Тогтоол №18091

ХЭРГИЙН ТАНИЛЦУУЛГА: Нягтлан бодогч ажлаа гүйцэтгэх явцдаа санхүүгийн тайлан, төсвийн гүйцэтгэлийн аудитад алдаа гаргасан, хариуцлагагүй хандсан үндэслэлээр ажлаас халсан тул үүнийг хууль бус гэж үзэн ажилд эгүүлэн тогтоолгох, ажилгүй байсан хугацааны олговор гаргуулах шаардлага гаргасан. АНХАН ШАТ: Ажилтны гаргасан үйлдлүүд нь ажлын хариуцлага, сахилга алдсан, хайхрамжгүй хандсан, аудитад сөрөг дүгнэлт авсан нь Хөдөлмөрийн гэрээний ноцтой зөрчилд хамаарна гэж үзэж, нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхан шатны шүүх нэхэмжлэгчийн үндэслэлүүдийг хангалттай үнэлэлгүй, ажлаас халсан тушаал нь хуульд нийцсэн эсэхийг тогтоогоогүй гэж гомдол гаргасан. Давж заалдах шатны шүүхээс нягтлан бодогчийн сахилгын зөрчлийг удаа дараа гаргасан гэж үзэх үндэслэлгүй талаарх нэхэмжлэгч талын гомдлыг хүлээн зөвшөөрсөн боловч, гэрээний ноцтой зөрчлийг гаргасан гэж үзэх үндэслэлтэй, аудитын дүгнэлт нь хууль зөрчсөн гэж үзэхгүй, төрийн аудитын байгууллага нь гэрээгээр гүйцэтгүүлж болох тул анхан шатны шүүхийн шийдвэрийг хэвээр үлдээсэн. ҮНДЭСЛЭЛ: Хөдөлмөрийн гэрээнд заасан ноцтой зөрчлийг ажилтан гаргасан. Санхүүгийн аудитын дүгнэлтийг үндэслэлгүй гэж үзэхгүй. Төрийн аудитын байгууллага нь гэрээгээр гүйцэтгүүлж болох нь хуульд заасан.