Huuli

Tech

Асуултын сан

Хуульчийн шалгалтын асуулт, хариулт — 272 | HuuliTech

Huuli

Tech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

ХайхСалбар

8413 асуулт

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ц-гхөдөлмөр эрхлэлтийн харилцааг шууд цуцлах ноцтой зөрчил гаргасан буюу 14 хоног ажил тасалсан үндэслэлээр түүнийг ажлаас чөлөөлжээ. Ц ажилд эгүүлэн тогтоолгох тухай нэхэмжлэлийг шүүхэд гаргаж, 14 хоногийн хугацаанд ажил хаялтад оролцсон тухай баримтаа шүүхэд гаргаж өгчээ. Ажил олгогч “Ц үйлдвэрчний эвлэлийн гишүүн биш тул ажил хаялтад оролцох эрхгүй, уг баримт хэрэгт ач холбогдолгүй” гэж тайлбарласан. Хариуцагчийн татгалзал үндэслэлтэй эсэхийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн тухай хуулийн 80.4-т “Ажил олгогч хөдөлмөр эрхлэлтийн харилцааг цуцлах тухай ажилтанд 30-с доошгүй хоногийн өмнө бичгээр, эсхүл цахим хэлбэрээр мэдэгдэх бөгөөд ажилтанд мэдэгдэл өгсөн тухайгаа шаардлагатай тохиолдолд нотлох үүрэгтэй” гэжээ. Мэдэгдлийг ажилтан биечлэн авах боломжгүй байсан учир түүний зөвшөөрснөөр хамт ажилладаг найз Ц-д мэдэгдлийг гардуулан өгч, энэ тухай түүнд утас болон цахим шуудангаар мэдэгдэж баталгаажуулсан нь нотлогдсон. Энэ тохиолдолд ажилтанд ажлаас чөлөөлөх мэдэгдлийг мэдэгдсэн гэж үзэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ц 65 дугаар сургуулийн бага ангийн багшаар 4 дэх жилдээ ажиллаж байгаа. Боловсрол, шинжлэх ухааны яамны Хяналт шинжилгээ үнэлгээ дотоод аудитын газрын танилцуулгаар Ц нь тус сургуульд багшаар ажилд орохдоо ашигласан МУБИС-ийг 2017 онд бага ангийн багш мэргэжлээр төгссөн гэх 00008548 дугаартай бакалаврын зэргийн диплом хуурамч болох нь тогтоогджээ. Ц нь 2.5 насны 1 хүүхэдтэй, мөн 5 сартай жирэмсэн учир сургуулиас түүнтэй байгуулсан хөдөлмөр эрхлэлтийн харилцааг цуцлаагүй, харин жирэмсний амралтыг хугацаанаас нь өмнө олгож, энэ хугацаанд мэргэжлээрээ дахин суралцаж шаардлага хангахыг мэдэгдсэн. Ажил олгогчийн шийдвэр зөв үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн хөлсний доод хэмжээ нь хүн амын амьжиргааны доод төвшнөөс багагүй байдаг бөгөөд энэ хэмжээг тогтооход ямар хүчин зүйлийг харгалзаж, хэн тогтоох вэ?

Өмнөх272-р хуудасДараах

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

ХайхСалбар

8413 асуулт

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ц-гхөдөлмөр эрхлэлтийн харилцааг шууд цуцлах ноцтой зөрчил гаргасан буюу 14 хоног ажил тасалсан үндэслэлээр түүнийг ажлаас чөлөөлжээ. Ц ажилд эгүүлэн тогтоолгох тухай нэхэмжлэлийг шүүхэд гаргаж, 14 хоногийн хугацаанд ажил хаялтад оролцсон тухай баримтаа шүүхэд гаргаж өгчээ. Ажил олгогч “Ц үйлдвэрчний эвлэлийн гишүүн биш тул ажил хаялтад оролцох эрхгүй, уг баримт хэрэгт ач холбогдолгүй” гэж тайлбарласан. Хариуцагчийн татгалзал үндэслэлтэй эсэхийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн тухай хуулийн 80.4-т “Ажил олгогч хөдөлмөр эрхлэлтийн харилцааг цуцлах тухай ажилтанд 30-с доошгүй хоногийн өмнө бичгээр, эсхүл цахим хэлбэрээр мэдэгдэх бөгөөд ажилтанд мэдэгдэл өгсөн тухайгаа шаардлагатай тохиолдолд нотлох үүрэгтэй” гэжээ. Мэдэгдлийг ажилтан биечлэн авах боломжгүй байсан учир түүний зөвшөөрснөөр хамт ажилладаг найз Ц-д мэдэгдлийг гардуулан өгч, энэ тухай түүнд утас болон цахим шуудангаар мэдэгдэж баталгаажуулсан нь нотлогдсон. Энэ тохиолдолд ажилтанд ажлаас чөлөөлөх мэдэгдлийг мэдэгдсэн гэж үзэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ц 65 дугаар сургуулийн бага ангийн багшаар 4 дэх жилдээ ажиллаж байгаа. Боловсрол, шинжлэх ухааны яамны Хяналт шинжилгээ үнэлгээ дотоод аудитын газрын танилцуулгаар Ц нь тус сургуульд багшаар ажилд орохдоо ашигласан МУБИС-ийг 2017 онд бага ангийн багш мэргэжлээр төгссөн гэх 00008548 дугаартай бакалаврын зэргийн диплом хуурамч болох нь тогтоогджээ. Ц нь 2.5 насны 1 хүүхэдтэй, мөн 5 сартай жирэмсэн учир сургуулиас түүнтэй байгуулсан хөдөлмөр эрхлэлтийн харилцааг цуцлаагүй, харин жирэмсний амралтыг хугацаанаас нь өмнө олгож, энэ хугацаанд мэргэжлээрээ дахин суралцаж шаардлага хангахыг мэдэгдсэн. Ажил олгогчийн шийдвэр зөв үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн хөлсний доод хэмжээ нь хүн амын амьжиргааны доод төвшнөөс багагүй байдаг бөгөөд энэ хэмжээг тогтооход ямар хүчин зүйлийг харгалзаж, хэн тогтоох вэ?

Өмнөх272-р хуудасДараах

Сэдэв

Хөдөлмөр, нийгмийн хамгааллын эрх зүй · НИЙГМИЙН ДААТГАЛЫН ТУХАЙ ХУУЛЬ

Иргэн О нь гидрогеологич мэргэжилтэй бөгөөд мэргэжлээрээ улсад ажиллаж тэтгэврийн даатгалын шимтгэлийг 12 жил тасралтгүй төлсөн. Тэрээр Ховд аймагт албан томилолтоор хувийн унаагаар явж байхдаа осолд орж зүүн талын хөлөө гэмтээсэн бөгөөд хөдөлмөрийн чадвараа 45%-аар алдсан. Түүнд тэтгэвэр авах ямар эрх үүсэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

В 2018 онд цэргийн тэтгэвэрт гарч, 2020 онд “Б” ХХК-д борлуулалтын менежерээр ажилд орсон. Компаниас борлуулалтын менежерийн 8 орон тоог 5 болгон цөөрүүлсэн. Улмаар 8 ажилтны анкетыг судлаад В-г “өндөр насны тэтгэвэр авдаг, бага насны хүүхэдгүй” гэсэн үндэслэлээр түүнтэй байгуулсан хөдөлмөр эрхлэлтийн харилцааг цуцалжээ. В шийдвэрийг эс зөвшөөрч “сонгон шалгаруулалтыг явуулаагүй, ялгаварлан гадуурхсан” гэсэн үндэслэлээр шүүхэд нэхэмжлэл гаргажээ. Ажил олгогч ”анкетын аргаар сонгон шалгаруулалтыг явуулсан, бусад ажилтнууд бага насны хүүхэдтэй, залуучууд байсан” гэж нэхэмжлэлээс татгалзжээ. В-ийн : шаардлага үндэслэлтэй юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Г нь ажиллах хүч нийлүүлэх гэрээний дагуу “С” ХХК-ийн захиалгаар “Н” ХХК-д ажиллаж байгаа. Тэрээр ажлын талбайгаас эд зүйл хулгайлж бусдад худалдсан нь камерын бичлэг, гэрчийн мэдүүлгээр тогтоогджээ. Хүлээн авагч компанийн хувьд уул зөрчлийн талаар “Н” ХХК-д мэдэгдсэн бөгөөд хуульд заасны дагуу өөр ямар арга хэмжээ авах авах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Байгууллагын нягтлан бодогч удаа дараагийн үйлдлээр хувьдаа мөнгө завшсан гэмт хэрэг үйлдсэнийг шүүх тогтоож, хорих ялаар шийтгэжээ. Ажилтны гэм буруутай үйлдэлд шүүх эрүүгийн хариуцлага хүлээлгэсэн учир байгууллагад учирсан хохирлыг ажилтнаар нөхөн төлүүлэх нь “нэг гэмт хэрэгт нэг удаа ял ногдуулах” зарчимд харш гэж шүүх дүгнэж, байгууллагын иргэний нэхэмжлэлийг хэрэгсэхгүй болгосон. Шүүхийн дүгнэлт зөв үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

С-ийн ээж хөгжлийн бэрхшээлтэй тул түүнээс өөр асрах хүнгүй. С ээжийгээ асрах эсхүл ажилтайгаа үлдэх сонголттой тулгарчээ. Тэрээр ажил олгогчид хандан 7 хоногийн 3 өдөр нь гэрээсээ ажиллах эсхүл бүтэн бус цагаар ажиллуулахыг хүссэн байна. Ажил олгогч уг саналаас татгалзаж, харин 1 сарын цалинтай, 2 сарын цалингүй хувийн чөлөө олгох боломжтой гэв. С-ийн хүсэлт үндэслэлтэй юу, ажил олгогчийн татгалзал хуульд нийцсэн үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Компанийн мөнгө, эд хөрөнгийн бүрэн бүтэн байдлыг хариуцах ажлын байрны үндсэн чиг үүргээ зохих ёсоор биелүүлээгүй нь тогтоогдсон учир нярав Ц-ийг 2 сарын хугацаанд нярвын албан тушаалаас түдгэлзүүлэх сахилгын шийтгэлийг ажил олгогч ногдуулжээ. Ц уг шийдвэрийг эс зөвшөөрч компанийн хөдөлмөрийн эрхийн маргаан таслах комисст гомдол гаргасан. Ажил олгогч гомдлыг эс зөвшөөрсөн. Комисс ямар шийдвэр гаргах вэ? .

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Шүүгч Д нэг сарын дараа 60 нас хүрнэ. Шүүхийн ерөнхий зөвлөлөөс түүнд хандан өндөр насны тэтгэвэрт гарах насны дээд хязгаарт хүрсэн тул шүүгчийн бүрэн эрх нь дуусгавар болж, шүүгчийн албан тушаалаас чөлөөлөгдөх болсныг урьдчилан мэдэгджээ. Шүүгчийн өндөр насны тэтгэвэрт гарах насны дээд хязгаарыг ямар хуулиар зохицуулсан вэ. Хөдөлмөрийн тухай хуулийн 145.1-д “Ахмад настан, тэтгэвэр авагч хөдөлмөр эрхэлж болно” гэж зааснаар шүүгчД үргэлжлүүлэн ажиллах боломжтой юу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ц нь Өмгөөллийн “Ш” ХХН-д ахлах хуульчаар ажилладаг. Тэрээр ажиллаж буй нэгэн хэргийн гаргалгаа, шийдлийн талаар нөхөрлөлийн партнеруудтай хүчтэй санал зөржээ. Хэсэг хугацааны дараа түүнд шинэ үйлчлүүлэгч, хэрэг хуваарилахыг зогсоосныг ачаалал тэнцвэржүүлсэн гэж тайлбарлажээ. Ц-ийн цалин, урамшуулал болон ажлын байрны нөхцөлийг хөндөөгүй байна. Удирдлагын шийдвэр Ц-д таагүй мэдрэмж төрүүлсэн тул тэрээр ажлаас гарах өргөдлөө өгчээ. Нөхөрлөлийн удирдлагын дээрх үйлдэл ажлын байрны дарамт мөн үү, мөн бол ямар төрлийн дарамт вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ш нь барилгын дотоод засал, чимэглэлийн ажлыг гэрээгээр гүйцэтгэдэг бөгөөд энэхүү ажилд туслуулахаар Ө-тэй гэрээ байгуулсан байна. Гэтэл тэдний хооронд байгуулсан гэрээг дүүргийн Хөдөлмөр, халамж үйлчилгээний хэлтсээс хянаад Хөдөлмөрийн тухай хуульд нийцээгүй учир бүртгэхээс татгалзаж, зохих зөвлөгөөг өгч гэрээг шинээр байгуулахыг хүсжээ. Ш, Ө нарын хооронд ямар төрлийн гэрээний харилцаа үүссэн учраас дүүргийн Хөдөлмөр, халамж үйлчилгээний хэлтэс тус гэрээний талаар зөвлөгөө өгч, гэрээг бүртгэж вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“Х” компанид үүссэн хамтын гэрээнд холбогдох хөдөлмөрийн сонирхлын маргаанаа талууд хөдөлмөр зуучлагчийн дэмжлэгтэйгээр зохицуулж чадаагүй. Маргаантай асуудлыг хөдөлмөрийн арбитраар шийдвэрлүүлэх талуудын маргааныг нэг мөр шийдвэрлэх нь ач холбогдолтой гэж ажил олгогч үзэж эрх бүхий этгээдэд хүсэлтээ гаргажээ. Хөдөлмөрийн сонирхлын хамтын маргааныг хөдөлмөрийн арбитраар хэлэлцэн шийдвэрлэх ажиллагааны онцлог, ач холбогдлыг тайлбарлана уу?

Хөдөлмөр, нийгмийн хамгааллын эрх зүй · НИЙГМИЙН ДААТГАЛЫН ТУХАЙ ХУУЛЬ

Монгол Улсын иргэн Н нь христийн шашинд итгэдэг итгэгч бөгөөд шашны байгууллагын лам, санваартнаар ажилладаг бол нийгмийн даатгалын аль төрөлд албан журмаар даатгуулж даатгалын шимтгэл төлөх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Д байгууллагын шилдэг ажилтнаар шалгарч, захирал шагналыг нь гардуулахдаа “манай Д олон жилийн өмнө шоронгоос суллагдан гарч ирэхэд нь залуу хүнийг дэмжиж ажилд авч байлаа, ямар ч хүн хичээвэл ийм амжилтад хүрдэг” гэж магтжээ. Захирал ажилтныхаа эмзэг мэдээллийг задруулсанд тооцогдох уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил олгогч, ажилтан Ц-тэй харилцан тохиролцож, ажлын байрнаас өөр газарт, ажлын бус цагаар дуудан ажиллуулахаар болжээ. Ийнхүү дуудлагаар ажиллахад бэлэн байхаар хүлээх цагийг ажилласан цагт тооцож, ажил олгогчийн заасан газарт хүлээсэн бол үндсэн цалингийн 50 хувиар, бусад үед 35 хувиар тус тус тооцож цалин олгохоор заасан. Талуудын тохиролцоо хуульд нийцсэн үү?

Хөдөлмөр, нийгмийн хамгааллын эрх зүй · НИЙГМИЙН ДААТГАЛЫН ТУХАЙ ХУУЛЬ

Иргэн П нь өмнө нь ажилгүйдлийн тэтгэмж авч байсан даатгуулагч бөгөөд хөдөлмөр эрхлэлтийн асуудал хариуцсан байгууллагад бүртгүүлж зуучлуулан МСҮТ-д гагнуурчин мастераар 2023 оны 02 дугаар сард ажилд орсон. Улмаар 2024 оны 01 дүгээр сард сахилгын зөрчил гарган ажлаас халагдсан бөгөөд ажилгүйдлийн тэтгэмж авахаар материалаа бүрдүүлэн өгсөн. Гагнуурчин мастераар ажиллаж байх хугацаандаа нийгмийн даатгалын шимтгэл төлж байсан гэж үзсэн түүнд ажилгүйдлийн даатгалын тэтгэмж авах эрх үүсэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

С гэмтлийн эмнэлэгт ээлжийн сувилагчаар ажилладаг. Сүүлийн 3 сарын турш түүний ээлжид гарах хугацаанд 7 хоногийн амралтын өдөр 4, нийтээр амрах буюу Бурхан багшийн Их дүйчин өдөр, Хүүхдийн баяр болон наадмын 1 өдөр тус тус тохиожээ. Тэрээр энэ тухай ажил олгогчид хандан 7 хоногийн болон нийтээр амрах баярын өдөр ажилласны нэмэгдэл хөлс олгохыг хүсжээ. Хөдөлмөрийн тухай хуулийн 109.2, 109.4- т 7 хоногийн амраптын өдөр ажилласан ажилтныг нөхөн амруулаагүй бол дундаж цалин хөлсийг 1,5 дахин, түүнээс дээш хэмжээгээр, нийтээр амрах баярын өдөр ажилласан ажилтныг мөн амруулаагүй бол дундаж цалин хөлсийг 2 дахин, түүнээс дээш хэмжээгээр тооцон олгохоор хуульчилсан. Харин ээлжийн сувилагч С-ийн хувьд ажил олгогч хэрхэн шийдвэрлэх боломжит шийдвэрийн үндэслэлийг дараах хувилбаруудаас сонгоно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“Г” ХХК-ийн урилгаар Монгол Улсад хөдөлмөр эрхлэх гэрээгээр тус компанид ажиллаж буй Вьетнам улсын 3 иргэн ажил олгогчийн зөвшөөрөлгүйгээр удаа дараа ажлын байраа дур мэдэн орхиж явсан зөрчил гаргасныг ажил олгогч үндэслэн 2 ажилтантай байгуулсан хөдөлмөрийн гэрээг цуцалж, нэг ажилтанд сануулах сахилгын шийтгэл ногдуулжээ. Ажил олгогчийн шийдвэрийг үндэслэн уг 2 иргэний хөдөлмөр эрхлэх зөвшөөрлийг Хөдөлмөр, халамжийн үйлчилгээний ерөнхий газраас хүчингүй болгов. Тус 2 иргэний өмгөөлөгч шүүхэд гомдол гаргаж, гадаад улсын иргэн Монгол Улсад хөдөлмөр эрхэлж байхдаа зөрчил гаргасныг Хөдөлмөрийн тухай хуулиар бус Ажиллах хүчний шилжилт хөдөлгөөний тухай хуульд зааснаар уг зөвшөөрлийг олгосон байгууллага нэг мөр шийдвэрлэх учиртай. “Г” ХХК хууль бус шийдвэр гаргасан гэж маргажээ. Гадаад улсын иргэнийг Монгол Улсад хөдөлмөр эрхлүүлэх зөвшөөрөл, түүнчлэн хөдөлмөрийн харилцааг нь ямар хуулиар зохицуулах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Байгууллагын шинэ жилийн баярын арга хэмжээний үеэр шилдэг ажилтнаар шалгарсан Д-д захирал шагналыг нь гардуулахдаа “Д олон жилийн өмнө шоронгоос суллагдан гарч ирэхэд нь залуу хүнийг дэмжиж ажилд авч байлаа, ямар ч хүн хичээвэл ийм амжилтад хүрдэг” гэж магтжээ. Ажил олгогчийн энэхүү үйлдлийг Д эс зөвшөөрч шүүхэд гомдол гаргасан ч шүүх хүлээн авахаас татгалзсан. Д гомдлоо ямар байгууллагад гаргах ёстой вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Шүүгч А шүүн таслах мэргэжлийн үүргээ зөрчсөн учир шүүхийн Сахилгын хорооноос “нээлттэй сануулах” сахилгын шийтгэл оногдуулжээ. Гэтэл шүүгч А-ын ажилладаг дүүргийн анхан шатны шүүхийн Тамгын газрын даргын тушаалаар Сахилгын хорооны шийдвэрийг үндэслэн “хаалттай сануулах” хөдөлмөрийн сахилгын шийтгэл оногдуулсан байна. Тамгын газрын даргын шийдвэр хууль зүйн үндэслэлтэй юу?

Хөдөлмөр, нийгмийн хамгааллын эрх зүй · НИЙГМИЙН ХАЛАМЖИЙН ТУХАЙ ХУУЛЬ

Иргэн З нь нийгмийн халамжийн тэтгэвэр тогтоолгон авахдаа хуурамч бичиг баримт бүрдүүлж илүү тогтоолгосон болох нь дотоод хяналт шалгалтын явцад тогтоогдож улсын ахлах байцаагчийн нөхөн төлүүлэх шийдвэр гарсан. Энэ нөхцөлд илүү олгосон тэтгэврийг ямар хувь хэмжээгээр суутгавал зохистой байх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажилтан О-г ажлаас чөлөөлсөн тухай “Э” ХХК-ийн 2022.09.07-ны өдөр гаргасан тушаалд “Хөдөлмөрийн тухай хуулийн 80.1.4-т зааснаар сахилгын “ноцтой” болон “давтан” зөрчлийг гаргасан” гэжээ. О тушаалыг эс зөвшөөрч ажилд эгүүлэн тогтоолгохоор шүүхэд гаргасан нэхэмжлэлдээ “намайг 2022 оны 09 дүгээр сарын 01-ний өдөр захирал дуудаж цаашид ажиллуулахгүй, ажлаас хална гэж хэлсэн ч яагаад халж байгаа, хэзээ халахыг хэлээгүй, хамт байсан менежер Т гэрчилнэ, намайг өмнө нь сахилгын шийтгэл хүлээсэн гэж хөөж байна” гэж, хариуцагч “Э” ХХК тайлбартаа “О нь 2022 оны 07 дугаар сарын 01-нд сахилгын шийтгэл хүлээсэн ба дахин 2022 оны 09 дүгээр сарын 02, 05, 06-ны өдрүүдэд ажил тасалсан ноцтой зөрчил гаргаснаар зөрчил нь давтан болсон тул ажлаас халсан, түүнд ажлаас халах тухай 2022 оны 09 дүгээр сарын 01-нд мэдэгдсэн” гэж тайлбарлажээ. Гэрч T “2022 оны 09 дүгээр сарын 01-ний өдөр захирал О бид 2-ыг өрөөндөө дуудаад “О-г ажиллуулахгүй, цалин өгөхгүй учраас ажлаас хална гэж хэлсэн” гэж мэдүүлжээ. Ажил олгогч ажилтныг ажлаас чөлөөлсөн шийдвэр гаргахдаа ямар алдаа гаргасан вэ, оновчтой хувилбарыг нь тодорхойлно уу?