Хуульчийн шалгалтын асуулт, хариулт — 3 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

123 асуулт

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Нэгэн их сургууль А-г 1 жилийн хугацаанд багшаар ажиллуулахаар гэрээ байгуулж, заах хичээлийн цаг, хуваарийг урьдчилан тохиролцож, хичээлийн программыг тухайн сургуулийн жишгээр гаргах, ирц болон орсон хичээлийн тэмдэглэлийг хөтөлж байхыг багшид үүрэг болгосон. Сургууль сар бүр 3.0 сая төгрөгийн хөлсийг сард 2 удаа болон илүү цагийн хөлс олгохоор тохиролцсон. Мөн оюутнуудын бие даалтын ажил хийлгэх, дүн тавих, анги дэвшүүлэх шийдвэр гаргахад баримтлах дүрэм, журмыг гэрээнд тодорхой заажээ. Талуудын хооронд ямар төрлийн гэрээ байгуулагдсан бэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил хаялт зарласны улмаас нийтийн тээврийн үйлчилгээ үзүүлдэг “Б” ТӨХК-ийн үйл ажиллагаа хэвийн явагдах боломжгүй болсон учир ажил хаялтад оролцож буй ажилтнуудын оронд түр ажилтан авч ажиллуулжээ. Уг шийдвэрийг үйлдвэрчний эвлэл, ажил хаялтад оролцож буй ажилтнууд эсэргүүцэж, ажил олгогч хууль зөрчсөн гэж шүүхэд гомдол гаргасан. Шүүх маргааныг хэрхэн шийдвэрлэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ө хугацаат цэргийн жинхэнэ албанаас 2023 оны 10 дугаар сарын 14-ны өдөр халагдсан. Тэрээр цэргийн албанд татагдахаас өмнө ажиллаж байсан ажилдаа орохоор 2023 оны 11 дүгээр сарын 22-ны өдөр очиход түүний оронд өөр хүнийг ажилд авсан байжээ. Ө-ийн ажилдаа орох байсан хугацаа 2023 оны 11 дүгээр сарын 03-ны өдрөөр дуусгавар болсныг ажил олгогч тайлбарлаж, мөн ажилд орох хугацааг сунгах хүсэлтийг гаргаагүй учир ажилд авах боломжгүй гэж татгалзсан. Ажилтны ажлын байрыг ажил олгогч ямар хугацаанд хадгалах болон ажилтан ажилдаа эргэн орох талаар ямар үүрэгтэй бэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

А жирэмсний амралтаа авахаас өмнөх хугацаанд буюу 5 сартай жирэмсэн үедээ хүүхдээ дутуу төрүүлжээ. Хөдөлмөрийн тухай хуульд зааснаар эхэд жирэмсний болон амаржсаны 120 хоногийн амралтыг олгодог. Харин А-ийн хувьд дээрх золгүй байдал бий болсон учир түүнд ажил олгогчоос жирэмсний амралт олгох уу, олгох бол хэд хоногийн амралт олгодог вэ?

Өмнөх3-р хуудасДараах

Сэдэв

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Махны чиглэлийн үхэр өсгөж, махны үйлдвэрлэлийг нэмэгдүүлэх үйл ажиллагааг “Г” ХХК явуулдаг. Энэ хүрээнд Герефорд үүлдрийн бухыг нутгийн монгол үхэртэй үржилд оруулж цөм сүрэг гарган авахаар ажиллаж, уг ажлыг хариуцаж буй ажилтан Ц-ийн судалгаанд зориулан герефордын 2 бух, нутгийн 10 монголын үнээг мэдэлд нь шилжүүлжээ. Хээлтүүлэг амжилттай болсон ч ирэх хавар нь 6 үнээ хээлээ даалгүй, мөн төллөж чадалгүй үхжээ. Туршилт амжилтгүй болж мал үхсэнд ажил олгогч, ажилтан Ц-г буруутган 6 үхрийн үнийг төлүүлнэ гэв. Уг хохирол нь туршилтын явцад гарсан учир хохирлыг хариуцах үндэслэлгүй гэж ажилтан татгалзсан. Ажилтны хариуцаж байсан судалгаа, туршилтын ажил амжилтгүй болсон учир тэрээр хохирлыг хариуцах үндэслэлтэй эсэхийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Талуудын хооронд байгуулсан туршилтаар ажиллуулах хөдөлмөрийн гэрээний хугацаа дуусаж, ажил олгогчоос Т-г үндсэн ажлын байранд жинхэлж, түүнтэй хөдөлмөрийн гэрээг хугацаагүй байгуулжээ. Хэсэг хугацааны дараа Т ажил олгогчид хандан хөдөлмөрийн гэрээнд өөрчлөлт оруулах хүсэлт гаргасан. Тэрээр “Хөдөлмөрийн тухай хуулийн 49.1- д заасан хөдөлмөрийн гэрээний гол нөхцөлд хамаарахгүй нөхцөлийг гэрээнд тусгажээ, энэ талаар надтай харилцан тохиролцоогүй учир уг гол бус нөхцөлийг гэрээнээс хасуулах саналтай” гэжээ. Талууд хөдөлмөрийн гэрээнд дараах нөхцөлүүдийг тусгасан. Эдгээрээс ажилтан Т-ийн тодорхойлсноор хөдөлмөрийн гэрээнд зайлшгүй тусгах шаардлагагүй гол бус нэмэлт нөхцөл аль нь вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөр эрхлэлтийн харилцааг ажил олгогчийн санаачилгаар дуусгавар болгосон тухай шийдвэрийг Б үндэслэлгүй гэж үзэж байгууллагын хөдөлмөрийн эрхийн маргаан таслах комисст гомдол гаргажээ. Комисс гомдлыг хүлээн авснаас хойш хэд хоногийн дотор шийдвэрлэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил олгогч, ажилтан Э-тэй байгуулсан хөдөлмөр эрхлэлтийн харилцааг ажил олгогчийн санаачилгаар 2023 оны 12 дугаар сарын 27-ны өдөр цуцалжээ. Хөдөлмөрийн эрхийн маргааныг урьдчилан шийдвэрлэх журам амжилтгүй болж, ажилтан хөдөлмөрийн маргаан зохицуулах гурван талт хорооны тэмдэглэлийг 2024 оны 02 дугаар сарын 19-ны өдөр хүлээн авч, гомдлоо 2024 оны 03 дугаар сарын 25-ны өдөр буюу 30 хоногийн дотор шүүхэд гаргасан. Шүүхээс нэхэмжлэгч гомдол гаргах хөөн хэлэлцэх хугацааг хэтрүүлсэн үндэслэлээр нэхэмжлэлийг хэрэгсэхгүй болгожээ. Дараах бодомжуудаас шүүхийн шийдвэрийн үндэслэлийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“А” ББН 52 ажилтантай, тус нөхөрлөлд хөгжлийн бэрхшээлтэй хүн ажилладаггүй. Хөдөлмөрийн тухай хуульд зааснаар нийт ажлын байрныхаа 4 хувиас доошгүй орон тоонд хөгжлийн бэрхшээлтэй хүн ажиллуулах үүргээ “А” ББН хэрэгжүүлээгүй учир тухайн орон тоо тутамд ногдох төлбөрийг Хөдөлмөр эрхлэлтийг дэмжих дэд санд төлөх үүрэгтэй. Гэвч тус нөхөрлөл сүүлийн 2 жилийн хугацаанд хөгжлийн бэрхшээлтэй иргэний үйлдвэрлэсэн бүтээгдэхүүнийг байнга худалдан авсныг нь үндэслэж, ногдох төлбөрөөс чөлөөлөх шийдвэрийг дүүргийн хөдөлмөрийн хяналтын улсын байцаагч гаргажээ. Улсын байцаагчийн шийдвэр хуульд нийцсэн үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“А” ХХК-ийн агуулахаас их хэмжээний барилгын материал хулгайд алдагдсан үйлдэлд цагдаагийн байгууллага тус компанийн нягтлан бодогч Ц-г сэжиглэж, албан үүргээ биелүүлэхийг түдгэлзүүлэх таслан сэргийлэх арга хэмжээг прокурорын саналаар шүүх авсан тул ажил олгогч Ц-ийн ажил үүрэг гүйцэтгэхийг түдгэлзүүлж, цалин олгохыг зогсоожээ. Тэрээр 8 сарын хугацаанд шалгагдсан ба уг хэрэгт холбогдолгүй нь тогтоогдож, хөдөлмөр эрхлэлтийн харилцаа нь сэргэжээ. 8 сарын турш ажилгүй байсан хугацааны цалин хөлсөө Ц хэнээс, ямар журмаар шаардах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“Т” банкны 15 дугаар салбар 6 теллертэй. Теллер Ч ажлаасаа байнга хоцордог, заримдаа эрт тардаг байдлыг салбарын захирал мэдсэн ч энэ тухай арга хэмжээ авдаггүй. Гэтэл мөн адил теллер ажилтай Б-г ажлаасаа 2 удаа хоцорсныг үндэслэн ажил олгогч түүнд сахилгын сануулах арга хэмжээ авчээ. Ажил олгогчийн энэхүү үйлдэл нь ажил эрхлэлт, хөдөлмөрийн харилцаан дахь ялгаварлан гадуурхалт гэсэн дараах ойлголтуудын алинд илүү нийцэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хамтын хэлэлцээг санаачлагч ажилтны төлөөлөгчид хамтын гэрээгээр шийдвэрлэх 4 асуудлын талаарх саналаа ажил олгогчид хүргүүлжээ. Ажил олгогч хамтын хэлэлцээг эхлүүлэхийг зөвшөөрсөн ч ирүүлсэн 4 саналын 1 нь хамтын гэрээгээр зохицуулах харилцаанд хамаарахгүй гэж татгалзсан байна. Ажилтны төлөөлөгчдийн ирүүлсэн дараах 4 саналын алийг нь хамтын гэрээгээр зохицуулахгүй вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажилтан Б 2022 оны 05 дугаар сарын 23-ны өдөр сахилгын зөрчил гаргасныг ажил олгогч 2022 оны 07 дугаар сарын 25-ны өдөр илрүүлсэн. Гэвч Б 2022 оны 07 дугаар сарын 25-2022 оны 08 дугаар сарын 25-ны өдрийн хугацаанд ээлжийн амралттай байсан тул ажил олгогч ажилтны ээлжийн амралт дууссан 2022 оны 08 дугаар сарын 25-ны өдрөөс хойш 1 сарын дотор буюу 2022 оны 09 дүгээр сарын 05-ны өдөр Б-д сахилгын шийтгэл ногдуулжээ. Уг шийдвэрийг Б эс зөвшөөрч “Хөдөлмөрийн тухай хуулийн 123.4-т “Сахилгын зөрчил гаргасан өдрөөс хойш 6 сар, ажил олгогч түүнийг илрүүлснээс хойш 1 сарын дотор хөдөлмөрийн сахилгын шийтгэл ногдуулна” гэж заасныг ажил олгогч зөрчиж, сахилгын зөрчлийг илрүүлснээс хойш 1 сар буюу 2022 оны 08 дугаар сарын 25- ны өдрийн дотор сахилгын шийтгэл ногдуулах байсан” гэж маргажээ. Шүүх дараах хувилбаруудаас аль шийдвэрийг гаргах бэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөгжлийн бэрхшээлтэй 3 иргэнийг ажлын байраар хангаж, тогтвортой ажиллуулж буй “Х” ХХК-ийн үйл ажиллагааг Хөдөлмөр эрхлэлтийг дэмжих сангаас дэмжиж, уг иргэдийг ажиллуулахтай холбоотой гарсан зардлыг нөхөн төлөх зэрэг дэмжлэг үзүүлжээ. Харин иргэн Ц нь 2020 онд хорих ангиас суллагдсан, мэргэжилгүйн улмаас хөдөлмөр эрхлэхэд хүндрэлтэй, байгууллагууд ажилд авдаггүй байна. Тэрээр хувиараа хөдөлмөр эрхэлж гутал засварын үйл ажиллагаа явуулсныг Хөдөлмөр эрхлэлтийг дэмжих сангаас дэмжиж түүнд 700.000 төгрөгийн санхүүгийн дэмжлэг үзүүлснийг хууль зөрчсөн гэх асуудал үүссэн. Хөдөлмөр эрхлэлтийг дэмжих тухай хуулийн дагуу иргэний хөдөлмөр эрхлэх үйл ажиллагааг дэмжихэд хамаарахгүй нөхцөлийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“А” ХХК-ийн нягтлан бодогчийн ажлын байрны сонгон шалгаруулалтад Д тэнцжээ. Компаниас Д-тай байгуулах хөдөлмөрийн гэрээнд “хөдөлмөрийн гэрээг цуцлах, дуусгавар болгох үндэслэл болон эд хөрөнгийн хариуцлагын” нөхцөлийг тусгах нэмэлт шаардлага тавьжээ. Ажил олгогчийн санал хуульд нийцсэн үү, Д уг саналаас татгалзах эрхтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн эрх зүйн хэм хэмжээ тогтоосон актууд хоорондоо зөрчилдсөнөөс бусад тохиолдолд ямар эрэмбээр үйлчлэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил хаялттай холбоотойгоор ажлын байрыг 9 хоногийн хугацаанд түр хаах /локаут/ арга хэмжээ авснаар ажил хаялтад оролцоогүй ажилтан Д уг хугацаанд ажил үүргээ гүйцэтгэж чадаагүй байна. Ажил олгогч дээрх хугацааны олговрыг ажилтнаас үл шалтгаалсан сул зогсолт гэж үзэж хөдөлмөрийн хөлсний доод хэмжээгээр тооцон Д-д олгожээ. Ажил олгогчийн шийдвэр зөв үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажилтан Х үйлдвэрлэлийн осолд өртөж хөдөлмөрийн чадвараа 60 хувь алджээ. Ажил олгогч түүний 15 сарын үндсэн цалингаас тооцож їүндсэн цалин 5 сая төгрөг/ 75 сая төгрөг олгожээ. Үүнийг ажилтан эс зөвшөөрч зөрүү 15 сая төгрөгийг ажил олгогчоос гаргуулахаар шүүхэд гаргасан нэхэмжлэлдээ “нөхөн төлбөрийг үндсэн цалингаас тооцсон нь Хөдөлмөрийн тухай хуулийн 125.1-д “үйлдвэрлэлийн осолд өртсөн ... ажилтны нэг сарын дундаж цалин хөлсийг .../125.2-1/ 50-70 хувь алдсан бол 9 дахин нэмэгдүүлж олгоно” гэснийг зөрчсөн. Дундаж цалингаас Їдундаж цалин 6 сая төгрөг/ тооцож 90 сая төгрөг олгох байсан гэв. Ажил олгогчоос “хуульд ажилтны дундаж цалинг 9 дахин нэмэгдүүлж олгохоор заасан ч хамтын гэрээгээр үндсэн цалинг 15 дахин нэмэгдүүлж олгосон учир ажилтанд олгох мөнгөн дүн буураагүй, эрх зүйн байдлыг дордуулаагүй” гэж тайлбарлажээ. Талуудын тайлбарыг харьцуулан дүгнэж, зөв бодомжийг олно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажилтан Т нь “О” ХЗХ-нд шүүхийн маргаан, өр барагдуулах ажлыг хариуцан ажилладаг. Хөдөлмөрийн тухай хуульд заасны дагуу урамшуулал, илүү цагийн нэмэгдэл хөлс олгох эсэх асуудлаар ажилтан, ажил олгогчийн хооронд маргаан үүсч, энэ талаар иргэний хэргийн шүүхэд хэрэг хянан шийдвэрлэх ажиллагаа явагдаж байгаа. Хариуцагч буюу ажил олгогч шүүхэд гаргасан хүсэлтдээ “Нэхэмжлэгчийг “О” ХЗХ-нд ажил үүргээ гүйцэтгэхийг нь энэ хэргийг шийдэгдэж дуустал түдгэлзүүлж өгнө үү. Тэрээр ажил олгогчтой маргаантай атлаа ажилласаар байгаа нь зохимжгүй” гэжээ. Хөдөлмөрийн тухай хуульд ажилтны ажил үүргээ биепүүлэхийг нь түдгэлзүүлэх үндэслэлийг нэрлэн заасан дараах тохиолдлуудын аль нь уг үндэслэлд хамаарахгүй вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“С” ХХК-аас ажиллах хүч нийяүүлэх гэрээний дагуу Д нь “Н” ХХК-ийн газрын тосны талбайд ажиллаж байгаа. “Н” ХХК-аас газрын тосны талбайн инженерээр ажиллахыг Д-д санал болгосон ч түүний “С” ХХК- тай байгуулсан хөдөлмөрийн гэрээнд “ажиллах хүч нийлүүлэх гэрээгээр ажиллах хугацаанд түншлэгчтэй хөдөлмөр эрхлэлтийн харилцаа үүсгэхгүй, зөрчвөл 6 сарын цалинтай тэнцэх торгууль төлөх”-өөр заасан тул тэрээр уг саналаас татгалзжээ. Энэхүү заалтыг Д үл хэрэгсэн “Н” ХХК-тай хөдөлмөр эрхлэлтийн харилцаа үүсгэсэн нөхцөлд “С” ХХК хохирлоо шаардах эрхтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“Э” ХК-аас ажилтан У-г “мэргэжлийн түвшин, ур чадвар, ажлын гүйцэтгэл нь гүйцэтгэж байгаа ажил үүрэгтээ тэнцэхгүй нь тогтоогдсон” гэсэн үндэслэлээр түүнтэй байгуулсан хөдөлмөр эрхлэлтийн харилцааг ажил олгогчийн санаачилгаар цуцалжээ. Уг шийдвэрийг ажилтан эс зөвшөөрч “мэргэшсэн байдал, ур чадвараа сайжруулах боломж олгоогүй” гэсэн үндэслэлээр гаргасан нэхэмжлэлийг шүүх хангаж, У-г урьд эрхэлж байсан ажилд нь эгүүлэн тогтоосон байна. Шүүхийн шийдвэрийн хууль зүйн үндэслэлийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Барилгын салбарын бизнес улирлын чанартай буюу зуны улиралд идэвхтэй явагддаг, тэр дундаа жил бүрийн наадмын дараа ажиллах хүчний хомсдол их үүсдэг байна. “А” ХХК-аас 85 айлын орон сууцны барилгын дотоод заслын ажлыг гүйцэтгэхэд шаардлагатай ажиллах хүчийг түр нөхөх, үндсэн ажилтнуудад туслуулах зорилгоор 18 иргэнтэй дагалднаар ажиллах хөдөлмөрийн гэрээг 3 сараар байгуулж, үндсэн ажилтны цалингийн 70 хувиар тооцож цалин олгохоор тохиролцжээ. Эдгээр 18 иргэнтэй байгуулсан гэрээнд эрх зүйн дүгнэлт өгнө үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Б/эцэг/-ийн эхнэрийн хүүхэд төрүүлсний /амаржсаны/ амралт дууссан учир тэрээр хүүхдээ 2 нас хүртэл асрах чөлөө авахаар ажил олгогчид хүсэлт гаргажээ. Ажил олгогчоос түүний хүсэлтийг хүлээн авах боломжгүй, харин шинээр төрсөн хүүхдээ асрахад нь зориулж ажлын 40 өдрийн цалинтай чөлөө олгох боломжтой гэв. Хүүхэд асрах чөлөө авах эрх Б-д бий юу, ажил олгогчийн санал хуульд нийцэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Төрийн албыг “төрийн улс төрийн алба, төрийн захиргааны алба, төрийн тусгай алба, төрийн үйлчилгээний алба” гэж ангилдаг. Төрийн албаны тухай хуульд “төрийн албан хаагчийн хөдөлмөрийн харилцаатай холбоотой энэ хуулиар тусгайлан зохицуулаагүй хөдөлмөрийн харилцааг Хөдөлмөрийн тухай хуулиар зохицуулахаар” заасан. Тэгвэл төрийн албаны аль ангиллын албан тушаал эрхэлж буй төрийн албан хаагчийн эрх зүйн байдлыг Хөдөлмөрийн тухай хуулиар тогтооно гэж Төрийн албаны тухай хуульд тусгайлан заасан бэ?