Хуульчийн шалгалтын асуулт, хариулт | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

28 асуулт

Хувийн эрх зүй — бусад · ИРГЭНИЙ ХУУЛЬ

Я нь Гачууртад газар худалдан авсан бөгөөд 2 давхар байшин барихаар болжээ. Байшингийн архитектурын зургийг зуруулахаар архитектурч Л-д хандсан бөгөөд 2 сарын дараа зураг бэлэн болно гэж Л амласан. Ингэхдээ гэрээний үнийн талаар тохиролцоогүй байна. Гэвч энэ хугацаанд Я нь санхүүгийн асуудалд орж, байшин барих зардал гаргах боломжгүй болсон. Л байшингийн зургийг хүлээн авч, төлбөрөө төлнө үү гэж Я руу утасдахад Я нь байшин барих боломжгүй болсон тул зураг авахгүй, түүнчлэн төлбөр төлөхгүй гэж хариулжээ. Я-гийн хариулт үндэслэлтэй юу?

Хувийн эрх зүй — бусад · ИРГЭНИЙ ХУУЛЬ

“Ж” ХХК нь “УБ” ХХК-тэйгалт тэрэгний түлш бэлтгэн нийлүүлэх гэрээг 3 жилийн хугацаатай байгуулжээ. 1 жил өнгөрсний дараа “Ж” ХХК нь гадаадын банкнаас зээл авах зорилгоор үүргийн гүйцэтгэлийг хангах арга хэрэгсэл болгож ирээдүйд олох орлогыг барьцаалахаар шийдсэн. Энэ тохиолдолд гадаадын банк түлшний бэлтгэн нийлүүлэх гэрээний төлбөр төлөх шаардах эрхийг өөрт нь шилжүүлэхийг санал болгосон байна. Энэ тохиолдолд:

Хувийн эрх зүй — бусад · ИРГЭНИЙ ХУУЛЬ

“ТОСК” ХХК нь Хөгжлийн банкнаас 50.0 сая ам. доллар жилийн 6.45 хувийн хүүтэй зээлсэн. Зээлсэн мөнгөн хөрөнгийг зээлдэгч Шинэ Яармаг хотхоны барих барилгын ажилд хөрөнгө оруулалт болгон оруулахаар “НЯП” ХХК-тай Хамтран ажиллах, санхүүжилтийн гэрээ байгуулжээ. Зээлийн гэрээнд “Төсөл хэрэгжүүлэгч “НЯП” ХХК нь гадаадын банкнаас зээл авч чадсан тохиолдолд “ТОСК” ХХК зээлийн 50.0 сая ам. долларыг захиран зарцуулах эрхтэй болно” гэсэн нөхцөлийг оруулсан байна. Хөгжлийн банк, “ТОСК” ХХК нарын хооронд зээлийн хүүгийн төлөлттэй холбоотой шүүхэд маргаан үүсэхэд зээлийн гэрээ ямар төрлийн гэрээ болох талаар маргажээ. Зээлийн гэрээний төрлийг тодорхойлно уу?

Хувийн эрх зүй — бусад · ИРГЭНИЙ ХУУЛЬ

“А” ХХК-гийн удирдлага өөрийн ажилтан Х-д компанийн хувьцааны тодорхой хэсгийг бусдад худалдах итгэмжлэл олгосон. Үүнд итгэмжлэлд хувьцааны 5 хувийг компанид ашигтай үнээр худалдах эрх олгов гэжээ. Компанийн нэгж хувьцааны үнэ нь 1.0 сая төгрөг гэж бүртгэгдсэн байсан бөгөөд Х хувьцааг нэгж үнийг нь 1.0 сая төгрөгөөр бодон Д-д худалдсан аж. “А” ХХК-гийн удирдлага энэ тухай мэдэнгүүт хувьцаа худалдах худалдан авах гэрээг хүлээн зөвшөөрөхөөс татгалзсан, учир нь Х нь компанид ашигтай байдлаар хувьцааг худалдсан бол 1.0 тэрбум төгрөгөөр худалдах боломжтой байсан гэжээ. Х-гийн хийсэн хэлцлийн үр дагавар нь “А” ХХК-д бий болох уу?

1-р хуудасДараах

Сэдэв

Хувийн эрх зүй — бусад · ИРГЭНИЙ ХУУЛЬ

М нь Г-д нийт 150.0 сая төгрөгийн үнэ бүхий бараа нийлүүлсэн бөгөөд гэрээндээ “худалдан авагч барааны үнийг бүрэн төлж дуустал барааны өмчлөх эрхийг худалдагч хадгалсаар байх болно” гэх нөхцөлийг тусгажээ. Энэ тохиолдолд ямар хэлцэл хийгдсэн бэ?

Хувийн эрх зүй — бусад · ИРГЭНИЙ ХУУЛЬ

C ньҮ-ээс 15.0 сая төгрөг нэг жилийн хугацаатай зээлсэн. С-ийн хүлээсэн зээлийн гэрээний үүргийн гүйцэтгэлийг хангахын тулд түүний танил Б нь батлан даалт гаргасан байна. Ү нь зээлийн гэрээний шаардах эрхээ Д-д шилжүүлсэн. Гэтэл С нь зээлсэн мөнгөө буцаад төлөөгүй тулД нь Б-ээс 15.0 сая төгрөгийг төлөхийг шаарджээ. Ингэх нь үндэслэлтэй юу?

Хувийн эрх зүй — бусад · ИРГЭНИЙ ХУУЛЬ

Ц нь хими цэвэрлэгээний газарт ноосон хүрэм цэвэрлүүлэхээр өгчээ. 5 хоногийн дараа бэлэн болно, ирж аваарай гэж Ц-д цэвэрлэгээний газрынхан хэлсэн байна. 5 хоногийн дараа хүрмээ буцаан авахад хүрэм нь цэвэрлэгээний явцад агшин, бага насны хүүхдэд таарах хэмжээтэй болсон аж. Ц нь ихэд бухимдан, өөрт нь учирсан хохирол болох 500.000 төгрөг шаардахад, хими цэвэрлэгээний газрынхан анх Ц-д өгсөн баримтын ар талд жижиг үсгээр “Хувцас агших эрсдэлийг хариуцахгүй" гэсэн нөхцөлийг уншаагүй юм уу гэжээ. Ц нь хохирлыг шаардах эрхтэй юу?

Хувийн эрх зүй — бусад · ИРГЭНИЙ ХУУЛЬ

Иргэн Ань иргэн Б-д мотоцикл худалдсан. Б нь мотоциклийг өөрөө ирж авна гэсэн бөгөөд тохирсон хугацаанаас хойш 3 сарын дараа ирж авах гэтэл А нь мотоциклийг хадгалсан хөлс төлөхгүй бол өгөхгүй гэжээ. А-ийн үйлдэл зөв үү?

Хувийн эрх зүй — бусад · ИРГЭНИЙ ХУУЛЬ

Хуульзүйн сургуулийн профессорД нь өмгөөлөгч А-д шинэхэн хэвлэгдэн гарсан “Иргэний хуулийн тайлбар” гэх номыг худалдан авах сонирхолтой эсэхийг нь асуун мэйл бичжээ. А нь 7 хоногийн дотор хариулаагүй тул өөрийнх нь саналыг хүлээн зөвшөөрч байна гэжД үзэн, 250.000 төгрөгийг өөрийнх нь данс руу шилжүүлнэ үү гэсэн мессежийг А-д илгээсэн. А нь 250.000 төгрөгийг шилжүүлэх үүрэг хүлээх үү?

Хувийн эрх зүй — бусад · ИРГЭНИЙ ХУУЛЬ

П нь Вьетнамын Фукуок арал руу 10 хоног аялах захиалгыг өгч, төлбөрөө бүтэн төлж, аяллын өдөр Фукуок арал руу ниссэн. Вьетнамын хил гаалиар нэвтэрч гарах гэтэл тус улсын паспортын ажилтнууд ажил хаялт зарласан байсан тул эх орон руугаа буцжээ. Эх орондоо ирэнгүүт П нь жуулчны компаниас аяллын төлбөрөө буцаан шаардсан байна. П-гийн шаардлага үндэслэлтэй юу?

Хувийн эрх зүй — бусад · ИРГЭНИЙ ХУУЛЬ

Арьсан эдлэлийн дэлгүүрийг шилэн хоргод үнэгэн дээлийг 900.000 төгрөгөөр зарахаар тавьсан байжээ. Дэлгүүрийн хажуугаар явж байсан О үүнийг харан, хямдхан үнээр булган дээл авах боломжийг алдахыг хүсээгүй тул дэлгүүрт орон, өмсөж үзэн, картаар төлөхөөр касс дээр очжээ. Ингэхэд дээлийн үнэ 900.000 төгрөг биш, харин 9.0 сая төгрөг гэдгийг мэджээ. Худалдагч үнийг нь тавихдаа андууран 9.0 сая төгрөгийн үнийн оронд 900.000 төгрөгийн үнийг бичсэн заалтыг тавьсан байв. О “энэ надад огт хамаагүй. 900.000 гэж тавьсан байсан тул мөнгөө аваад, дээлийг надад өг” гэж хариулжээ. О дээлийг өөрт нь өгөхийг шаардах эрхтэй юу?

Хувийн эрх зүй — бусад · ИРГЭНИЙ ХУУЛЬ

Өндөр настай иргэн Ж нь Улаанбаатар хотын ... дүүргийн ... хорооны нутаг дэвсгэрт байрлах ... байрны 27 тоот 35 M? орон сууцны өмчлөгч байсан. Түүнийг 2019 оны 01 дүгээр сард нас барсны дараа үлдсэн 5 хүүхдээс нь бага охин Э нь харьяа дүүргийн нотариатад хандаж өв залгамжлагчаар бүртгүүлж, өв залгамжлагчийн гэрчилгээ авчээ. Дунд эгч Ту нь ХБНГУ-д байнга оршин амьдарч ажилладаг ба ажлаасаа чөлөө авч ээжийнхээ оршуулгад оролцох боломж гараагүй байна. Түүнчлэн 2020 оны 01 дүгээр сард коронавирусын цар тахал дэгдэж хил хаагдаж, хөл хорио тогтоогджээ. Тү өв залгамжлах эрхтэй юу?

Хувийн эрх зүй — бусад · ИРГЭНИЙ ХУУЛЬ

Өмгөөлөгч Т өөрийн өмгөөллийн нөхөрлөлийн оффист зориулан компьютерын программ “Р” ХХК-д захиалжээ. Гэрээний дагуу “Р” ХХК нь программыг хүргэж өгөн, суулгаж, ажилтнуудад 5 хоногийн сургалт зохион байгуулах үүрэг хүлээсэн. Үүний хариуд төлбөр болох 1.0 сая төгрөг төлөхөөр тохирсон байна. Программыг боловсруулж, хүргэж өгөн суулгасны дараа “Р” ХХК нь 800.000 төгрөг төлөхийг шаарджээ. Үүнийг төлсний дараа сургалт зохион байгуулна гэж мэдэгдсэн. Өмгөөлөгч Т сургалт зохион байгуулсны дараа бүрэн төлбөр төлнө гэж хариулжээ. Т-гийн хариулт үндэслэлтэй юу?

Хувийн эрх зүй — бусад · ИРГЭНИЙ ХУУЛЬ

Бага насны хүүхэд У-гийн эцэг эх нь охиныхоо нэр дээр хадгаламж нээжээ. Сар болгон хадгаламжид нь мөнгө хийж хуримтлуулдаг. Охин У нь насанд хүрэнгүүт хэзээ нэгэн цагт хадгаламжийн мөнгийг авч өөрөө захиран зарцуулах болно гэдгийг эцэг эх нь ойлгож байгаа. Хадгаламжийн гэрээ нь ямар төрлийн гэрээ вэ?

Хувийн эрх зүй — бусад · ИРГЭНИЙ ХУУЛЬ

A, Р хоёр 2008 онд гэрлэж, 2010 онд охин Д нь төрсөн. 2009 онд нөхөр Р-ийн ажиллаж байсан төмөр замын компаниас тус байгууллагад олон жил ажилласан Р-д компанийн нэр дээр байсан, Р гэр бүлтэйгээ амьдарч байсан орон сууцыг ньР-ийн нэр дээр хувьчилж өмчлүүлжээ. 2020 онд А, Р хоёр гэрлэлтээ цуцлуулахаар болсон байна. Орон сууц гэрлэгчдийн дундаа хамтран өмчлөх эд хөрөнгө мөн үү?

Хувийн эрх зүй — бусад · ИРГЭНИЙ ХУУЛЬ

Х нь жил болгоны зун найзуудтайгаа хамт Хөвсгөл далайд амардаг уламжлалтай. Энэ удаа “ПП” кемпэд хандан 4 хүний суудалтай завь нэг өдөр хөлслөхөд ямар үнэтэй болох талаар мэйлээр асуухад 450.000 төгрөг гэсэн хариу авсан байна. Х нь 8-лаа очихоор төлөвлөж байсан тул 7 хоногийн хугацаатай 4 хүний суудалтай 2 завь захиалах гэж байсан боловч алдаа гарган 4 хүний суудалтай 4 завь гэж бичин мэйл явуулжээ. Захиалгыг хүлээн авсан тухай хариуг кемпийн зүгээс Х-д ирүүлсэн. Ямар эрх зүйн үр дагавар бий болох боломжтой вэ?

Хувийн эрх зүй — бусад · ИРГЭНИЙ ХУУЛЬ

А, Т хоёрын хооронд үүссэн үл хөдлөх хөрөнгө худалдах худалдан авах гэрээний маргааныг иргэний хэргийн анхан шатны шүүхээс хууль зөрчсөн хэлцэл гэж үндэслэлээр хүчин төгөлдөр бус гэж дүгнэн, хэлцлийн дагуу шилжүүлсэн эд хөрөнгө болон төлбөрийг буцаан олгох шийдвэр гаргажээ. Үүнд Иргэний хуулийн үндэслэлгүйгээр хөрөнгөжсөн гэх шаардах эрхийг үндэслэсэн бөгөөд, шаардах эрх үүсэхтэй холбоотой урьдчилсан нөхцөлийн талаар шийдвэрийн үндэслэх хэсэгт зөв шалгаагүй гэж Т нь давж заалдах шатны шүүхэд гомдол гаргасан байна. Шаардах эрх үүсэхийн тулд ямар урьдчилсан нөхцөл бий болсон байх ёстой вэ?

Хувийн эрх зүй — бусад · ИРГЭНИЙ ХУУЛЬ

Y нь өөрийн автомашиныг 80.0 сая төгрөгөөр зарах саналыг Ч-д тавьжээ. Ингэхдээ хариу хэлэх сүүлийн хугацааг 06 дугаар сарын 15-ны өдөр гэж тодорхойлсон. 06 дугаар сарын 15-ны өдөр Ч нь Ү-гийн гэрт нь ирж саналыг нь зөвшөөрч буй талаар хариу хэлэхийг хүсжээ. Дараах тохиолдолд автомашин худалдах худалдан авах гэрээ байгуулагдсан гэж үзэх үү?

Хувийн эрх зүй — бусад · ИРГЭНИЙ ХУУЛЬ

Техникийн зориулалттай тос худалддаг Н нь өөрийн үйлчлүүлэгч Б- тэй 40.000 литр тос нэг литрийг нь 1.000 төгрөгөөр нийлүүлэхээр гэрээ байгуулжээ. Гэвч төд удалгүй Н-ийн оруулж ирсэн тосоо хадгалж байсан агуулахад өөрийнх нь гэм буруугаас үл шалтгаалан гал гарч, дэлбэрэлт үүсэж тос нийлүүлэх боломжгүй болсон. Ямар эрх зүйн үр дагавар үүсэж болох вэ?

Хувийн эрх зүй — бусад · ИРГЭНИЙ ХУУЛЬ

“А Трэвел” аялал жуулчлалын компаниас цагаан сарын аяллыг Хайнань арал руу зохион байгуулж буй тухай зар тараажээ. Аялал 7 хоног үргэлжлэх бөгөөд 4 одтой зочид буудалд буудаллах бөгөөд зочид буудлын үнэд өглөөний цай багтсан. Л гэр бүлийн хамт захиалга өгч аяллаар явжээ. Хайнань арал дээр 4 одтой зочид буудалд буудаллахад буудлын өрөөнд дүүрэн жоом байсан бөгөөд дараа өдрийн өглөөний цайнд аяллын хөтөч КЕС-ээс шарсан тахиа төмстэй авч ирэн аялагчдад тараасан байна. Энэ тохиолдолд Л дараах шаардах эрхийг хэрэгжүүлэх эрхтэй:

Хувийн эрх зүй — бусад · ИРГЭНИЙ ХУУЛЬ

“Н” электрон барааны дэлгүүр зарж буй компьютерын хувьд хямдрал зарлажээ. Энэ тухай олж мэдсэн Д өөрийн дэлгүүрийн 3 ажилтантай хамт “Н” дэлгүүрт орж 10 компьютер лангуун дээрээс авч, касс дээр очиж бичүүлэх гэтэл дэлгүүрийн менежер У ирж, Д-д зарахгүй гэж мэдэгдсэн байна. Д нь тус дэлгүүрийн баруун талд байрлах электрон барааны жижиг дэлгүүр ажиллуулдаг аж. Д нь ихэд бухимдан, мөнгөө төлж, барааг авч явах эрхтэй гэж хариулжээ. Д-гийн шаардлага үндэслэлтэй юу?

Хувийн эрх зүй — бусад · ИРГЭНИЙ ХУУЛЬ

Л нь унаж байсан өөрийн машинаа зарахаар шийдэж, зар тавьжээ. Ж нь зарын дагуу Л-тэй уулзаж, машин зарах үнэ, бусад нөхцөлийн талаар зарим нэг тохиролцоогүй жижиг зүйл үлдсэн байсан боловч, эцсийн шийдвэр гаргахаас өмнө машиныг унаж үзэхээр шийдэв. Гэвч Ж харааны шилээ мартсан байсан тул машин унаж байхдаа хажуу талын бетонон хашлага мөргөж машины гэрэл, дугуйг гэмтээжээ. Энэ тохиолдолд Л-ийн эд хөрөнгөнд учирсан хохирлыг:

Хувийн эрх зүй — бусад · ИРГЭНИЙ ХУУЛЬ

Иргэн Ө амралтын газрын зочид буудалд орон, ресепшн дээр байсан Ц-гээс “танайд нэг хоноод өглөөний цай уухад ямар үнэтэй вэ” гэж асуухад Ц 150.000 төгрөг" гэжээ. Маргааш өдөр нь © эхнэртэйгээ хамт ирэн 10 хоног зочид буудалд амарсан. Явах өдрөө төлбөрөө төлөх гэтэл 3.0 сая төгрөг төлөхийг шаардсан байна. Ө нь 1.5 сая төгрөг төлнө гэжээ, учир нь, 150.000 төгрөгийг нэг хүний үнэ гэж ойлгоогүй гэж тайлбарлажээ. Ө болон Ц нарын хүсэл зоригийн илэрхийлэл нь агуулгын хувьд тодорхой биш байгаа тул хүсэл зоригийг тайлбарлах аргыг хэрэглэхдээ:

Хувийн эрх зүй — бусад · ИРГЭНИЙ ХУУЛЬ

“О” хуулийн нөхөрлөл гадаадын хуулийн фирмтэй хамтран олон улсын хуулийн фирм байгуулахаар уулзалт товлосон аж. Уулзалтад зориулж нөхөрлөлийн партнер өмгөөлөгч Б нь залуу хуульч Р-д хандан хажуу талд байрладаг итали ресторанд маргарита пицца болон кальцоне захиалахыг даалгасан. Р нь ресторан руу утасдаж “Өмгөөлөгч Б оффистоо махан холимог пицца захиалж байна” гэж хэлжээ. Энэ тохиолдолд: