Хуульчийн шалгалтын асуулт, хариулт — 3 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

155 асуулт

Хөдөлмөр, нийгмийн хамгааллын эрх зүй · НИЙГМИЙН ДААТГАЛЫН ТУХАЙ ХУУЛЬ

Монгол Улсын иргэн Н нь христийн шашинд итгэдэг итгэгч бөгөөд шашны байгууллагын лам, санваартнаар ажилладаг бол нийгмийн даатгалын аль төрөлд албан журмаар даатгуулж даатгалын шимтгэл төлөх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Д байгууллагын шилдэг ажилтнаар шалгарч, захирал шагналыг нь гардуулахдаа “манай Д олон жилийн өмнө шоронгоос суллагдан гарч ирэхэд нь залуу хүнийг дэмжиж ажилд авч байлаа, ямар ч хүн хичээвэл ийм амжилтад хүрдэг” гэж магтжээ. Захирал ажилтныхаа эмзэг мэдээллийг задруулсанд тооцогдох уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил олгогч, ажилтан Ц-тэй харилцан тохиролцож, ажлын байрнаас өөр газарт, ажлын бус цагаар дуудан ажиллуулахаар болжээ. Ийнхүү дуудлагаар ажиллахад бэлэн байхаар хүлээх цагийг ажилласан цагт тооцож, ажил олгогчийн заасан газарт хүлээсэн бол үндсэн цалингийн 50 хувиар, бусад үед 35 хувиар тус тус тооцож цалин олгохоор заасан. Талуудын тохиролцоо хуульд нийцсэн үү?

Хөдөлмөр, нийгмийн хамгааллын эрх зүй · НИЙГМИЙН ДААТГАЛЫН ТУХАЙ ХУУЛЬ

Иргэн П нь өмнө нь ажилгүйдлийн тэтгэмж авч байсан даатгуулагч бөгөөд хөдөлмөр эрхлэлтийн асуудал хариуцсан байгууллагад бүртгүүлж зуучлуулан МСҮТ-д гагнуурчин мастераар 2023 оны 02 дугаар сард ажилд орсон. Улмаар 2024 оны 01 дүгээр сард сахилгын зөрчил гарган ажлаас халагдсан бөгөөд ажилгүйдлийн тэтгэмж авахаар материалаа бүрдүүлэн өгсөн. Гагнуурчин мастераар ажиллаж байх хугацаандаа нийгмийн даатгалын шимтгэл төлж байсан гэж үзсэн түүнд ажилгүйдлийн даатгалын тэтгэмж авах эрх үүсэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Өмнөх3-р хуудасДараах

Сэдэв

С гэмтлийн эмнэлэгт ээлжийн сувилагчаар ажилладаг. Сүүлийн 3 сарын турш түүний ээлжид гарах хугацаанд 7 хоногийн амралтын өдөр 4, нийтээр амрах буюу Бурхан багшийн Их дүйчин өдөр, Хүүхдийн баяр болон наадмын 1 өдөр тус тус тохиожээ. Тэрээр энэ тухай ажил олгогчид хандан 7 хоногийн болон нийтээр амрах баярын өдөр ажилласны нэмэгдэл хөлс олгохыг хүсжээ. Хөдөлмөрийн тухай хуулийн 109.2, 109.4- т 7 хоногийн амраптын өдөр ажилласан ажилтныг нөхөн амруулаагүй бол дундаж цалин хөлсийг 1,5 дахин, түүнээс дээш хэмжээгээр, нийтээр амрах баярын өдөр ажилласан ажилтныг мөн амруулаагүй бол дундаж цалин хөлсийг 2 дахин, түүнээс дээш хэмжээгээр тооцон олгохоор хуульчилсан. Харин ээлжийн сувилагч С-ийн хувьд ажил олгогч хэрхэн шийдвэрлэх боломжит шийдвэрийн үндэслэлийг дараах хувилбаруудаас сонгоно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“Г” ХХК-ийн урилгаар Монгол Улсад хөдөлмөр эрхлэх гэрээгээр тус компанид ажиллаж буй Вьетнам улсын 3 иргэн ажил олгогчийн зөвшөөрөлгүйгээр удаа дараа ажлын байраа дур мэдэн орхиж явсан зөрчил гаргасныг ажил олгогч үндэслэн 2 ажилтантай байгуулсан хөдөлмөрийн гэрээг цуцалж, нэг ажилтанд сануулах сахилгын шийтгэл ногдуулжээ. Ажил олгогчийн шийдвэрийг үндэслэн уг 2 иргэний хөдөлмөр эрхлэх зөвшөөрлийг Хөдөлмөр, халамжийн үйлчилгээний ерөнхий газраас хүчингүй болгов. Тус 2 иргэний өмгөөлөгч шүүхэд гомдол гаргаж, гадаад улсын иргэн Монгол Улсад хөдөлмөр эрхэлж байхдаа зөрчил гаргасныг Хөдөлмөрийн тухай хуулиар бус Ажиллах хүчний шилжилт хөдөлгөөний тухай хуульд зааснаар уг зөвшөөрлийг олгосон байгууллага нэг мөр шийдвэрлэх учиртай. “Г” ХХК хууль бус шийдвэр гаргасан гэж маргажээ. Гадаад улсын иргэнийг Монгол Улсад хөдөлмөр эрхлүүлэх зөвшөөрөл, түүнчлэн хөдөлмөрийн харилцааг нь ямар хуулиар зохицуулах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Байгууллагын шинэ жилийн баярын арга хэмжээний үеэр шилдэг ажилтнаар шалгарсан Д-д захирал шагналыг нь гардуулахдаа “Д олон жилийн өмнө шоронгоос суллагдан гарч ирэхэд нь залуу хүнийг дэмжиж ажилд авч байлаа, ямар ч хүн хичээвэл ийм амжилтад хүрдэг” гэж магтжээ. Ажил олгогчийн энэхүү үйлдлийг Д эс зөвшөөрч шүүхэд гомдол гаргасан ч шүүх хүлээн авахаас татгалзсан. Д гомдлоо ямар байгууллагад гаргах ёстой вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Шүүгч А шүүн таслах мэргэжлийн үүргээ зөрчсөн учир шүүхийн Сахилгын хорооноос “нээлттэй сануулах” сахилгын шийтгэл оногдуулжээ. Гэтэл шүүгч А-ын ажилладаг дүүргийн анхан шатны шүүхийн Тамгын газрын даргын тушаалаар Сахилгын хорооны шийдвэрийг үндэслэн “хаалттай сануулах” хөдөлмөрийн сахилгын шийтгэл оногдуулсан байна. Тамгын газрын даргын шийдвэр хууль зүйн үндэслэлтэй юу?

Хөдөлмөр, нийгмийн хамгааллын эрх зүй · НИЙГМИЙН ХАЛАМЖИЙН ТУХАЙ ХУУЛЬ

Иргэн З нь нийгмийн халамжийн тэтгэвэр тогтоолгон авахдаа хуурамч бичиг баримт бүрдүүлж илүү тогтоолгосон болох нь дотоод хяналт шалгалтын явцад тогтоогдож улсын ахлах байцаагчийн нөхөн төлүүлэх шийдвэр гарсан. Энэ нөхцөлд илүү олгосон тэтгэврийг ямар хувь хэмжээгээр суутгавал зохистой байх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажилтан О-г ажлаас чөлөөлсөн тухай “Э” ХХК-ийн 2022.09.07-ны өдөр гаргасан тушаалд “Хөдөлмөрийн тухай хуулийн 80.1.4-т зааснаар сахилгын “ноцтой” болон “давтан” зөрчлийг гаргасан” гэжээ. О тушаалыг эс зөвшөөрч ажилд эгүүлэн тогтоолгохоор шүүхэд гаргасан нэхэмжлэлдээ “намайг 2022 оны 09 дүгээр сарын 01-ний өдөр захирал дуудаж цаашид ажиллуулахгүй, ажлаас хална гэж хэлсэн ч яагаад халж байгаа, хэзээ халахыг хэлээгүй, хамт байсан менежер Т гэрчилнэ, намайг өмнө нь сахилгын шийтгэл хүлээсэн гэж хөөж байна” гэж, хариуцагч “Э” ХХК тайлбартаа “О нь 2022 оны 07 дугаар сарын 01-нд сахилгын шийтгэл хүлээсэн ба дахин 2022 оны 09 дүгээр сарын 02, 05, 06-ны өдрүүдэд ажил тасалсан ноцтой зөрчил гаргаснаар зөрчил нь давтан болсон тул ажлаас халсан, түүнд ажлаас халах тухай 2022 оны 09 дүгээр сарын 01-нд мэдэгдсэн” гэж тайлбарлажээ. Гэрч T “2022 оны 09 дүгээр сарын 01-ний өдөр захирал О бид 2-ыг өрөөндөө дуудаад “О-г ажиллуулахгүй, цалин өгөхгүй учраас ажлаас хална гэж хэлсэн” гэж мэдүүлжээ. Ажил олгогч ажилтныг ажлаас чөлөөлсөн шийдвэр гаргахдаа ямар алдаа гаргасан вэ, оновчтой хувилбарыг нь тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөрийн эрх зүйн маргаантай харилцаанд хөдөлмөрийн хэм хэмжээ тогтоосон актууд хоорондоо зөрчилдвөл ямар нөхцөл бүхий эрх зүйн хэм хэмжээг эхэлж хэрэглэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Сумын Засаг даргын захирамжаар “хоггүй хөдөө” нэг өдрийн аяны хүрээнд сумын төвийн оршин суугчид болон байгууллагууд тухайн орчны газраа цэвэрлэх, тохижуулахыг үүрэг болгож, уг арга хэмжээнд сумын төвд амьдарч буй бүх иргэд, байгууллагуудыг идэвхжүүлэн хамруулахаар захирамжид заажээ. Ажил эрхлэлт, хөдөлмөрийн харилцаан дахь албадан хөдөлмөрлүүлэх гэсэн ойлголтод Засаг даргын захирамж хамаарах уу?

Хөдөлмөр, нийгмийн хамгааллын эрх зүй · НИЙГМИЙН ДААТГАЛЫН ТУХАЙ ХУУЛЬ

Иргэн Ө-ийн хэвлий дэх ураг удамшлын болон бие эрхтний гаж хөгжилтэй болох нь тогтоогдсоны улмаас анхны хүүхдээ 96 хүртэл хоног тээгээд үр хөндүүлсэн бөгөөд эмнэлэгт хэвтэн эмчлүүлсэн. Тэрээр нийтдээ 4 жил улсад ажиллаж тасралтгүй нийгмийн даатгалын шимтгэл төлсөн гэж үзвэл тэтгэмж авах эрх үүсэх үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөр эрхлэлтийн харилцааг ажил олгогчийн санаачилгаар дуусгавар болгосон тухай шийдвэрийг Д үндэслэлгүй гэж үзэж байгууллагын хөдөлмөрийн эрхийн маргаан таслах комисст гомдол гаргасан. Маргааныг урьдчилан шийдвэрлэх явцад талууд харилцан тохиролцжээ. Энэ тохиолдолд комисс ямар шийдвэр гаргах вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Нэгэн их сургууль А-г 1 жилийн хугацаанд багшаар ажиллуулахаар гэрээ байгуулж, заах хичээлийн цаг, хуваарийг урьдчилан тохиролцож, хичээлийн программыг тухайн сургуулийн жишгээр гаргах, ирц болон орсон хичээлийн тэмдэглэлийг хөтөлж байхыг багшид үүрэг болгосон. Сургууль сар бүр 3.0 сая төгрөгийн хөлсийг сард 2 удаа болон илүү цагийн хөлс олгохоор тохиролцсон. Мөн оюутнуудын бие даалтын ажил хийлгэх, дүн тавих, анги дэвшүүлэх шийдвэр гаргахад баримтлах дүрэм, журмыг гэрээнд тодорхой заажээ. Талуудын хооронд ямар төрлийн гэрээ байгуулагдсан бэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил хаялт зарласны улмаас нийтийн тээврийн үйлчилгээ үзүүлдэг “Б” ТӨХК-ийн үйл ажиллагаа хэвийн явагдах боломжгүй болсон учир ажил хаялтад оролцож буй ажилтнуудын оронд түр ажилтан авч ажиллуулжээ. Уг шийдвэрийг үйлдвэрчний эвлэл, ажил хаялтад оролцож буй ажилтнууд эсэргүүцэж, ажил олгогч хууль зөрчсөн гэж шүүхэд гомдол гаргасан. Шүүх маргааныг хэрхэн шийдвэрлэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ө хугацаат цэргийн жинхэнэ албанаас 2023 оны 10 дугаар сарын 14-ны өдөр халагдсан. Тэрээр цэргийн албанд татагдахаас өмнө ажиллаж байсан ажилдаа орохоор 2023 оны 11 дүгээр сарын 22-ны өдөр очиход түүний оронд өөр хүнийг ажилд авсан байжээ. Ө-ийн ажилдаа орох байсан хугацаа 2023 оны 11 дүгээр сарын 03-ны өдрөөр дуусгавар болсныг ажил олгогч тайлбарлаж, мөн ажилд орох хугацааг сунгах хүсэлтийг гаргаагүй учир ажилд авах боломжгүй гэж татгалзсан. Ажилтны ажлын байрыг ажил олгогч ямар хугацаанд хадгалах болон ажилтан ажилдаа эргэн орох талаар ямар үүрэгтэй бэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

А жирэмсний амралтаа авахаас өмнөх хугацаанд буюу 5 сартай жирэмсэн үедээ хүүхдээ дутуу төрүүлжээ. Хөдөлмөрийн тухай хуульд зааснаар эхэд жирэмсний болон амаржсаны 120 хоногийн амралтыг олгодог. Харин А-ийн хувьд дээрх золгүй байдал бий болсон учир түүнд ажил олгогчоос жирэмсний амралт олгох уу, олгох бол хэд хоногийн амралт олгодог вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Махны чиглэлийн үхэр өсгөж, махны үйлдвэрлэлийг нэмэгдүүлэх үйл ажиллагааг “Г” ХХК явуулдаг. Энэ хүрээнд Герефорд үүлдрийн бухыг нутгийн монгол үхэртэй үржилд оруулж цөм сүрэг гарган авахаар ажиллаж, уг ажлыг хариуцаж буй ажилтан Ц-ийн судалгаанд зориулан герефордын 2 бух, нутгийн 10 монголын үнээг мэдэлд нь шилжүүлжээ. Хээлтүүлэг амжилттай болсон ч ирэх хавар нь 6 үнээ хээлээ даалгүй, мөн төллөж чадалгүй үхжээ. Туршилт амжилтгүй болж мал үхсэнд ажил олгогч, ажилтан Ц-г буруутган 6 үхрийн үнийг төлүүлнэ гэв. Уг хохирол нь туршилтын явцад гарсан учир хохирлыг хариуцах үндэслэлгүй гэж ажилтан татгалзсан. Ажилтны хариуцаж байсан судалгаа, туршилтын ажил амжилтгүй болсон учир тэрээр хохирлыг хариуцах үндэслэлтэй эсэхийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Талуудын хооронд байгуулсан туршилтаар ажиллуулах хөдөлмөрийн гэрээний хугацаа дуусаж, ажил олгогчоос Т-г үндсэн ажлын байранд жинхэлж, түүнтэй хөдөлмөрийн гэрээг хугацаагүй байгуулжээ. Хэсэг хугацааны дараа Т ажил олгогчид хандан хөдөлмөрийн гэрээнд өөрчлөлт оруулах хүсэлт гаргасан. Тэрээр “Хөдөлмөрийн тухай хуулийн 49.1- д заасан хөдөлмөрийн гэрээний гол нөхцөлд хамаарахгүй нөхцөлийг гэрээнд тусгажээ, энэ талаар надтай харилцан тохиролцоогүй учир уг гол бус нөхцөлийг гэрээнээс хасуулах саналтай” гэжээ. Талууд хөдөлмөрийн гэрээнд дараах нөхцөлүүдийг тусгасан. Эдгээрээс ажилтан Т-ийн тодорхойлсноор хөдөлмөрийн гэрээнд зайлшгүй тусгах шаардлагагүй гол бус нэмэлт нөхцөл аль нь вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Хөдөлмөр эрхлэлтийн харилцааг ажил олгогчийн санаачилгаар дуусгавар болгосон тухай шийдвэрийг Б үндэслэлгүй гэж үзэж байгууллагын хөдөлмөрийн эрхийн маргаан таслах комисст гомдол гаргажээ. Комисс гомдлыг хүлээн авснаас хойш хэд хоногийн дотор шийдвэрлэх вэ?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Ажил олгогч, ажилтан Э-тэй байгуулсан хөдөлмөр эрхлэлтийн харилцааг ажил олгогчийн санаачилгаар 2023 оны 12 дугаар сарын 27-ны өдөр цуцалжээ. Хөдөлмөрийн эрхийн маргааныг урьдчилан шийдвэрлэх журам амжилтгүй болж, ажилтан хөдөлмөрийн маргаан зохицуулах гурван талт хорооны тэмдэглэлийг 2024 оны 02 дугаар сарын 19-ны өдөр хүлээн авч, гомдлоо 2024 оны 03 дугаар сарын 25-ны өдөр буюу 30 хоногийн дотор шүүхэд гаргасан. Шүүхээс нэхэмжлэгч гомдол гаргах хөөн хэлэлцэх хугацааг хэтрүүлсэн үндэслэлээр нэхэмжлэлийг хэрэгсэхгүй болгожээ. Дараах бодомжуудаас шүүхийн шийдвэрийн үндэслэлийг тодорхойлно уу?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“А” ББН 52 ажилтантай, тус нөхөрлөлд хөгжлийн бэрхшээлтэй хүн ажилладаггүй. Хөдөлмөрийн тухай хуульд зааснаар нийт ажлын байрныхаа 4 хувиас доошгүй орон тоонд хөгжлийн бэрхшээлтэй хүн ажиллуулах үүргээ “А” ББН хэрэгжүүлээгүй учир тухайн орон тоо тутамд ногдох төлбөрийг Хөдөлмөр эрхлэлтийг дэмжих дэд санд төлөх үүрэгтэй. Гэвч тус нөхөрлөл сүүлийн 2 жилийн хугацаанд хөгжлийн бэрхшээлтэй иргэний үйлдвэрлэсэн бүтээгдэхүүнийг байнга худалдан авсныг нь үндэслэж, ногдох төлбөрөөс чөлөөлөх шийдвэрийг дүүргийн хөдөлмөрийн хяналтын улсын байцаагч гаргажээ. Улсын байцаагчийн шийдвэр хуульд нийцсэн үү?

Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

“А” ХХК-ийн агуулахаас их хэмжээний барилгын материал хулгайд алдагдсан үйлдэлд цагдаагийн байгууллага тус компанийн нягтлан бодогч Ц-г сэжиглэж, албан үүргээ биелүүлэхийг түдгэлзүүлэх таслан сэргийлэх арга хэмжээг прокурорын саналаар шүүх авсан тул ажил олгогч Ц-ийн ажил үүрэг гүйцэтгэхийг түдгэлзүүлж, цалин олгохыг зогсоожээ. Тэрээр 8 сарын хугацаанд шалгагдсан ба уг хэрэгт холбогдолгүй нь тогтоогдож, хөдөлмөр эрхлэлтийн харилцаа нь сэргэжээ. 8 сарын турш ажилгүй байсан хугацааны цалин хөлсөө Ц хэнээс, ямар журмаар шаардах вэ?