Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ
“Г” ХХК-ийн урилгаар Монгол Улсад хөдөлмөр эрхлэх гэрээгээр тус компанид ажиллаж буй Вьетнам улсын 3 иргэн ажил олгогчийн зөвшөөрөлгүйгээр удаа дараа ажлын байраа дур мэдэн орхиж явсан зөрчил гаргасныг ажил олгогч үндэслэн 2 ажилтантай байгуулсан хөдөлмөрийн гэрээг цуцалж, нэг ажилтанд сануулах сахилгын шийтгэл ногдуулжээ. Ажил олгогчийн шийдвэрийг үндэслэн уг 2 иргэний хөдөлмөр эрхлэх зөвшөөрлийг Хөдөлмөр, халамжийн үйлчилгээний ерөнхий газраас хүчингүй болгов. Тус 2 иргэний өмгөөлөгч шүүхэд гомдол гаргаж, гадаад улсын иргэн Монгол Улсад хөдөлмөр эрхэлж байхдаа зөрчил гаргасныг Хөдөлмөрийн тухай хуулиар бус Ажиллах хүчний шилжилт хөдөлгөөний тухай хуульд зааснаар уг зөвшөөрлийг олгосон байгууллага нэг мөр шийдвэрлэх учиртай. “Г” ХХК хууль бус шийдвэр гаргасан гэж маргажээ. Гадаад улсын иргэнийг Монгол Улсад хөдөлмөр эрхлүүлэх зөвшөөрөл, түүнчлэн хөдөлмөрийн харилцааг нь ямар хуулиар зохицуулах вэ?
Шинэчилсэн: 2026.10.04
- A.Гадаадын иргэн, харьяалалгүй хүнийг Монгол Улсад хөдөлмөр эрхлүүлэх зөвшөөрөлтэй холбогдсон харилцааг Зөвшөөрлийн тухай хуулиар, хөдөлмөрийн харилцааг Ажиллах хүчний шилжилт хөдөлгөөний тухай болон Гадаадын иргэний эрх зүйн байдлын тухай хуулиар тус тус зохицуулна
- B.Гадаадын иргэнийг Монгол Улсад хөдөлмөр эрхлүүлэх зөвшөөрөлтэй холбогдсон харилцааг Ажиллах хүчний шилжилт хөдөлгөөний тухай хуулиар, хөдөлмөр эрхлэхтэй холбоотой харилцааг Хөдөлмөрийн тухай хуулиар тус тус зохицуулна✓ Зөв хариулт
- C.Гадаадын иргэн, харьяалалгүй хүн Монгол Улсад хөдөлмөр эрхлэхтэй холбоотой зөвшөөрлийг Зөвшөөрлийн тухай хуулиар, хөдөлмөрийн харилцааг Ажиллах хүчний шилжилт хөдөлгөөний тухай болон Гадаадын иргэний эрх зүйн байдлын тухай хуулиар тус тус зохицуулна