Хуульчийн шалгалтын асуулт, хариулт | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

123 асуулт

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Д-ийн эхнэр 5 сарын өмнө нас барж, тэрээр 2 настай охины хамт үлджээ. Гэтэл ажиллаж байгаа компани нь татан буугдах болж, түүнд ажлаас чөлөөлөх мэдэгдэл ирсэн нь түүний амьдралд хүндээр тусав. Тэрээр ажил олгогчид хандан гурав хүртэлх насны хүүхэдтэй ганц бие эцэг гэдгээ хэлж ажлаас чөлөөлөхгүй байхыг хүссэн ч тусыг эс олжээ. Ажил олгогч Д-ийг ажлаас чөлөөлөх үндэслэлтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хувьцаа худалдах-худалдан авах гэрээгээр “Б” ХХК шинэ хувьцаа эзэмшигчтэй болсон. “Онцгой нөхцөл бүхий хөдөлмөрийн гэрээ”- ний үндсэн дээр компанийн гүйцэтгэх удирдлагаар ажиллаж буй Х- тэй байгуулсан хөдөлмөр эрхлэлтийн харилцааг компанийн шинэ хувьцаа эзэмшигч “хувьцаа эзэмшигчийн бүрэн эрхээ хэрэгжүүлэх” замаар шийдвэр гарган уг харилцааг дуусгавар болгожээ. Ажилтныг Хөдөлмөрийн тухай хуулийн 80 дугаар зүйлд зааснаас өөр үндэслэлээр ажил олгогчийн санаачилгаар цуцалсан нь хууль зүйн үндэслэлтэй эсэхийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил олгогч Хөдөлмөрийн тухай хуулийн 123.2.4-т зааснаар ажилтан Ц-д албан тушаал бууруулах сахилгын шийтгэл ногдуулж, хүний нөөцийн газрын мэдэлд шилжүүлжээ. Шүүх уг шийдвэрийг “сахилгын шийтгэлийн үр дагавар тодорхой, хуульд нийцсэн байх” шаардлагыг хангаагүй гэж дүгнээд Ц-г урьд эрхэлж байсан ажилд нь эгүүлэн тогтоосон байна. Шүүхийн шийдвэр хууль зүйн үндэслэлтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Д “Мастер” сургалтын төвийн Монгол хоолны тогоочийн сургалтад 6 сар суралцаж төгссөн тогооч, Тэрээр “Цайдам” ХХК-ийн хоолны газарт тогоочоор ажилд орсон ба түүнтэй байгуулсан хөдөлмөрийн гэрээнд эхний 1 жил хөдөлмөрийн хөлсний доод хэмжээгээр цалинжуулахаар тусгажээ. Ажил олгогч ямар хууль зөрчсөн бэ?

1-р хуудасДараах

Сэдэв

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ц эрхзүйч мэргэжлээр сурч төгссөн ч одоогоор гэртээ сууж, хааяа зарын дагуу цагийн ажил хийж амьдралаа залгуулдаг. Тэрээр мэргэжлээрээ ажиллах хүсэлтэй бөгөөд дүүргийнхээ хөдөлмөр эрхлэлтийн хэлтэс, хөдөлмөрийн биржид бүртгүүлсэн. Мөн өөрөө сонин, цахим хуудаст ажил хайх зар тавьж, хэд хэдэн ажил олгогчид хандсан ч ажилд орж чадсангүй. Ц-г дараах нэр томьёоны аль ангилалд хамруулах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажилтан Б төмөр тастагч машиныг ажиллуулах явцдаа үйлдвэрлэлийн осолд өртөж зүүн гарын 1-р хурууны уг, 2-р хурууны угийн шивнүүрийн дээд хэсгээр хуруу нь тасарчээ. Үйлдвэрлэлийн ослыг судлан бүртгэж, шалтгааныг тогтоох компанийн орон тооны бус комиссын дүгнэлт гаргуулах, ослын талаар улсын байцаагчид мэдэгдэхгүй байхаар ажил олгогч, ажилтан тохиролцож, компаниас ажилтанд цалинтай 8 сарын чөлөө олгож, эмчилгээ, протез хийлгэх зардлыг бүрэн хариуцах, мөн 50 сая төгрөг олгохоор болжээ. Талууд тохиролцсон бол үйлдвэрлэлийн осолд заавал дүгнэлт гаргуулах, улсын байцаагчид хандахгүй байж болох уу, энэ тохиролцоо хуульд нийцсэн үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Онцгой нөхцөл бүхий хөдөлмөрийн гэрээгээр ажиллаж байгаа С ажил үүргээ гүйцэтгэх үедээ өөрийн буруугаас ажил олгогчид 25.0 сая төгрөгийн хохирол учруулжээ. Ажил олгогч уг хохирлыг нөхөн төлүүлэхээр шүүхэд нэхэмжлэл гаргасан. Энэхүү маргаанд урьдчилан шийдвэрлэх журам үйлчлэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажлын байрны сонгон шалгаруулалтад тэнцсэнийг “А” ХХК-аас Б-д мэдэгдэж, ажилд урьжээ. Компаниас түүнтэй хөдөлмөрийн гэрээг байгуулаагүй ч ажлын байрыг хүлээлцэн 2023 оны 08 дугаар сарын 07- ны өдрөөс эхлэн ажил үүргээ гүйцэтгэж эхлэхийг мэдэгдэж, Б тухайн өдрөөс эхлэн ажиллах бэлтгэлгүй байсан учир 2023 оны 08 дугаар сарын 09-ны өдрөөс ажиллаж эхэлсэн. Компани түүнтэй 2023 оны 08 дугаар сарын 14-ны өдөр хөдөлмөрийн гэрээг бичгээр байгуулжээ. Талуудын хооронд хөдөлмөр эрхлэлтийн харилцаа үүссэн хугацааг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Гүйцэтгэх ажил, үүргийн онцлогоос шалтгаалан “ЭТТ” ХХК-аас шинээр ажилд орсонгГ-тэй байгуулсан гэрээнд түүнийг ажил олгогчийн удирдлага, заавар, хяналтын дор ажиллаж, гэрээнд заасан тодорхой ажил үүргийг ажлын байранд биечлэн гүйцэтгэж байхыг, харин компанийн зүгээс түүнд цалин хөлс олгож, хөдөлмөрийн нөхцөлөөр хангана гэж харилцан эрх эдэлж, үүрэг хүлээхээр тохиролцжээ. Талуудын хооронд хөдөлмөр эрхлэлтийн ямар харилцаа үүссэн гэж үзэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн тухай хуульд зааснаар хөдөлмөр эрхлэлтийн харилцааг ажилтны санаачилгаар цуцлахаар бол ажилтан энэ тухайгаа ажил олгогчид мэдэгдэх үүрэг хүлээсэн. Ийнхүү мэдэгдсэн өдрөөс хойш 30 хоног өнгөрсөн бол ажилтан ажлын байраа орхин явах эрхтэй байна. Энэ тохиолдолд хөдөлмөр эрхлэлтийн харилцаа дуусгавар болох хугацааг хуульд хэрхэн тодорхойлсон бэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хоолны чанарын талаар ресторанаар үйлчлүүлэгчийн гаргасан гомдлоор тогооч Х-ын мэргэжлийн ур чадвар, мэргэшсэн байдлыг ажил олгогч шалгах явцад гомдол үндэслэлгүй нь тогтоогдсон ч Х тогоочийн мэргэжил эзэмшээгүй, ажилд орохдоо өөр хүний мэргэжлийн үнэмлэхийг ашигласан нь тогтоогджээ. Ажил олгогчоос Х-г тогооч мэргэжил эзэмшээгүй нь үйлчлүүлэгчийн сэтгэл ханамжийг удирдах тогоочийн мэргэжлийн ур чадварт суралцаагүй, мэргэжлийн бус гэж дүгнэн Хөдөлмөрийн тухай хуулийн 80.1.2-т “ажилтан мэргэжил, мэргэшлийн түвшин, ур чадвар, ажлын гүйцэтгэлийн хувьд гүйцэтгэж байгаа ажил үүрэгтээ тэнцэхгүй нь тогтоогдсон” гэсэн үндэслэлээр ажлаас чөлөөлсөн. Ажил олгогчийн шийдвэр үндэслэлтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Д-тай байгуулсан туршилтаар ажиллуулах хөдөлмөрийн гэрээний хугацаа дуусахад ажил олгогч хөдөлмөрийн гэрээг шинээр байгуулах санал гаргахдаа гэрээний хугацааг 3 жил гэж заажээ. Ажилтан уг хугацааг хүлээн зөвшөөрсөн бол ажил олгогчийн саналыг хуульд нийцсэн гэж дүгнэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Компанийн төлөөлөн удирдах зөвлөл (ТУЗ)-өөс А-тай Иргэний хуулийн 359-р зүйлд заасан гэрээ байгуулан компанийн гүйцэтгэх захирал (ГЗ)-аар ажиллуулах, ГЗ-ын эрх мэдэл, хүлээх хариуцлагыг гэрээний хавсралтаар зааж, ажлыг компанийн байранд болон гадуур гагцхүү биечлэн гүйцэтгэх, сар бүрийн эцэст 1 удаа 25.0 сая төгрөгийн хөлс төлж, ердийн нөхцөлөөр ажиллуулахаар тохиролцжээ. Талуудын хооронд ямар төрлийн гэрээ байгуулагдсан бэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн тухай хуульд зааснаар аж ахуйн нэгж, байгууллага нийт ажлын байрныхаа тодорхой хувиас доошгүй орон тоонд хөгжлийн бэрхшээлтэй хүнийг ажиллуулах үүрэгтэй. “МТТ” ХХК 150 ажилтантай гэж үзвэл тус байгууллагад хөгжлийн бэрхшээлтэй хэдэн хүн ажилласнаар хуульд заасан суурь шаардлагыг хангах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ннь байгууллагын ерөнхий нягтлан бодогчоор ажилладаг тул ажил олгогч түүнтэй эд хөрөнгийн бүрэн хариуцлагын гэрээ байгуулсан. Н харилцагч компаниас 2022 оны 05 дугаар сарын 20-ны өдөр шилжүүлсэн мөнгийг хувийн дансандаа авсан нь 2023 оны 02 дугаар сарын 10-ны өдрийн дотоод аудитын шалгалтаар тогтоогдсон тул ажил олгогч 2023 оны 02 дугаар сарын 15-ны өдрийн шийдвэрээр Н-тай байгуулсан хөдөлмөр эрхлэлтийн харилцааг цуцалсан сахилгын шийтгэл ногдуулжээ. Уг шийдвэрийг Н эс зөвшөөрч сахилгын шийтгэл хүлээлгэх хөөн хэлэлцэх хугацаа өнгөрсөн гэж маргасан. Ажил олгогч сахилгын шийтгэл ногдуулах хугацааг хэтрүүлсэн үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөр эрхлэлтийн харилцааг ажил олгогчийн санаачилгаар дуусгавар болгосон тухай шийдвэрийг үндэслэлгүй гэж үзсэн С байгууллагын хөдөлмөрийн эрхийн маргаан таслах комисст гомдол гаргажээ. Тэрээр шийдвэрийг хүлээн авснаас хойш хэд хоногийн дотор гомдлоо гаргах ёстой вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөр эрхлэлтийн харилцааг ажил олгогч иргэний санаачилгаар дуусгавар болгосон тухай шийдвэрийг үндэслэлгүй гэж үзсэн Н хуульд заасан хугацаанд нэхэмжлэлээ шүүхэд гаргажээ. Шүүх нэхэмжлэлийг хүлээн авах уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“Х” ХХК-аас “Цалинтай дадлагажих” хөтөлбөрийг 5 дахь жилдээ амжилттай хэрэгжүүлж, 35 оюутныг 3 сарын хугацаанд цалинтай дадлага хийлгэжээ. Тус компани энэхүү хөтөлбөрийг хэрэгжүүлэх хугацаанд оюутнуудтай хөдөлмөрийн гэрээ байгуулах уу, ямар төрлийн гэрээ байгуулах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ахмад настан Д нэгэн зочид буудалд угтагч, ачаа зөөгчөөр ажилладаг. Жуулчны улирал эхэлсэнтэй холбоотой түүнийг шөнийн 02:00 цаг хүртэл ажиллуулах, шөнийн цагаар ажилласны хөлсийг 1.2 дахин нэмэгдүүлж олгохоор шийдвэрлэжээ. Ахмад настныг шөнийн цагаар ажиллуулж болох уу, ажил олгогчийн шийдвэр хуульд нийцсэн үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

її нэгэн компанид ажилладаг ба ажил олгогчийн шийдвэрээр орон нутагт 6 хоногийн хугацаагаар томилолтоор ажилласан. Ийнхүү ажиллах үедээ 4 сартай жирэмсэн байсан Л үр зулбажээ. Жирэмсэн эмэгтэйг томилолтоор ажиллуулахыг хориглосон Хөдөлмөрийн тухай хуулийг ажил олгогч зөрчсөн гэж үзсэн тэрээр эмчилгээний төлбөр 456.000 төгрөг, 14 хоногийн цалинтай чөлөө олгохыг ажил олгогчоос хүссэн. Ажил олгогчоос ажилтны жирэмсэн эсэхийг мэдээгүй, энэ тухайгаа мэдэгдээгүй гэж тайлбарлан түүнд 7 хоногийн цалинтай чөлөө олгож, 456.000 төгрөгийг олгоогүй байна. Ажил олгогч, ажилтныг томилолтоор ажиллууяахаас өмнө түүнээс жирэмсэн эсэхийг нь тодруулах байсан уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн тухай хуулийн 80.1.3-т “ажилтан эрүүл мэндийн хувьд ажил үүргээ гүйцэтгэх боломжгүй нь эрүүл мэндийн магадлалын зөвлөлийн шийдвэрээр тогтоогдсон” гэсэн үндэслэлээр хөдөлмөр эрхлэлтийн харилцааг ажил олгогчийн санаачилгаар цуцалжээ. Компанийн удирдлага уг шийдвэрийг гаргахаас өмнө ажилтны эрүүл мэндийн байдлыг дордуулахгүйгээр шилжүүлэн ажиллуулах өөр ажлын байр байхгүйг ажилтанд тайлбарласан. Ажилтан ажлаас чөлөөлсөн шийдвэр болон удирдлагын тайлбарыг эс зөвшөөрч, компани санаачилга гаргаагүй гэж гомдол гаргажээ. Энэ тохиолдолд ажил олгогч хуульд нийцүүлэн ямар урьдчилсан арга хэмжээг авсан байх ёстой вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“А” ХХК нь нарийн мэргэжлээр дагалднаар ажиллах хөдөлмөрийн гэрээг З-тэй 2 жилийн хугацаатай байгуулсан байна. Гэрээний хугацаа дууссан тул талууд гэрээг анх байгуулсан хугацаагаар сунгаж, энэ хугацаа дуусахад З-г байнгын ажилд авахаар тохиролцжээ. Талуудын энэхүү нэмэлт тохиролцоо хуульд нийцсэн үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Д нь “Мастер” сургалтын төвийн Монгол хоолны тогоочийн сургалтад 6 сар суралцаж төгссөн тогооч. Тэрээр “Цайдам” ХХК-ийн хоолны газарт тогоочоор ажилд орсон ба түүнтэй байгуулсан хөдөлмөрийн гэрээнд эхний 1 жил хөдөлмөрийн хөлсний доод хэмжээгээр цалинжуулахаар тусгажээ. Д-ийн цалинг хөдөлмөрийн хөлсний доод хэмжээгээр тогтоосон нь зөв үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Компанийн хувьцаа эзэмшигч өөрчлөгдсөнөөр “О” ХХК-ийн шинэ хувьцаа эзэмшигчээс гүйцэтгэх захирал А-тай байгуулсан онцгой нөхцөл бүхий хөдөлмөрийн гэрээг цуцалж байгааг түүнд мэдэгдэж, ажлын өрөөг 1 цагийн дотор чөлөөлөх, ажлаас чөлөөлөх хүртэлх 30 хоногийн хугацааны цалин хөлсийг тооцон олгохыг мэдэгджээ. А-гийн зүгээс хувьцаа эзэмшигчийг Хөдөлмөрийн тухай хууль зөрчиж байгааг дурдаж, гүйцэтгэх захирлын хувьд ажлаас чөлөөлөгдөх хүртэл ажил үүргээ гүйцэтгэх эрхтэй гэж маргасан. Ажлаас чөлөөлөх мэдэгдлийг гүйцэтгэх захиралд мэдэгдсэнээс хойш ажил үүргийг нь үргэлжлүүлэн гүйцэтгүүлэхгүй байх эрх хувьцаа эзэмшигчид зөвшөөрөгдсөн үү?