Бага насны хүүхэд У-гийн эцэг эх нь охиныхоо нэр дээр хадгаламж нээжээ. Сар болгон хадгаламжид нь мөнгө хийж хуримтлуулдаг. Охин У нь насанд хүрэнгүүт хэзээ нэгэн цагт хадгаламжийн мөнгийг авч өөрөө захиран зарцуулах болно гэдгийг эцэг эх нь ойлгож байгаа. Хадгаламжийн гэрээ нь ямар төрлийн гэрээ вэ?

Энэхүү тохиолдолд эцэг, эх нь банктай хадгаламжийн гэрээг байгуулж байгаа боловч гэрээнээс үүсэх үр шим буюу хадгаламжийн мөнгийг захиран зарцуулах эрх нь тэдний охин У-д үүсэхээр тохиролцсон байна. Гэрээний талууд үүргийн гүйцэтгэлийг гуравдагч этгээдэд олгохоор харилцан тохиролцож байгаа нь уг хэлцлийн гол шинж юм.

Иймд гэрээ байгуулагч талууд биш, харин гэрээний шууд тал болоогүй гуравдагч этгээд болох бага насны хүүхэд уг гэрээний дагуу үүргийн гүйцэтгэлийг шаардах эрхтэй болж байгаа тул энэ нь гуравдагч этгээдэд ашигтай гэрээ (хэлцэл) болно.