Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ
Анхан шатны иргэний хэргийн шүүх А-гийн нэхэмжлэлтэй Б-д холбогдох иргэний хэрэгт тусгайлсан журмаар хянан шийдвэрлэх ажиллагаа явуулж байна. Анхан шатны иргэний хэргийн шүүхийн шүүгчийн 2025 оны 04 дүгээр сарын 30-ны өдөр хэргийг шүүх хуралдаанаар хэлэлцүүлэх захирамж гаргасан ба хуралдааныг 2025 оны 05 дугаар сарын 09- ний өдөр явуулахаар тов тогтоосон. Шүүх тусгайлсан журмаар хэрэг хянан шийдвэрлэх ажиллагааг ердийн журмаар явуулахаар 2025 оны 05 дугаар сарын 02-ны өдөр захирамж гаргасан байна. Нэхэмжлэгч А шүүх хуралдаанд ирээгүйгээс түүний нэхэмжлэлийг 2025 оны 05 дугаар сарын 09-ний өдөр буцаан шийдвэрлэжээ. Нэхэмжлэгч А шүүхэд гаргасан гомдолдоо хэрэг хянан шийдвэрлэх ажиллагааг ердийн журмаар явуулахаар болсон бол шүүх хуралдааны товыг шинээр товлох байсан гэв. Нэхэмжлэгч А-ийн гомдол үндэслэлтэй юу?
Шинэчилсэн: 2026.10.04
- A.Хэргийг тусгайлсан журмаар хянан шийдвэрлэх ажиллагаанд шүүхээс тогтоосон тов ердийн журмаар хянан шийдвэрлэх ажиллагаанд хүчинтэй хэвээр байх тул нэхэмжлэгч А-ийн гаргасан гомдол үндэслэлгүй✓ Зөв хариулт
- B.Хэргийг тусгайлсан журмаар хянан шийдвэрлэх ажиллагаанд шүүхээс тогтоосон тов ердийн журмаар хянан шийдвэрлэх ажиллагаанд үйлчлэх эсэх талаар хуульд заагаагүй тул нэхэмжлэгч А-ийн гаргасан гомдол үндэслэлгүй
- C.Хэргийг тусгайлсан журмаар хянан шийдвэрлэх ажиллагаанд шүүхээс тогтоосон тов ердийн журмаар хянан шийдвэрлэх ажиллагаанд хамаарахгүй тул шүүх хуралдааны товыг шүүх шинээр тогтоох юм. Иймд нэхэмжлэгч А-ийн гаргасан гомдол үндэслэлтэй