Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ
Компанийн хувьцаа эзэмшигч өөрчлөгдсөнөөр “О” ХХК-ийн шинэ хувьцаа эзэмшигчээс гүйцэтгэх захирал А-тай байгуулсан онцгой нөхцөл бүхий хөдөлмөрийн гэрээг цуцалж байгааг түүнд мэдэгдэж, ажлын өрөөг 1 цагийн дотор чөлөөлөх, ажлаас чөлөөлөх хүртэлх 30 хоногийн хугацааны цалин хөлсийг тооцон олгохыг мэдэгджээ. А-гийн зүгээс хувьцаа эзэмшигчийг Хөдөлмөрийн тухай хууль зөрчиж байгааг дурдаж, гүйцэтгэх захирлын хувьд ажлаас чөлөөлөгдөх хүртэл ажил үүргээ гүйцэтгэх эрхтэй гэж маргасан. Ажлаас чөлөөлөх мэдэгдлийг гүйцэтгэх захиралд мэдэгдсэнээс хойш ажил үүргийг нь үргэлжлүүлэн гүйцэтгүүлэхгүй байх эрх хувьцаа эзэмшигчид зөвшөөрөгдсөн үү?
Шинэчилсэн: 2026.10.04
- A.Онцгой нөхцөл бүхий хөдөлмөрийн гэрээний онцлогоос шалтгаалан хувьцаа эзэмшигч гүйцэтгэх удирдлагатай байгуулсан гэрээг цуцлах эрхтэй, харин ажлаас чөлөөлөөгүй байгаа учир ажиллуулахаас татгалзах эрхгүй
- B.Мэдэгдэл авсан гүйцэтгэх удирдлагаар уг ажил үүргийг үргэлжлүүлэн гүйцэтгүүлэх шаардлагагүй эсхүл боломжгүй гэж хувьцаа эзэмшигч үзсэн бол ажлаас чөлөөлөгдөх хүртэлх хугацааны дундаж цалин хөлсийг нь тооцон олгож, ажиллуулахгүй байх эрхтэй✓ Зөв хариулт
- C.Хувьцаа эзэмшигч өөрчлөгдсөн нь компанийн гүйцэтгэх удирдлагыг ажлаас чөлөөлөх үндэслэл болохгүй бөгөөд хувьцаа эзэмшигчийн шийдвэр Хөдөлмөрийн тухай хуульд нийцэхгүй
- D.Компанийн тухай хуульд зааснаар хувьцаа эзэмшигч, хувьцаа эзэмшигчдийн хуралд оролцож, бодлогын шийдвэр гаргах тул Хөдөлмөрийн тухай хуулийн дагуу гүйцэтгэх захирлыг ажлаас чөлөөлөх эрхгүй