Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ
Ажилтан Т нь “О” ХЗХ-нд шүүхийн маргаан, өр барагдуулах ажлыг хариуцан ажилладаг. Хөдөлмөрийн тухай хуульд заасны дагуу урамшуулал, илүү цагийн нэмэгдэл хөлс олгох эсэх асуудлаар ажилтан, ажил олгогчийн хооронд маргаан үүсч, энэ талаар иргэний хэргийн шүүхэд хэрэг хянан шийдвэрлэх ажиллагаа явагдаж байгаа. Хариуцагч буюу ажил олгогч шүүхэд гаргасан хүсэлтдээ “Нэхэмжлэгчийг “О” ХЗХ-нд ажил үүргээ гүйцэтгэхийг нь энэ хэргийг шийдэгдэж дуустал түдгэлзүүлж өгнө үү. Тэрээр ажил олгогчтой маргаантай атлаа ажилласаар байгаа нь зохимжгүй” гэжээ. Хөдөлмөрийн тухай хуульд ажилтны ажил үүргээ биепүүлэхийг нь түдгэлзүүлэх үндэслэлийг нэрлэн заасан дараах тохиолдлуудын аль нь уг үндэслэлд хамаарахгүй вэ?
Шинэчилсэн: 2026.10.04
- A.Эрүүгийн хэрэг хянан шийдвэрлэх тухай хуульд зааснаар ажилтанд албан үүргээ гүйцэтгэхгүй байх арга хэмжээг эрх бүхий этгээд авсан бол ажил олгогч ажилтны ажил үүрэг гүйцэтгэхийг түдгэлзүүлнэ
- B.Иргэн, захиргааны хэрэг хянан шийдвэрлэх тухай хуульд зааснаар ажилтанд албан үүргээ гүйцэтгэхгүй байх арга хэмжээг шүүгч авсан бол ажил олгогч ажилтны ажил үүрэг гүйцэтгэхийг түдгэлзүүлнэ✓ Зөв хариулт
- C.Цахилгаан, дулааны эрчим хүч, нийтийн усан хангамж, цахилгаан холбоо зэрэг хүн амын тав тухтай орчинд амьдрах эрхийг хангахтай холбоотой ажил үүрэг гүйцэтгэдэг ажилтан согтууруулах ундаа, мансуурах эм, бэлдмэл, сэтгэцэд нөлөөлөх бодис хэрэглэсэн нь тогтоогдсон бол уг нөхцөл байдал арилах хүртэл хугацаанд ажилтны ажил үүрэг гүйцэтгэхийг түдгэлзүүлнэ