Хуульчийн шалгалтын асуулт, хариулт — 7 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

178 асуулт

Хувийн эрх зүй — бусад · Хувийн эрх зүй

Г нь хуучин машин зарж борлуулдаг Ч-ээс “Тоёота Приус 40” маркийн машин худалдаж авахаар үзжээ. Гаднаас нь харахад машин ямар нэгэн эвдрэлгүй, зориулалтын дагуу ашиглаж болохуйц байдалтай байсан. Машин осолд орж байсан тухайг асуухад Ч нь тус машин автын осолд орж байгаагүй гэж хэлжээ. Улмаар Г нь машиныг худалдан авсан байна. Гэтэл машиныг Г-д шилжүүлж өгөхөөс өмнө машин осолд орж байсан нь илэрчээ, энэ тухай Ч мэдэж байсан. Энэ тохиолдолд:

Хувийн эрх зүй — бусад · Хувийн эрх зүй

Нэхэмжлэгч А нь хариуцагч Б-д холбогдуулан гэрээний үүрэгт 10.0 сая төгрөг гаргуулах тухай нэхэмжлэлийг гаргахаар болжээ. Нэхэмжлэгч А нь Сүхбаатар дүүрэгт оршин суудаг бол хариуцагч Б нь Багануур дүүрэгт оршин суудаг байна. Нэхэмжлэлийг аль шүүхэд гаргах вэ?

Хувийн эрх зүй — бусад · Хувийн эрх зүй

Ц-гийн том охин нь Улаанбаатар хотод МУИС-д суралцахаар элсэн орсон тул хотод охиндоо 1 өрөө байр хөлслөхөөр L нь Т-тэй уулзаж, орон сууцыг үзжээ. Орон сууц Ц-д таалагдсан учир орон сууц хөлслөх гэрээг уншиж байхдаа Ц орон сууц хөлслөх гэрээнээс татгалзах гэх нөхцөлийг ойлгоогүй тул өмгөөлөгч 0-д хандаж асуусан байна. О нь гэрээнээс татгалзах, гэрээг цуцлах зохицуулалт нь адил зохицуулалт тул гэрээнд яаж ч тусгаж болно гэж хариулжээ. О-гийн зөвлөгөө үндэслэлтэй юу?

Хувийн эрх зүй — бусад · Хувийн эрх зүй

С ньгэр бүлээрээ амьдрах зорилгоор “Ү” ХХК-гийн өмчлөлийн байранд 2 өрөө орон сууц хөлслөн суужээ. Нэг өдөр С-ийн 16 настай охин Л орцонд явж байхдаа халтирч хөлөө, эгэмний яс, гараа хугалсан байна. Хариуцсан этгээд нь орцны гэрэл шатсан байсныг солиогүй байжээ. Л нь “Ү”-ээс хохирлоо шаардах эрхтэй юу? Ямар үндэслэлээр?

Хувийн эрх зүй — бусад · Хувийн эрх зүй

Өмнөх7-р хуудасДараах

Сэдэв

Иргэн А нь иргэн Б-д холбогдуулан гэм хорын хохиролд 500.000 төгрөг гаргуулах тухай нэхэмжлэлийг шүүхэд гаргажээ. Нэхэмжлэлийн үндэслэлийг Б автомашинаараа А-гийн 10 настай хүү В-ийн унадаг дугуйг мөргөж эвдэлсэн гэв. В-гийн аав А нь иргэн Б-д холбогдуулан нэхэмжлэл гаргаж болох уу?

Хувийн эрх зүй — бусад · Хувийн эрх зүй

Ө нь торго бөс барааны дэлгүүрээс торго худалдан аван өөртөө дээл оёулахаар оёдолчин Х-д захиалга өгчээ. Дээлийг 250.000 төгрөгөөр оёж өгөх тухай талууд тохиролцсон байна. Үүнээс хойш 3 долоо хоногийн дараа Ө нь дээлийн үнийг төлж чадахааргүй болсон тул Х рүү утасдаж гэрээгээ цуцалж буй талаар хэлжээ. Харин Х нь дээл бараг бэлэн болсон тул цуцлах боломжгүй гэж хэлэн, дээлийн үнийг төлөхийг Ө- өөс шаардсан байна. Ө-гийн хариулт үндэслэлтэй юу?

Хувийн эрх зүй — бусад · Хувийн эрх зүй

С нь Г-д зурагт худалдаж авсан үнийг бүрэн төлөөгүй байсан тул 4.0 сая төгрөг төлөх үүрэгтэй байсан. Зурагт худалдах худалдан авах гэрээг 2022 онд байгуулсан байна. Г хэд хэдэн удаа үнийг төлөхийг шаардсан боловч С төлөөгүй. 2024 онд С нь Г-ийн гэрт гал тогооны тавилгыг засварлах ажил хийж гүйцэтгэсэн. Үүний төлбөр болох 5.0 сая төгрөгийн нэхэмжлэхийг С нь 2025 оны 041 дүгээр сарын 15-ны өдөр Г-д явуулжээ. Үүний хариуд I нь үүргийг тооцон, 4.0 сая төгрөгөөр тооцлоо гэж хариулсан байна. Харин С нь хөөн хэлэлцэх хугацаа дууссан шаардлагыг хасах үндэслэлгүй гэж хариулсан байна. Энэ тохиолдолд С-ийн гаргаж буй үндэслэл зөв үү?

Хувийн эрх зүй — бусад · Хувийн эрх зүй

Гэрлэгчид шүүхээс эвлэрүүлэх арга хэмжээ авсан хугацаанд эвлэрээгүй байна. Шүүх гэрлэлтийг цуцлах шийдвэр гаргаж болох уу?

Хувийн эрх зүй — бусад · Хувийн эрх зүй

Иргэн А өөрийн автомашиныг иргэн Б-д 100.0 сая төгрөгөөр худалдсан. Б урьдчилгаанд 50.0 сая төгрөг төлөөд үлдэх үнийг 1 сарын дараа төлнө гэсэн боловч төлөөгүй. Үнэ төлөх хугацаанаас хойш 3 жил 1 сарын хугацаа өнгөрсний дараа Б нь “автомашины үлдэгдэл үнэ 50.0 сая төгрөгийг төлнө” гэсэн бичиг хийжА-д өгсөн боловч үнийг төлөлгүй дахин 1 жил болжээ. Иргэн А таниас хөөн хэлэлцэх хугацааны талаар зөвлөгөө авахыг хүсч байна. Та аль зөвлөгөөг өгөх вэ?

Хувийн эрх зүй — бусад · Хувийн эрх зүй

Хэрэг хянан шийдвэрлэх ажиллагааны явцад шинжээч томилсон бөгөөд шинжээчийн зардлыг нэхэмжлэгч “А” төлсөн байна. Хэргийг анхан шатны журмаар хянан хэлэлцээд “А”-ийн нэхэмжлэлийг бүрэн хангаж шийдвэрлэжээ. Хариуцагч “Б” -д нөхөн төлүүлэх шүүхийн зардлыг хуваарилна уу?

Хувийн эрх зүй — бусад · Хувийн эрх зүй

Нэхэмжлэгч А нь хариуцагч Б-д холбогдуулан гэрлэлт цуцлуулах, 10 настай охиноо өөрийн асрамжид авах тухай нэхэмжлэл гаргажээ. Шүүхэд нэхэмжлэл гаргахаас өмнө эвлэрүүлэн зуучлах ажиллагаа явагдсан боловч амжилт олоогүй байна. Хариуцагч Б нь хүүхдийн асрамжийн талаар маргаж эвлэрүүлэн зуучлагч В-г гэрчээр оролцуулах хүсэлт гаргажээ. Шүүх ямар захирамж гаргах вэ?

Хувийн эрх зүй — бусад · Хувийн эрх зүй

“А” компани болон “Б” компани нь нефтийн бүтээгдэхүүн нийлүүлэх гэрээг англи хэл дээр байгуулжээ. Талуудын хооронд маргаан гарч шүүхэд нэхэмжлэл гаргасан “A” компанийн гадаад харилцааны хэлтэс уг гэрээг монгол хэл рүү хөрвүүлсэн байна. Хариуцагч “Б” компани гэрээний орчуулгын талаар маргахгүй гэжээ. Англи хэлнээс монгол хэл рүү орчуулсан гэрээ нотлох баримтын шаардлага хангасан уу?

Хувийн эрх зүй — бусад · Хувийн эрх зүй

Р нь сэтгэцийн эмгэг өвчтэй бөгөөд эмчилгээ хийлгэдэг. Гэвч улирал солигдох үед буюу хавар, намрын улиралд сэтгэцийн өвчин нь хурцдаж, хөдөлдөг байсан байна. Р-ийг шүүхийн шийдвэрээр эрх зүйн чадамжгүй гэж тооцоогүй байсан. 04 дүгээр сард өвчин нь хөдөлсөн байх үед өөрийн барьж байсан Айфон 15 шинэхэн гар утсыг хөрш Л-д 20.000 төгрөгөөр заржээ. Энэ тухай Р-гийн насанд хүрсэн хүү О мэдэн, Л-ээс гар утсыг буцаан өгөхийг шаардахад Л татгалзсан байна. Р, О нарын хооронд байгуулагдсан гэрээ хүчин төгөлдөр үү?

Хувийн эрх зүй — бусад · Хувийн эрх зүй

Мөнгөн зээлийн үйл ажиллагаа эрхлэх этгээд болох “А” компани нь “Б” нөхөрлөлөөс зээлийн гэрээний үүрэгт 60.0 сая төгрөг гаргуулах нэхэмжлэлийг шүүхэд гаргажээ. Шүүгч нэхэмжлэлд иргэний хэрэг үүсгэж, хэргийг эвлэрүүлэн зуучлалын журмаар эвлэрүүлэх хугацаа зааж, нэхэмжлэлийг эвлэрүүлэн зуучлагчид шилжүүлэхээр захирамж гаргасан. Нэхэмжлэгч “А” компани нь шүүгчийн захирамжийг үндэслэлгүй тул хүчингүй болгуулна гэжээ. Шүүгчийн захирамж үндэслэлтэй юу?

Хувийн эрх зүй — бусад · Хувийн эрх зүй

Иргэн А нь “Б” компанид холбогдуулан тус компанийн жолоочийн буруугаас зам тээврийн осолд орсон тул эрүүл мэндэд учирсан гэм хорын хохиролд 8.0 сая төгрөг гаргуулахаар тусгайлсан журмаар шүүхэд нэхэмжлэл гаргажээ. Уг иргэний хэргийг шүүгч дангаар шийдвэрлэсэн гэх үндэслэлээр хариуцагч “Б” компани давж заалдах гомдол гаргажээ. Түүний давж заалдах гомдол үндэслэлтэй юу?

Хувийн эрх зүй — бусад · Хувийн эрх зүй

Гэр бүлийн холбогдолтой хэрэг хянан шийдвэрлэх ажиллагааны явцад нэхэмжлэгч А нь гэрлэгчдийг тусдаа амьдрахыг даалгуулах хүсэлтийг гаргажээ. Хариуцагч Б уг хүсэлттэй танилцаад гэр бүлийн хүчирхийлэл үйлдээгүй тул урьдчилсан арга хэмжээг зайлшгүй авах шаардлагагүй гэсэн тайлбарыг гаргав. Шүүгч уг арга хэмжээг авах уу?

Хувийн эрх зүй — бусад · Хувийн эрх зүй

Т нь Э-ээс кофе шоп ажиллуулах зорилгоор орон сууцны байшинд доод давхрын том өрөөг сарын 10.0 сая төгрөгөөр ашиглахаар тохиролцсон байна. Талуудын хооронд ямар гэрээ байгуулагдсан бэ?

Хувийн эрх зүй — бусад · Хувийн эрх зүй

Иргэн А нь хариуцагч “Б” компаниас 15.0 сая төгрөг гаргуулах тухай нэхэмжлэлтэй иргэний хэргийг шүүх тусгайлсан журмаар хянан шийдвэрлэх ажиллагаа явуулж байхад зохигч эвлэрлийн гэрээ байгуулжээ. Хэргийг ямар журмаар шийдвэрлэх вэ?

Хувийн эрх зүй — бусад · Хувийн эрх зүй

Шүүх хуралдаанд нэхэмжлэгч иргэн А болон түүний итгэмжлэгдсэн төлөөлөгчөөр иргэн Б нар оролцохоор ирц мэдүүлсэн. Шүүх тэднийг хамт шүүх хуралдаанд орохыг зөвшөөрөөгүй. Түүнчлэн Б нь өмгөөлөгч биш юм. Шүүхийн шаардлага зөв үү?

Хувийн эрх зүй — бусад · Хувийн эрх зүй

Нэхэмжлэгч А нь хариуцагч Б-д холбогдуулан ажил гүйцэтгэх гэрээний үүрэг болох дүнзэн байшинг хүлээлгэж өгөхийг даалгуулах нэхэмжлэлийг шүүхэд гаргасан. Хэрэг хянан шийдвэрлэх ажиллагааны явцад хариуцагч Б нас барсан бөгөөд түүний эрх, үүргийг эрх залгамжлан авах этгээд тодорхойгүй байсан тул шүүгч хэрэг хянан шийдвэрлэх ажиллагааг түдгэлзүүлж, захирамж гаргажээ. Нэхэмжлэгч А нь уг захирамжийг үндэслэлгүй гэв. Шүүгчийн захирамж үндэслэлтэй юу?

Хувийн эрх зүй — бусад · Хувийн эрх зүй

Иргэн А-ийн нэхэмжлэлтэй иргэн Б-д холбогдох иргэний хэрэгт шүүх тусгайлсан журмаар хянан шийдвэрлэх ажиллагаа явуулж байна. Шүүх хариуцагч Б-д мэдэгдэх хуудсыг баталгаат шуудангаар хүргүүлжээ. Мэдэгдэх хуудсаар шүүх ямар баримтыг хариуцагчид хүргүүлэх вэ?

Хувийн эрх зүй — бусад · Хувийн эрх зүй

Нэгэн байгууллагын хамт олон 7 хоногоор Япон улс руу ажлын томилолтоор явжээ. Японд байх хугацаанд хамт олноороо зургаа авхуулсан бөгөөд нэгэн ажилтан тус зургийг фэйсбүүкийн хуудсандаа нийтэлж тавьсан байна. Гэтэл нэгэн сайтын ажилтнууд тус зургийг авч “төсвийн мөнгөөр зугаалж буй төрийн албан хаагчид" гэх өгүүлэлд хавсарган нийтэлжээ. Сайтын үйлдэл нь ямар субьектив эрхийг зөрчсөн бэ?

Хувийн эрх зүй — бусад · Хувийн эрх зүй

Анхан шатны шүүхээс хариуцагчийг эрэн сурвалжлах, түүний оршин суугаа газрыг олж тогтоох тухай шийдвэр гаргажээ. Нэхэмжлэгч шийдвэрийг гардаж авсан. Шийдвэрийг хэн гүйцэтгэх талаар хуульчаас зөвлөгөө авахыг хүссэн. Та аль зөвлөгөөг өгөх вэ?

Хувийн эрх зүй — бусад · Хувийн эрх зүй

Нэхэмжлэгч “А” банк нь хариуцагч “Б” компанид холбогдуулан барьцааны зүйл болох 400.0 сая төгрөгийн үнэ бүхий үйлчилгээний зориулалттай үл хөдлөх эд хөрөнгөөр үүргийн гүйцэтгэлийг хангуулах тухай нэхэмжлэл гаргажээ. Шүүгч энэ иргэний хэрэгт тусгайлсан журмаар хянан шийдвэрлэх ажиллагаа явуулахаар шийдвэрлэсэн нь зөв үү?