Тогтоол №17024

ХЭРГИЙН ТАНИЛЦУУЛГА: Багш ажилдаа эгүүлэн тогтоолгох, ажилгүй байсан хугацааны цалин гаргуулах, даатгалын бичилт хийлгэх тухай нэхэмжлэл. АНХАН ШАТ: Хөдөлмөрийн тухай хуулийн холбогдох зүйл заалтыг үндэслэн нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Гомдол гаргагч нь анхан шатны шүүхийн шийдвэр нэг талыг барьсан, гэрчийн мэдүүлгийг үндэслэсэн гэж үзэн, нэхэмжлэлийг хангаж, шийдвэрийг хүчингүй болгуулахыг шаарджээ.

ҮНДЭСЛЭЛ: Нэхэмжлэгч нь хөдөлмөрийн сахилгын зөрчлийг давтан гаргасан нь тогтоогдсон. Үүнд: багшийн ёс зүй, сурагчидтай зүй бус харьцсан, ажлын хариуцлага алдсан, хувийн журнал хөтлөөгүй зэрэг зөрчлүүд. Хариуцагч нь Хөдөлмөрийн тухай хуулийн 40.1.4-т заасны дагуу ажилтан хөдөлмөрийн сахилгын зөрчлийг давтан гаргасан үндэслэлээр хөдөлмөрийн гэрээг цуцалсан. Ажил олгогчийн гаргасан сахилгын шийтгэлүүд нь үндэслэлтэй байсан бөгөөд нэхэмжлэгч хуульд заасан хугацаанд гомдол гаргаагүй. Хяналтын шалгалтын дүнг нэхэмжлэгч хүлээн зөвшөөрөөгүй гэх тайлбар нь нотлох баримтаар няцаагдсан. Анхан шатны шүүхийн шийдвэр нь холбогдох хууль тогтоомжид нийцсэн байна. Шүүх хуралдаанаас анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхижээ.