Тогтоол №15915

ХЭРГИЙН ТАНИЛЦУУЛГА: Аюулгүй байдал, эрүүл ахуйн инженерээр ажиллаж байсан этгээд үүргээ биелүүлээгүйн улмаас ажилчдын эрүүл мэндэд хүнд хохирол учруулсан хэрэг. АНХАН ШАТ: Эрүүгийн хуулийн тусгай ангийн 11.3 дугаар зүйлийн 1 дэх хэсэгт зааснаар гэм буруутайд тооцож, 6 сарын хугацаагаар зорчих эрхийг хязгаарлах ял оногдуулж, иргэний хариуцагчаас хохирогчид нөхөн төлбөр гаргуулахаар шийдвэрлэсэн. ДАВЖ ЗААЛДАХ ШАТ: Прокурор нь Эрүүгийн хуулийн тусгай ангийн 11.3 дугаар зүйлийн 1 дэх хэсэгт заасан гэмт хэрэгт нэмэгдэл ял (эрх хасах ял) заавал ногдуулах ёстой байтал анхан шатны шүүх хэрэглээгүй нь хуулийг буруу хэрэглэсэнд тооцож, шийтгэх тогтоолыг хүчингүй болгон хэргийг дахин хэлэлцүүлэхээр буцаах санал гаргасан.

ҮНДЭСЛЭЛ: Эрүүгийн хуулийн тусгай ангийн 11.3 дугаар зүйлийн 1 дэх хэсэгт "... хоёр жил хүртэл хугацаагаар эрх хасах..." гэж зааснаас үзэхэд нэмэгдэл ялыг заавал ногдуулах ёстой байтал анхан шатны шүүх хэрэглээгүй нь шийдвэрт нөлөөлөхүйц ноцтой зөрчил тул шийтгэх тогтоолыг хүчингүй болгож, хэргийг анхан шатны шүүх дахин хэлэлцүүлэхээр шийдвэрлэсэн.