Хуульчийн шалгалтын асуулт, хариулт — 311 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

8413 асуулт

Хувийн эрх зүй — бусад · ИРГЭНИЙ ХУУЛЬ

Техникийн зориулалттай тос худалддаг Н нь өөрийн үйлчлүүлэгч Б- тэй 40.000 литр тос нэг литрийг нь 1.000 төгрөгөөр нийлүүлэхээр гэрээ байгуулжээ. Гэвч төд удалгүй Н-ийн оруулж ирсэн тосоо хадгалж байсан агуулахад өөрийнх нь гэм буруугаас үл шалтгаалан гал гарч, дэлбэрэлт үүсэж тос нийлүүлэх боломжгүй болсон. Ямар эрх зүйн үр дагавар үүсэж болох вэ?

Хувийн эрх зүй — бусад · Хувийн эрх зүй

Иргэн А нь “Б” компанид холбогдуулан тус компанийн жолоочийн буруугаас зам тээврийн осолд орсон тул эрүүл мэндэд учирсан гэм хорын хохиролд 8.0 сая төгрөг гаргуулахаар тусгайлсан журмаар шүүхэд нэхэмжлэл гаргажээ, “Б” компани нь гэм хор учруулснаас үүссэн хохиролтой холбоотой маргааныг тусгайлсан журмаар хянан шийдвэрлэхгүй гэж маргажээ. “Б” компанийн тайлбар үндэслэлтэй юу? /Хөдөлмөр хөлсний доод хэмжээ сарын 792.000 төгрөг болно/

Хувийн эрх зүй — бусад · Хувийн эрх зүй

Н нь Э-тэй үл хөдлөх хөрөнгө 350.0 сая төгрөгөөр худалдах худалдан авахаар тохиролцсон. Гэрээг бичгээр байгуулан гарын үсэг зурахаар товлосон уулзалтад Э ирээгүй бөгөөд үл хөдлөх хөрөнгийг О-д зарсан тухай утсаар хэлжээ. Н шүүхэд хандан гэрээ байгуулсан боловч үл хөдлөх хөрөнгийг өөр этгээдэд шилжүүлсэн тул хохирол гэж хүнээс зээлсэн мөнгөний хүү болох 15.0 сая төгрөг шаардсан байна. Шүүхээс хэлбэрийн шаардлага хангаагүй гэх үндэслэлээр гэрээг хүчин төгөлдөр бус гэж шийдвэрлэжээ. Энэ тохиолдолд Н-ийн шаардсан хохирол нь:

Хувийн эрх зүй — бусад · ИРГЭНИЙ ХУУЛЬ

“А Трэвел” аялал жуулчлалын компаниас цагаан сарын аяллыг Хайнань арал руу зохион байгуулж буй тухай зар тараажээ. Аялал 7 хоног үргэлжлэх бөгөөд 4 одтой зочид буудалд буудаллах бөгөөд зочид буудлын үнэд өглөөний цай багтсан. Л гэр бүлийн хамт захиалга өгч аяллаар явжээ. Хайнань арал дээр 4 одтой зочид буудалд буудаллахад буудлын өрөөнд дүүрэн жоом байсан бөгөөд дараа өдрийн өглөөний цайнд аяллын хөтөч КЕС-ээс шарсан тахиа төмстэй авч ирэн аялагчдад тараасан байна. Энэ тохиолдолд Л дараах шаардах эрхийг хэрэгжүүлэх эрхтэй:

Өмнөх311-р хуудасДараах

Сэдэв

Хувийн эрх зүй — бусад · Хувийн эрх зүй

Иргэн А-ийн нэхэмжлэлтэй иргэн Б-д холбогдуулж ажил гүйцэтгэх гэрээний үүрэгт 10.0 сая төгрөг гаргуулах тухай хэргийг шүүх тусгайлсан журмаар хянан шийдвэрлэж байна. Хариуцагч Б шүүхэд гаргасан хүсэлтдээ: “Иргэн Б-д холбогдуулан автомашин худалдах, худалдан авах гэрээний үнэд 5.0 сая төгрөг гаргуулах тухай иргэний хэргийг мөн тусгайлсан журмаар энэ шүүхэд хянан шийдвэрлэх ажиллагаа явагдаж байгаа тул хэргийг нэгтгэж өгнө үү” гэжээ. Шүүх хүсэлтийг хэрхэн шийдвэрлэх вэ?

Хувийн эрх зүй — бусад · Хувийн эрх зүй

A нь 5 өрөө орон сууц шинээр баригдсан хотхонд худалдан авахыг хүссэн боловч өөрийгөө нууцлахыг хүсжээ. Улмаар өөрийн найз П-д уг орон сууцыг өөрт нь худалдан авч өгөхийг хүссэн байна. Ингэхдээ П нь худалдах худалдан авах гэрээг өөрийн нэрийн өмнөөс байгуулах ёстой бөгөөд үл хөдлөх хөрөнгийн улсын бүртгэлд өөрийнхөө нэр дээр бүртгүүлэхээр тохирчээ. Орон сууцны үнийг А нь бэлнээр Д-д өгч, П нь өөрийн дансанд хийж, үнийг төлөхөөр тохирсон байна. П нь А-гийн төлөөлөгч мөн үү?

Хувийн эрх зүй — бусад · Хувийн эрх зүй

Нэхэмжлэгч А нь шийдвэр гүйцэтгэх байгууллагад холбогдуулан үл хөдлөх эд хөрөнгийн үнэлгээ хүчингүй болгуулах тухай нэхэмжлэл шүүхэд гаргажээ. Шийдвэр гүйцэтгэх байгууллага нь бичмэл нотлох баримтын хуулбарт өөрийн байгууллагын “хуулбар үнэн” тэмдгийг дарж баталгаажуулан шүүхэд өгсөн. Шүүх нотлох баримтыг хүлээж авах уу?

Хувийн эрх зүй — бусад · Хувийн эрх зүй

Y нь “Н” супермаркет орж, шилэн ваар болон хүнсний зүйл худалдан авч, дэлгүүрээс гарах гээд явж байтал автоматаар онгойдог шилэн хаалганы өмнө шалан дээр салат навч унасан байсныг анзааралгүй гишгэж, халтирч унасны улмаас худалдан авсан байсан шилэн ваараа унагаж хагалжээ. “H“ супермаркетын менежерт хандан ваарын үнийг буцаан : авахыг хүсэхэд менежер бусдын өмчийг хариуцахгүй гэх үндэслэлээр татгалзсан байна. Супермаркетын зүгээс хохирлыг нөхөн төлөх үүрэг хүлээх үү?

Хувийн эрх зүй — бусад · Хувийн эрх зүй

Нэхэмжлэгч А нь иргэн Б-г сэтгэцийн өвчний улмаас эрх зүйн чадамжгүйд тооцуулах тухай нэхэмжлэлийг шүүхэд гаргажээ. Шүүгч уг нэхэмжлэлд ямар ажиллагаа явуулах вэ?

Хувийн эрх зүй — бусад · Хувийн эрх зүй

Өмгөөлөгч Ч өөрийн өмгөөллийн нөхөрлөлд зориулан “Б” ХХК-тай компьютерын программ захиалжээ. Гэрээний дагуу программыг боловсруулан өгсний дараа нөхөрлөлийн ажилтнуудад программыг ашиглах сургалт явуулахаар тохирч, 5.0 сая төгрөг төлөхөөр нөхөрлөл үүрэг хүлээсэн байна. “Б” ХХК нь программыг боловсруулж нөхөрлөлд хүлээлгэж өгсөн боловч, сургалт явуулах талаар асуухад программын үнэ болох 3.0 сая төгрөгийг төлсний дараа сургалт явуулна гэжээ. Үүнийг Ч зөвшөөрөөгүй. Энэ тохиолдолд:

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Анхан шатны иргэний хэргийн шүүх А-гийн нэхэмжлэлтэй Б-д холбогдох иргэний хэрэгт тусгайлсан журмаар хянан шийдвэрлэх ажиллагаа явуулж байна. Анхан шатны иргэний хэргийн шүүхийн шүүгчийн 2025 оны 04 дүгээр сарын 30-ны өдөр хэргийг шүүх хуралдаанаар хэлэлцүүлэх захирамж гаргасан ба хуралдааныг 2025 оны 05 дугаар сарын 09- ний өдөр явуулахаар тов тогтоосон. Шүүх тусгайлсан журмаар хэрэг хянан шийдвэрлэх ажиллагааг ердийн журмаар явуулахаар 2025 оны 05 дугаар сарын 02-ны өдөр захирамж гаргасан байна. Нэхэмжлэгч А шүүх хуралдаанд ирээгүйгээс түүний нэхэмжлэлийг 2025 оны 05 дугаар сарын 09-ний өдөр буцаан шийдвэрлэжээ. Нэхэмжлэгч А шүүхэд гаргасан гомдолдоо хэрэг хянан шийдвэрлэх ажиллагааг ердийн журмаар явуулахаар болсон бол шүүх хуралдааны товыг шинээр товлох байсан гэв. Нэхэмжлэгч А-ийн гомдол үндэслэлтэй юу?

Хувийн эрх зүй — бусад · Хувийн эрх зүй

О нь эрүүл мэндийн урьдчилан сэргийлэх үзлэгт орох явцад амь насанд аюултай хүнд өвчин туссан болох нь тогтоогджээ. О болон түүний нөхөр У нар эмчилгээ хийж өгөх боломжтой эмч хайсны үр дүнд туршлагатай гэх эмч Х-г олж, уулзан, яаралтай эмчилгээнд орж эхэлсэн. Гэвч 9 сарын дараа О өвчний улмаас нас барсан байна. Гүн эмгэнэл, сэтгэлийн хямралд орсон нөхөр У нь эмч Х эмчилж эдгээх үүрэгтэй тул үр дүнгүй зарцуулсан зардал ба итгэл найдварын хохирол гэж 15.0 сая төгрөг шаарджээ. Энэ тохиолдолд:

Хувийн эрх зүй — бусад · Хувийн эрх зүй

Орчуулагч А нь анхан шатны шүүх хуралдаан дээр гадаадын иргэд хоорондын маргаанд орчуулагчаар ажилласан. Тэрээр нөхөн төлүүлэх зардалдаа тээврийн зардал, байр, хоолны зардал, эмнэлгийн төлбөрийг оруулан гаргуулна гэжээ. Түүний шаардлагаас аль нь үндэслэлгүй вэ?

Хувийн эрх зүй — бусад · Хувийн эрх зүй

УБ-аас Дархан явах замд автомашины осол болж, осолд орсон У нь хүнд гэмтэл авч, ухаангүй машиндаа хэвтэж байхыг урдаас нь машинаар ирж байсан Х харжээ. Х нь У-г яаралтай машинаас гаргаж, анхны тусламж үзүүлж, замын цагдаа болон түргэний тусламж дуудаж, төд удалгүй шатаж эхэлсэн машины галыг унтрааж, үр дүнд нь өөрийнх нь хувцас өмсөх аргагүй болж, үр дүнд нь өөрөөс нь гарсан нийт зардал 300.000 төгрөг болсон байна. У эмнэлэгт хэвтэж эмчлүүлэн гарч ирэхэд нь Х энэ тухай хэлэхэд У 300.000 төгрөг өгөхөөс татгалзжээ. Х нь 300.000 төгрөг шаардах эрхтэй юу?

Хувийн эрх зүй — бусад · Хувийн эрх зүй

Машины зам гарах гэж зогсож байсан Ч нь өндөр настан З-г “Тоёота Приус 30” маркийн машинаар дайрч унагаахыг харжээ. Зам дээр хэвтэж байсан З дээр гүйж очиж дараачийн машинд дайруулах аюулаас хамгаалахын тулд З-г хувцаснаас нь барьж чирэн явган хүний зам дээр гаргаж, түргэн тусламж дуудсанаар З-гийн амь насыг аварч чадсан байна. Эмчилгээ хийлгэж эрүүл болсон З харин түүний цусаар будагдсан байсан Ч-гийн хувцсыг хими цэвэрлэгээгээр цэвэрлүүлэх үнийг нөхөн төлөхөөс татгалзжээ. З хувцсаа цэвэрлүүлэх үнийг шаардах эрхтэй юу?

Хувийн эрх зүй — бусад · Хувийн эрх зүй

“A” компани “Б” нөхөрлөлд холбогдуулан шүүхэд нэхэмжлэл гаргажээ. “А” компани нь компанийг төлөөлөх итгэмжлэлийг иргэн А-д 1 жилийн хугацаатай олгосон. Итгэмжлэгдсэн төлөөлөгч А нь ажлаас халагдсан тул итгэмжлэл хүчингүй болсон гэж “А” компанийн захирал шүүхэд утсаар мэдэгджээ. Итгэмжлэгдсэн төлөөлөгчийн бүрэн эрх дуусгавар болсон уу?

Хувийн эрх зүй — бусад · Хувийн эрх зүй

“А” ХХК нь зээлийн барьцаанд тавьсан байсан үл хөдлөх эд хөрөнгөө барьцаанаас чөлөөлүүлсний дараа өмчлөх эрхийг нь “Б” банканд шилжүүлжээ. Хэсэг хугацааны дараа “А” ХХК шүүхэд хандан эвлэрлийн гэрээг хүчин төгөлдөр бус болохыг тогтоолгохыг хүсэхэд шүүх Иргэний хуулийн 56 дугаар зүйлийн 56.1.3-ийн дагуу хүчин төгөлдөр бус гэж тогтоосон. Энэ тохиолдолд “А” ХХК иргэний хуулийн 56 дугаар зүйлийн 56.6-ийн дагуу дараах хохирлыг “Б” ХХК-аас нэхэмжлэх нь үндэслэлтэй:

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Хариуцагч Б нэхэмжлэлийг гардаж авсан атлаа шүүхээс тогтоосон хугацаанд тайлбар гаргаж өгөөгүй байна. Мөн хариуцагч Б нь шүүх хуралдаанд хүндэтгэн үзэх шалтгаангүйгээр ирээгүй. Нэхэмжлэгч А нь хариуцагч Б-ийн эзгүйд шүүх хуралдааныг явуулах хүсэлт гаргажээ. Шүүх шүүх хуралдааныг явуулж шийдвэр үйлдсэн байна. Шүүх ямар баримтыг үндэслэн хэргийг хянан шийдвэрлэх вэ?

Хувийн эрх зүй — бусад · Хувийн эрх зүй

Хнь өөрийн найз Л-д 15.0 сая төгрөгийг зээлүүлэхээр болжээ. Ингэхдээ үүргийн гүйцэтгэлийг хангах арга хэрэгсэл болгож батлан даагчтай байхаар тохирсон байна. Х-гийн нагац эгч О нь санхүүгийн боломжтой тул батлан даагч болохыг зөвшөөрч, ийнхүү Л нь амаар тохиролцож гэрчийн оролцоотойгоор 15.0 сая төгрөгийг бэлнээр Х-ээс авч, О нь батлан даагч болж байгаагаа мөн л амаар илэрхийлжээ. Энэ тохиолдолд:

Хувийн эрх зүй — бусад · ИРГЭНИЙ ХУУЛЬ

“Н” электрон барааны дэлгүүр зарж буй компьютерын хувьд хямдрал зарлажээ. Энэ тухай олж мэдсэн Д өөрийн дэлгүүрийн 3 ажилтантай хамт “Н” дэлгүүрт орж 10 компьютер лангуун дээрээс авч, касс дээр очиж бичүүлэх гэтэл дэлгүүрийн менежер У ирж, Д-д зарахгүй гэж мэдэгдсэн байна. Д нь тус дэлгүүрийн баруун талд байрлах электрон барааны жижиг дэлгүүр ажиллуулдаг аж. Д нь ихэд бухимдан, мөнгөө төлж, барааг авч явах эрхтэй гэж хариулжээ. Д-гийн шаардлага үндэслэлтэй юу?

Хувийн эрх зүй — бусад · Хувийн эрх зүй

Ү нь А-аас үл хөдлөх обьектыг нарийн боовны үйлдвэрлэл эрхлэх зорилгоор 5 жилийн хугацаатайгаар сарын 20.0 сая төгрөгөөр түрээсэлжээ. Гэрээ байгуулснаас хойш 3 жилийн дараа А нь тус үл хөдлөх эд хөрөнгөө З-д 800.0 сая төгрөгөөр худалдсан. Шинэ өмчлөгч З нь Ү-тэй уулзаж, үл хөдлөх хөрөнгийн шинэ өмчлөгчийн хувьд обьектыг чөлөөлж өгөхийг шаардсан байна. З-гийн шаардлага үндэслэлтэй юу?

Хувийн эрх зүй — бусад · Хувийн эрх зүй

Г нь “БСБ” тавилгын дэлгүүрээс 2 хүний “кинг сайз” хэмжээний унтлагын ор авахаар шийджээ. Дэлгүүрийн худалдагч А-тай 2023 оны 03 дугаар сарын 06-ны өдөр орыг 3.0 сая төгрөгөөр авахаар тохиролцсон байна. Тохирсон ёсоор маргааш өдөр нь орыгГ-гийнд хүргэж өгөхөөр болжээ. Улмаар орыг Г-д хүргэн өгөхөд Г нь шийдвэрээ өөрчилсөн тухай хэлж, орыг авахаа больсон гэж мэдэгдсэн байна. Г-гийн татгалзал нь үндэслэлтэй юу?

Хувийн эрх зүй — бусад · Хувийн эрх зүй

Цахим баримтад үзлэг хийхэд оролцоогүй хариуцагчийн төлөөлөгч Б үзлэгийн тэмдэглэлд засвар оруулах санал гаргажээ. Энэ саналыг зөвхөн хариуцагч л гаргах байсан гэх үндэслэлээр түүний саналыг хүлээж аваагүй байна. Хариуцагчийн төлөөлөгч үзлэгийн тэмдэглэлд засвар оруулах санал гаргах эрхтэй юу?

Хувийн эрх зүй — бусад · Хувийн эрх зүй

Мнь Г-гийн ашигтай байрлал дахь үл хөдлөх обьектод өөрийн бизнесийн үйл ажиллагааг эрхлэхээр төлөвлөжээ. Бизнесийг амжилттай явуулж, хөрөнгө оруулалтаа нөхөн олохын тулд дээрх үл хөдлөх хөрөнгийг 5 жилээр түрээслэх шаардлагатай байсан. Олон гэрчүүдийн дунд хамт шар айраг ууж байх үед Г нь обьектоо 5 жил түрээслүүлнэ гэж М-д хэлжээ. Энэ тухай М-ийн өрсөлдөгч нар мэдэнгүүт Г-д обьектыг түрээслүүлэх хэрэггүй гэж ятгасан байна. Улмаар гэрээг бичгээр байгуулаагүй тул обьектыг чөлөөлж, М-д ашиглуулах нь үндэслэлгүй гэж Г хэлжээ. Гэрээ "байгуулагдсан уу?