Тогтоол №1820

ХЭРГИЙН ТАНИЛЦУУЛГА: Төрийн албаны тухай хуулийн 22.1, Захиргааны ерөнхий хуулийн 47.1.1, 47.1.5, 47.1.6-д заасныг үндэслэн төрийн албан хаагчийг өөр байгууллагад шилжүүлэн ажиллуулах тухай захиргааны акт нь хууль бус гэж үзэн, урьд эрхэлж байсан албан тушаалд нь эгүүлэн тогтоож, улмаар албан тушаалаас шилжүүлснээс авч чадаагүй цалин, нэмэгдэл, бусад орлого гаргуулах тухай нэхэмжлэл гаргажээ. АНХАН ШАТ: Шүүхээс нэхэмжлэлийн шаардлагыг бүхэлд нь хэрэгсэхгүй болгож шийдвэрлэжээ. ДАВЖ ЗААЛДАХ ШАТ: Анхан шатны шүүхийн шийдвэрийг эс зөвшөөрч, нэхэмжлэгч давж заалдах гомдол гаргасан. Гомдолд шүүх хууль бус тушаалуудын үндэслэлийг судлаагүй, баримтыг үнэлж дүгнээгүй, нэхэмжлэлийн шаардлагыг гуйвуулсан, хариуцагч талд үйлчилсэн гэж заажээ.

ҮНДЭСЛЭЛ: Давж заалдах шатны шүүхээс анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаажээ. Үүнд: захиргааны актыг үндэслэхдээ албан хаагчтай тохиролцоо хийсэн эсэхийг тогтоох шаардлагатай байхад анхан шатны шүүх энэ асуудлыг бүрэн шалгаагүй. Төрийн албаны тухай хуулийн 22.1-д заасан "түүнтэй тохиролцож" гэх нөхцөл нь төрийн албан хаагчийг өөр байгууллагад шилжүүлэн ажиллуулах үндсэн нөхцөл байсан тул үүнийг тогтоох нь чухал. Мөн нэхэмжлэгчийн гомдолд дурдсан зарим зүйл байдлыг анхан шатны шүүх хангалттай үнэлж дүгнээгүй нь хэргийг шийдвэрлэхэд нөлөөлсөн.