Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ
“А” ХХК-ийн агуулахаас их хэмжээний барилгын материал хулгайд алдагдсан үйлдэлд цагдаагийн байгууллага тус компанийн нягтлан бодогч Ц-г сэжиглэж, албан үүргээ биелүүлэхийг түдгэлзүүлэх таслан сэргийлэх арга хэмжээг прокурорын саналаар шүүх авсан тул ажил олгогч Ц-ийн ажил үүрэг гүйцэтгэхийг түдгэлзүүлж, цалин олгохыг зогсоожээ. Тэрээр 8 сарын хугацаанд шалгагдсан ба уг хэрэгт холбогдолгүй нь тогтоогдож, хөдөлмөр эрхлэлтийн харилцаа нь сэргэжээ. 8 сарын турш ажилгүй байсан хугацааны цалин хөлсөө Ц хэнээс, ямар журмаар шаардах вэ?
Шинэчилсэн: 2026.10.04
- A.Эрүүгийн хэргийн улмаас учирсан хохирлыг нөхөн төлүүлэхтэй холбоотой маргааныг уг эрүүгийн хэрэгтэй хамт шийдвэрлэх учир Ц өөрт учирсан цалин хөлсний хохирлоо нөхөн төлүүлэхээр тус эрүүгийн хэргийг хянаж буй прокурорт/шүүхэд гомдлоо гаргана
- B.Ц-ийналбан үүргээ гүйцэтгэхийг түдгэлзүүлэх шийдвэрийг прокурорын саналыг үндэслэн шүүх гаргасан учир, тэрээр хохирлоо төрөөс гаргуулахаар иргэний хэргийн шүүхэд нэхэмжлэл гаргана✓ Зөв хариулт
- C.Ц-ийн ажил үүргээ гүйцэтгэхийг ажил олгогч түдгэлзүүлж, цалин олгохыг нь зогсоосон учир “A” ХХК-д холбогдуулан иргэний хэргийн шүүхэд нэхэмжлэл гаргана
- D.Ц-ийн албан үүргээ гүйцэтгэхийг түдгэлзүүлэх шийдвэрийг шүүх гаргаж, ажил олгогч хэрэгжүүлсэн учир, тэрээр хохирлоо төр болон “А” ХХК нараас гаргуулахаар иргэний хэргийн шүүхэд нэхэмжлэл гаргана