар хэмжээгээр нэмэгдүүлсэн нөхөн төлбөрийг олгох үүрэгтэй вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ц, З нар орон нутагт албан томилолтоор ажиллах хугацаанд Ц нь З-ийн бэлгийн дарамтад өртсөн, энэ байдал томилолтоос буцаж ирсэн ч ажлын байранд үргэлжилсээр байв. Энэ тохиолдолд Ц өөрийгөө бэлгийн дарамтад өртсөн гэж үзвэл хэнд, ямар журмаар гомдлоо гаргах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Нэгэн компани том оврын тээврийн хэрэгслүүдээ эд хөрөнгийн бүрэн даатгалаар даатгуулжээ. Даатгалын хураамжийн 50 хувийг компаниас, үлдэх 50 хувийг тухайн техник, тээврийн хэрэгслүүдийн оператор, жолооч нарт тэнцүү хуваарилж, тэдгээр ажилтнуудын цалин хөлснөөс сар бүр суутган авахаар шийдвэрлэсэн. Ажил олгогчийн шийдвэрт эрх зүйн дүгнэлт өгнө үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөр эрхлэлтийн харилцааг ажил олгогчийн санаачилгаар дуусгавар болгосон тухай шийдвэрийг ажилтан үндэслэлгүй гэж үзсэн тул шүүхэд бус байгууллагын хөдөлмөрийн эрхийн маргаан таслах комисст гомдол гаргасан. Байгууллагад хөдөлмөрийн эрхийн маргаан таслах комисс байхгүй гэсэн тул тэрээр шүүхэд нэхэмжлэл гаргажээ. Шүүх нэхэмжлэлийг хүлээн авах уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Барилгын салбарын бизнес улирлын чанартай буюу зуны улиралд идэвхтэй явагддаг, тэр дундаа жил бүрийн наадмын дараа ажиллах хүчний хомсдол их үүсдэг байна. “А” ХХК-аас 85 айлын орон сууцны барилгын дотоод заслын ажлыг гүйцэтгэхэд шаардлагатай ажиллах хүчийг түр нөхөх зорилгоор 18 иргэнтэй 3 сарын хугацаатай, цалинг хийснээр олгохоор тохиролцож хөдөлмөрийн гэрээ байгуулжээ. Гэрээний хугацаанд тогтвортой, хариуцлагатай ажиллуулах барьцаа болгож эдгээр ажилтнуудын иргэний үнэмлэхийг компани хадгалахаар болсон. Гэрээнд ийм нөхцөл зааж болох уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөр эрхлэлтийн харилцааг цуцалсан ажил олгогчийн шийдвэрийг У эс зөвшөөрч Сум, дүүргийн хөдөлмөрийн эрхийн маргаан зохицуулах гурван талт хороонд гомдол гаргасныг, хороо урьдчилан шийдвэрлэх журмаар зохицуулж чадаагүй. У хорооны тэмдэглэлийг хүлээн авснаас хойш 30 хоногийн дотор ажилд эгүүлэн тогтоолгох нэхэмжлэлээ шүүхэд гаргасан байна. У шүүхэд нэхэмжлэл гаргах хугацааг хэтрүүлсэн үү, тэрээр ямар хугацааны дотор нэхэмжлэлээ гаргах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Компаниас ажилтнуудын цалин хөлсийг хоёр сарын хугацаанд санхүүжилтгүй гэсэн үндэслэлээр олгоогүй. Хэсэг ажилтан энэ байдлыг эсэргүүцэж ажил үүргээ гүйцэтгэхээс татгалзаж эсэргүүцлээ илэрхийлжээ. Хожим ажилтнуудын цалин хөлсийг нөхөн олгох үед эсэргүүцлээ илэрхийлэн 8 хоног ажиллаагүй ажилтнуудын ажиллаагүй хугацааны цалин хөлсийг ажил олгогч олгоогүй байна. Энэ тохиолдолд ажил олгогч, 8 хоног ажиллаагүй ажилтны цалин хөлсийг олгох үүрэг хүлээх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн тухай хуульд ердийн ажлын өдрийн болон нэг ээлжийн ердийн ажлын цагийн үргэлжлэл 8 цагаас илүүгүй байхаар хуульчилсан. Харин уул уурхай, олборлох салбарт уртын ээлжээр ажиллах ажилтны ажлын өдрийн үргэлжлэл 12 цагаас илүүгүй байна гэжээ. Уул уурхайн салбарт уртын ээлжээр ажилладаг Д-ийн ердийн ажлын нэг өдрийн үргэлжлэл 12 цаг бөгөөд тэрээр хуульд зааснаар 14 хоног ажиллаж, 14 хоног амардаг. Талууд хөдөлмөрийн гэрээ болон компанийн хөдөлмөрийн дотоод журамд зааснаар ажил олгогч, ажилтныг нэг сард /14x12/ 168 цагаас илүү цагаар ажиллуулсан бол илүү цагийн хөлс олгохоор тохиролцжээ. Энэ тохиолдолд талуудын тохиролцсоноос үл хамааран ажилтныг нэг ээлжийн ердийн ажлын цагийн дээд хязгаараас хэтрүүлэн /8-4/ ажиллуулж хууль зөрчсөн гэж үзэж, ажил олгогчоос ажилтныг нэг өдөрт 4 цагаар илүү ажиллуулсны нэмэгдэл хөлсийг нөхөн гаргуулах уу. Зөв бодомжийг олно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хамтын гэрээ байгуулах асуудлаар “Х” компанийн ажил олгогч, ажилтны төлөөлөгчид нэгдмэл ойлголтод хүрч чадаагүй учир ажилтны төлөөлөгчид хөдөлмөрийн сонирхлын маргаанаа хөдөлмөрийн зуучлагчийн дэмжлэгтэйгээр шийдвэрлүүлэхээр санал гаргаж, ажил олгогчид хүргүүлжээ. Уг саналд ажил олгогч хуульд заасан хугацаанд хариу ирүүлээгүй, Ажил олгогч ийнхүү хөдөлмөрийн зуучлагчийн үйл ажиллагаанаас ийнхүү татгалзсан учир “Х” компанийн үйлдвэрчний эвлэлээс хуульд заасан дараагийн арга хэмжээг эхлүүлэхээр шийдвэрлэсэн. Үйлдвэрчний эвлэлд ямар арга хэмжээ авах эрх хуульд зааснаар үүсэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“С” ХХК-аас Ц-г ажилд авахдаа түүнтэй туршилтаар ажиллуулах хөдөлмөрийн гэрээг 3 сарын хугацаагаар байгуулж, гэрээний хугацааг 1 удаа 3 сараар сунгажээ. Туршилтаар ажиллах гэрээний хугацаа дуусгавар болоход ажил олгогч “Ц-ийн ажлын байр нарийн мэргэжил шаардсан ажил” гэж тайлбарлан түүнтэй дагалдангаар ажиллах хөдөлмөрийн гэрээг 2 жилийн хугацаагаар байгуулсан. Энэ гэрээний хугацаа дуусахад 1 удаа 8 сарын хугацаагаар сунгах саналыг ажил олгогч гаргажээ. Уг саналаас Ц татгалзаж, үндсэн ажлын байранд хөдөлмөрийн гэрээг хугацаагүй байгуулахыг ажил олгогчоос шаардсан байна. Ажилтан Ц- ийн саналаар хөдөлмөрийн гэрээг хугацаагүй байгуулах хууль зүйн боломжтой юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“О” ХХК нь 36 ажилтантай жижиг компани тул хөдөлмөрийн эрхийн маргаан бараг гардаггүй. Гэвч хөдөлмөр эрхлэлтийн харилцааны явцад үүсэж болзошгүй маргааныг урьдчилан шийдвэрлүүлэх, нийтлэг эрх, ашиг сонирхлоо хамгаалахтай холбоотойгоор компанид хөдөлмөрийн эрхийн маргаан таслах комиссыг байгуулах шаардлагыг ажилтнууд гаргаж, ажил олгогчийг төлөөлөгчөө томилохыг шаарджээ. Компани хөдөлмөрийн эрхийн маргаан таслах комиссыг ямар нөхцөлд байгуулах вэ, комисс заавал байнгын ажиллагаатай байх ёстой юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Х үйлдвэрлэлийн ослын улмаас хөдөлмөрийн чадвараа 35 хувиар алджээ. Ажил олгогч хуульд зааснаар түүнд дундаж цалин хөлсийг нь 7 дахин нэмэгдүүлсэн хэмжээгээр тооцож нөхөн төлбөр олгосон байна. Х тэтгэмжийн даатгалын шимтгэлийг 49 сар төлсөн. Түүнд хөдөлмөрийн чадвар түр алдсаны тэтгэмжийг, тэтгэмжийн даатгалын сангаас олгохдоо ажил олгогчийн төлсөн нөхөн төлбөр, шимтгэл төлсөн хугацааг харгалзан дундаж цалингийн 40 хувиар тооцжээ. Нөхөн төлбөр нь тэтгэмж авах хэмжээг багасгах үндэслэл болохгүй, тэтгэмжийг дундаж цалингийн 50 хувиар тооцох ёстой гэж Х маргасан. Нөхөн төлбөр нь тэтгэмж олгох хэмжээг багасгах үндэслэл болох уу?