Хуульчийн шалгалтын асуулт, хариулт — 8 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

240 асуулт

Хувийн эрх зүй — бусад · Хувийн эрх зүй

УБ-аас Дархан явах замд автомашины осол болж, осолд орсон У нь хүнд гэмтэл авч, ухаангүй машиндаа хэвтэж байхыг урдаас нь машинаар ирж байсан Х харжээ. Х нь У-г яаралтай машинаас гаргаж, анхны тусламж үзүүлж, замын цагдаа болон түргэний тусламж дуудаж, төд удалгүй шатаж эхэлсэн машины галыг унтрааж, үр дүнд нь өөрийнх нь хувцас өмсөх аргагүй болж, үр дүнд нь өөрөөс нь гарсан нийт зардал 300.000 төгрөг болсон байна. У эмнэлэгт хэвтэж эмчлүүлэн гарч ирэхэд нь Х энэ тухай хэлэхэд У 300.000 төгрөг өгөхөөс татгалзжээ. Х нь 300.000 төгрөг шаардах эрхтэй юу?

Хувийн эрх зүй — бусад · Хувийн эрх зүй

Машины зам гарах гэж зогсож байсан Ч нь өндөр настан З-г “Тоёота Приус 30” маркийн машинаар дайрч унагаахыг харжээ. Зам дээр хэвтэж байсан З дээр гүйж очиж дараачийн машинд дайруулах аюулаас хамгаалахын тулд З-г хувцаснаас нь барьж чирэн явган хүний зам дээр гаргаж, түргэн тусламж дуудсанаар З-гийн амь насыг аварч чадсан байна. Эмчилгээ хийлгэж эрүүл болсон З харин түүний цусаар будагдсан байсан Ч-гийн хувцсыг хими цэвэрлэгээгээр цэвэрлүүлэх үнийг нөхөн төлөхөөс татгалзжээ. З хувцсаа цэвэрлүүлэх үнийг шаардах эрхтэй юу?

Хувийн эрх зүй — бусад · Хувийн эрх зүй

“A” компани “Б” нөхөрлөлд холбогдуулан шүүхэд нэхэмжлэл гаргажээ. “А” компани нь компанийг төлөөлөх итгэмжлэлийг иргэн А-д 1 жилийн хугацаатай олгосон. Итгэмжлэгдсэн төлөөлөгч А нь ажлаас халагдсан тул итгэмжлэл хүчингүй болсон гэж “А” компанийн захирал шүүхэд утсаар мэдэгджээ. Итгэмжлэгдсэн төлөөлөгчийн бүрэн эрх дуусгавар болсон уу?

Хувийн эрх зүй — бусад · Хувийн эрх зүй

“А” ХХК нь зээлийн барьцаанд тавьсан байсан үл хөдлөх эд хөрөнгөө барьцаанаас чөлөөлүүлсний дараа өмчлөх эрхийг нь “Б” банканд шилжүүлжээ. Хэсэг хугацааны дараа “А” ХХК шүүхэд хандан эвлэрлийн гэрээг хүчин төгөлдөр бус болохыг тогтоолгохыг хүсэхэд шүүх Иргэний хуулийн 56 дугаар зүйлийн 56.1.3-ийн дагуу хүчин төгөлдөр бус гэж тогтоосон. Энэ тохиолдолд “А” ХХК иргэний хуулийн 56 дугаар зүйлийн 56.6-ийн дагуу дараах хохирлыг “Б” ХХК-аас нэхэмжлэх нь үндэслэлтэй:

Өмнөх8-р хуудасДараах

Сэдэв

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Хариуцагч Б нэхэмжлэлийг гардаж авсан атлаа шүүхээс тогтоосон хугацаанд тайлбар гаргаж өгөөгүй байна. Мөн хариуцагч Б нь шүүх хуралдаанд хүндэтгэн үзэх шалтгаангүйгээр ирээгүй. Нэхэмжлэгч А нь хариуцагч Б-ийн эзгүйд шүүх хуралдааныг явуулах хүсэлт гаргажээ. Шүүх шүүх хуралдааныг явуулж шийдвэр үйлдсэн байна. Шүүх ямар баримтыг үндэслэн хэргийг хянан шийдвэрлэх вэ?

Хувийн эрх зүй — бусад · Хувийн эрх зүй

Хнь өөрийн найз Л-д 15.0 сая төгрөгийг зээлүүлэхээр болжээ. Ингэхдээ үүргийн гүйцэтгэлийг хангах арга хэрэгсэл болгож батлан даагчтай байхаар тохирсон байна. Х-гийн нагац эгч О нь санхүүгийн боломжтой тул батлан даагч болохыг зөвшөөрч, ийнхүү Л нь амаар тохиролцож гэрчийн оролцоотойгоор 15.0 сая төгрөгийг бэлнээр Х-ээс авч, О нь батлан даагч болж байгаагаа мөн л амаар илэрхийлжээ. Энэ тохиолдолд:

Хувийн эрх зүй — бусад · ИРГЭНИЙ ХУУЛЬ

“Н” электрон барааны дэлгүүр зарж буй компьютерын хувьд хямдрал зарлажээ. Энэ тухай олж мэдсэн Д өөрийн дэлгүүрийн 3 ажилтантай хамт “Н” дэлгүүрт орж 10 компьютер лангуун дээрээс авч, касс дээр очиж бичүүлэх гэтэл дэлгүүрийн менежер У ирж, Д-д зарахгүй гэж мэдэгдсэн байна. Д нь тус дэлгүүрийн баруун талд байрлах электрон барааны жижиг дэлгүүр ажиллуулдаг аж. Д нь ихэд бухимдан, мөнгөө төлж, барааг авч явах эрхтэй гэж хариулжээ. Д-гийн шаардлага үндэслэлтэй юу?

Хувийн эрх зүй — бусад · Хувийн эрх зүй

Ү нь А-аас үл хөдлөх обьектыг нарийн боовны үйлдвэрлэл эрхлэх зорилгоор 5 жилийн хугацаатайгаар сарын 20.0 сая төгрөгөөр түрээсэлжээ. Гэрээ байгуулснаас хойш 3 жилийн дараа А нь тус үл хөдлөх эд хөрөнгөө З-д 800.0 сая төгрөгөөр худалдсан. Шинэ өмчлөгч З нь Ү-тэй уулзаж, үл хөдлөх хөрөнгийн шинэ өмчлөгчийн хувьд обьектыг чөлөөлж өгөхийг шаардсан байна. З-гийн шаардлага үндэслэлтэй юу?

Хувийн эрх зүй — бусад · Хувийн эрх зүй

Г нь “БСБ” тавилгын дэлгүүрээс 2 хүний “кинг сайз” хэмжээний унтлагын ор авахаар шийджээ. Дэлгүүрийн худалдагч А-тай 2023 оны 03 дугаар сарын 06-ны өдөр орыг 3.0 сая төгрөгөөр авахаар тохиролцсон байна. Тохирсон ёсоор маргааш өдөр нь орыгГ-гийнд хүргэж өгөхөөр болжээ. Улмаар орыг Г-д хүргэн өгөхөд Г нь шийдвэрээ өөрчилсөн тухай хэлж, орыг авахаа больсон гэж мэдэгдсэн байна. Г-гийн татгалзал нь үндэслэлтэй юу?

Хувийн эрх зүй — бусад · Хувийн эрх зүй

Цахим баримтад үзлэг хийхэд оролцоогүй хариуцагчийн төлөөлөгч Б үзлэгийн тэмдэглэлд засвар оруулах санал гаргажээ. Энэ саналыг зөвхөн хариуцагч л гаргах байсан гэх үндэслэлээр түүний саналыг хүлээж аваагүй байна. Хариуцагчийн төлөөлөгч үзлэгийн тэмдэглэлд засвар оруулах санал гаргах эрхтэй юу?

Хувийн эрх зүй — бусад · Хувийн эрх зүй

Мнь Г-гийн ашигтай байрлал дахь үл хөдлөх обьектод өөрийн бизнесийн үйл ажиллагааг эрхлэхээр төлөвлөжээ. Бизнесийг амжилттай явуулж, хөрөнгө оруулалтаа нөхөн олохын тулд дээрх үл хөдлөх хөрөнгийг 5 жилээр түрээслэх шаардлагатай байсан. Олон гэрчүүдийн дунд хамт шар айраг ууж байх үед Г нь обьектоо 5 жил түрээслүүлнэ гэж М-д хэлжээ. Энэ тухай М-ийн өрсөлдөгч нар мэдэнгүүт Г-д обьектыг түрээслүүлэх хэрэггүй гэж ятгасан байна. Улмаар гэрээг бичгээр байгуулаагүй тул обьектыг чөлөөлж, М-д ашиглуулах нь үндэслэлгүй гэж Г хэлжээ. Гэрээ "байгуулагдсан уу?

Хувийн эрх зүй — бусад · Хувийн эрх зүй

Асран тэтгэх гэрээтэй холбоотой маргааныг анхан шатны шүүхийн шүүгч дангаар шийдвэрлэж байна. Шүүх нээлттэй ил тод байх нь хариуцагчийн үндсэн эрхэд ноцтой хохирол учруулж болзошгүй гэх үндэслэлээр шүүх хуралдааны зарим хэсгийг хаалттай явуулахаар шийдвэрлэжээ. Шүүхээс ямар шийдвэр гаргах вэ?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Иргэн Ань өмнө нь Хөвсгөл аймагт ажиллаж байсан, одоо Улаанбаатар хотын Баянгол дүүргийн нутаг дэвсгэрт оршин сууж байна. Тэрээр Хөвсгөл аймагт ажиллаж байсан байдлаа тогтоолгохоор Хөвсгөл аймаг дахь сум дундын шүүхэд нэхэмжлэл гаргажээ. Тус шүүх түүний гаргасан нэхэмжлэлийг хүлээн авахаас татгалзсан захирамждаа шүүхийн харьяалал зөрчсөн гэв. Шүүгчийн захирамж үндэслэлтэй юу?

Хувийн эрх зүй — бусад · Хувийн эрх зүй

Иргэний хэргийг хянан шийдвэрлэх шүүх хуралдаан нээлттэй явагдаж байгаа бөгөөд “А” их сургуулийн оюутнууд хөндлөнгөөс ажиглах зорилгоор оролцохоор иржээ. Шүүхийн Тамгын газраас урьдчилж зөвшөөрөл аваагүй тул шүүх хуралдаанд оролцуулахгүй гэж хориглосон байна. “А” их сургуулийн оюутнууд нээлттэй шүүх хуралдаанд ажиглагчаар оролцож болох уу?

Хувийн эрх зүй — бусад · Хувийн эрх зүй

Иргэн А өөрийн нагац дүү Б-д автомашинаа үнэ төлбөргүйгээр ашиглуулахаар шилжүүлэн өгчээ. Б нь зам тээврийн осол гаргаж автомашинд гэмтэл учруулсан. А автомашины засварын үнийг шаардахад Б нь автомашиныг үнэ төлбөргүйгээр ашиглаж байсан тул төлөх үүрэггүй гэж татгалзсан. Та А-д ямар зөвлөгөө өгөх вэ?

Хувийн эрх зүй — бусад · Хувийн эрх зүй

“А” компани нь иргэн Б-д холбогдуулж аялал жуулчлалын гэрээний үйлчилгээний хөлс шаардаж шүүхэд хандаж нэхэмжлэл бичсэн. “A” компанийн ажилтан В нэхэмжлэлийг Сүхбаатар дүүргийн Иргэний хэргийн анхан шатны шүүхийн ерөнхий шүүгчид өгнө гэж маргаан үүсгэсэн байна. Нэхэмжлэлийг хэн хүлээн авах ёстой вэ?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Иргэний хэргийн давж заалдах шатны шүүхэд хариуцагч Б “анхан шатны шүүх маргааны үйл баримтыг буруу тогтоосноос шүүхийн шийдвэр хуульд нийцэхгүй байна” гэсэн гомдол гаргажээ. Иргэний хэргийн давж заалдах шатны шүүхээс хэргийг шийдвэрлэхдээ анхан шатны шүүх үйл баримтыг буруу тогтоосноос гадна хууль буруу хэрэглэсэн гэж дүгнэсэн байна Иргэний хэргийн давж заалдах шатны шүүхийн эрх хэмжээг тодорхойлно уу?

Хувийн эрх зүй — бусад · Хувийн эрх зүй

Иргэн У нь “ Тэрэлж... “ амралтын газарт 3 хоног амрахаар захиалга өгчээ. Нэг өдрийн үнэ болох 200.000 төгрөгт өглөөний цай, саун, усан бассейнд сэлэх, хувцсаа угаалгуулж цэвэрлүүлэх зэрэг үйлчилгээнүүд багтсан байсан. У нь өөрийн цагаан цамцыг угаалгахаар өгч, зочид буудлаас гарч явах өдрөө буцаан авахад цагаан цамц толботой хэвээр байжээ. Улмаар У цамцаа дахин цэвэрлүүлэх хүсэлт гаргахад, зочид буудлын зүгээс татгалзсан. Учир нь У тэр өдөр явах ёстой байсан тул цамцыг нь цэвэрлэх боломжгүй гэж хариулт өгсөн байна. У-гийн шаардлага үндэслэлтэй юу?

Хувийн эрх зүй — бусад · Хувийн эрх зүй

Машин угаалгын газрын хананд том үсгээр хэвлэгдсэн дараах зарыг байрлуулсан байжээ. “Машин угаалгах явцад тээврийн хэрэгсэлд учирсан хохирлыг зориуд санаатай үйлдлээр учруулсан тохиолдолд нөхөн төлнө”. Зар нь хүчин төгөлдөр үү?

Хувийн эрх зүй — бусад · Хувийн эрх зүй

А нь өөрийн гэрийн шалыг засварлах болсон тул Улаанбаатар хотод зөвхөн “Л” барилгын материалын дэлгүүрт өөрт нь тохирох шалны паркет зарж байсан байна. Дэлгүүрт очиход хаалттай байсан тул А дэлгүүрийн захиргаа руу утасдаж шалны паркет бараг дуусаж байгаа бөгөөд сүүлийн хэсгийг нь 20.0 сая төгрөгөөр авахаар тохирчээ. Дэлгүүр онгойход А очин паркетаа авах гэтэл дэлгүүрийн зүгээс А-гийн дараа утасдсан Б-д 25.0 сая төгрөгөөр зарсан гэсэн байна. А нь паркетыг өөрт нь шилжүүлж өгөхийг шаардах эрхтэй юу?

Хувийн эрх зүй — бусад · Хувийн эрх зүй

Нэхэмжлэгч А нь хариуцагч Б-д холбогдуулан гурил худалдах, худалдан авах гэрээг цуцалж, илүү төлсөн 10.0 сая төгрөгийг буцаан гаргуулах тухай нэхэмжлэл гаргажээ. Хэрэг хянан шийдвэрлэх ажиллагаанд бие даасан шаардлага гаргаагүй гуравдагч этгээд В оролцож гаргасан тайлбартаа “би гурилыг хариуцагч Б-д дутуу нийлүүлснээс Б үүргээ гүйцэтгэж чадаагүй тул 10.0 сая төгрөгийгА-д төлөхийг хүлээн зөвшөөрч байна” гэв. Шүүх бие даасан шаардлага гаргаагүй гуравдагч этгээд В- ээс 10.0 сая төгрөг гаргуулж нэхэмжлэгч А-д олгох шийдвэр гаргах уу?

Хувийн эрх зүй — бусад · Хувийн эрх зүй

Эвлэрлийн гэрээнд зохигч болон гуравдагч этгээд гарын үсэг зурсан бөгөөд гуравдагч этгээдийн эд хөрөнгөөр нэхэмжлэлийн шаардлагыг бүрэн хангуулахаар тохиролцжээ. Шүүх эвлэрлийн гэрээг батлах уу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Хяналтын шатны шүүх хуралдаан дээр нэхэмжлэгч А болон хариуцагч Б нар эвлэрсэн байна. Хяналтын шатны шүүх ямар шийдвэр гаргах вэ?

Хувийн эрх зүй — бусад · Хувийн эрх зүй

Ж нь Их сургуулийн дэргэд байрладаг орон сууцны цогцолборт 1 өрөө орон сууц өмчилдөг. Хичээлийн жил эхлэх болсонтой холбогдуулан 1 өрөө орон сууцаа оюутнуудад хөлслүүлэхээр шийдсэн. Үүний тулд орон сууцанд тавилга худалдан авах шаардлагатай байжээ. Улмаар “М” дэлгүүртэй 300.000 төгрөгөөр тавилга авахаар болсон байна. Дэлгүүрийн зүгээс тавилгыг ирэх сарын 20-нд хүргэнэ гэсэн боловч 3 сар өнгөрөхөд үүргээ биелүүлсэнгүй. Дахин 2 сар өнгөрсний дараа дэлгүүрээс утасдан, тавилга хүргэж өгнө гэхэд Ж авахгүй гэжээ. Энэ тохиолдолд Ж дараах шаардах эрх эдэлнэ: