Хуульчийн шалгалтын асуулт, хариулт | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

47 асуулт

Бусад эрх зүй · Иргэний эрх зүй

Т нь 12 давхар орон сууцны байшинд 8 давхарт амьдардаг. Зуны дэлгэр цагт зусландаа амарч байх үед хотын байранд нь угаалгын машиныг усны хоолойтой холбосон байсан хоолой нь эвдрэн задарсны улмаас ус алдан, доод талын айлын тааз, ханыг гэмтээжээ. Улмаар, доод давхрын айл нь засвар хийлгэхийн тулд 20.0 сая төгрөг зарцуулах ёстой болсон. СӨХ-ийн дарга нь Т-г зэмлэж, усаа хааж явах ёстой байсан гэхэд Т усаа хаагаагүй гэж би буруудах ёсгүй гэжээ. Слесарь ирж үзээд хотын ус маш их зэвтэй тул холболтын кран нь зэвд идэгдэж цоорсон гэж хэлсэн байна. Т гэм хорыг нөхөн төлөх үүрэг хүлээх үү?

Бусад эрх зүй · Иргэний эрх зүй

Э нь 20 жилийн турш Д-тэй хамт амьдарч, 2 хүүгийн эцэг эх болжээ. Гэхдээ Э баД хоёргэрлэлтээ албан ёсоор бүртгүүлээгүй ирсэн байна. Энэ хугацаанд Д нь бизнес хийж, Э нь хүүхдүүдээ өсгөж ирсэн бөгөөд Д нь Э-д хотын А зэрэглэлд 4 өрөө орон сууц худалдан авч өгчээ. Э нь хэсэг хугацааны дараа орон сууцыг өөрийн том хүүгийн нэр дээр шилжүүлсэн. Д зуурдаар нас барсны дараа Д-гийн албан ёсны эхнэр гэх О нь гарчирж, Э-гийн том хүүгийн нэр дээр байсан орон сууцыг гэр бүлийн гишүүдийн дундаа өмчлөх хөрөнгө тул өөрийнх нь нэр дээр шилжүүлэхийг шаарджээ. Энэ тохиолдолд:

Бусад эрх зүй · Иргэний эрх зүй

Г ньВ-ээс 30.0 сая төгрөгөөр тодорхой маркийн машин худалдан авчээ. Авсан машинаа шууд өөртөө шилжүүлж авах боломж бүрдүүлэх хүртэл машин В-гийн гараашинд байсан байна. Нэгэн орой Г нь В-тэй тохирсны дагуу гараашт орж, машинаа цэвэрлэж, өнгөлж байхдаа болгоомжгүйгээр машиндаа бензин асгаж шатахад хүргэжээ. Эрх зүйн ямар үр дагавар бий болж болох вэ?

Бусад эрх зүй · Иргэний эрх зүй

З нь “ТК” ХХК-гийн барьж байсан П хотхоноос 3 өрөө орон сууц худалдах худалдан авах гэрээ байгуулсан. Гэрээнд тусгасан хуваарийн дагуу төлбөрийг хэсэгчлэн төлөх үүрэг хүлээсэн бөгөөд гэрээ байгуулахдаа урьдчилгаа 50.0 сая төгрөгийг З шилжүүлжээ. Гэтэл арилжааны банк зээл олгохоос татгалзсан тул З хуваарийн дагуу үлдэгдэл төлбөрийг төлж чадахгүй болсон. Гэрээнд заасны дагуу “ТК” ХХК гэрээг цуцалсан бөгөөд, ингэхдээ гэрээ байгуулснаас хойш компаниас гарсан зардал гэж 50.0 төгрөгөөс 5.0 сая төгрөгийг буцаан олгохгүй гэсэн байна. “ТК” ХХК-гийн хариулт нь үндэслэлтэй юу?

1-р хуудасДараах

Сэдэв

Бусад эрх зүй · Иргэний эрх зүй

Л нь В-ээс өөрийн жижиг үйлдвэрт хэрэглэх зорилгоор гал унтраах хэрэгсэл 10 ширхгийг худалдан авахдаа В-гийн гэрээний стандарт нөхцөлийг хэрэглэнэ гэдгийг зөвшөөрчээ. Гэвч эдгээр гэрээний стандарт нөхцөлийн дагуу гал унтраах хэрэгслийг нийлүүлэхэд 5 жил хүлээлтийн хугацаа баримтална гэж заасан аж. П нь хүлээх боломжгүй, яаралтай хэрэгтэй байна гэжээ. Гэвч В нь байгуулсан гэрээг нь сануулж, хүлээхээс өөр аргагүй гэж хариулсан байна. В-гийн хариулт үндэслэлтэй юу?

Бусад эрх зүй · Иргэний эрх зүй

Ү нь колли үүлдрийн нохой тэжээхээр шийдэж Х-ээс гөлөг худалдан авчээ. Нохойгоо өдөрт 2 удаа гадаа гаргадаг. Нэг өглөө нохой нь гадаа байж байхдаа хажуугаар өнгөрч байсан С-ийг шилбэнээс нь хазаж гэмтээжээ. С нь шуудгэмтлийн эмнэлэг орж, шархаа цэвэрлүүлж оёулж, түүнчлэн галзуу өвчний эсрэг вакцин хийлгүүлсэн байна. Учирсан хохирол гэж нийт зардал болох 2.0 сая төгрөгийг Ү-ээс шаардахад Ү нь татгалзжээ. Учир нь, гэрийн тэжээвэр нохой тул галзуу өвчингүй учир вакцин хийлгэх хэрэггүй гэсэн хариулт өгсөн. Ү-гийн хариулт нь үндэслэлтэй юу?

Бусад эрх зүй · Иргэний эрх зүй

Г нь Р-ээс жилийн өмнө 1.5 сая төгрөг зээлжээ. Р хэд хэдэн удаа зээлдүүлсэн мөнгөө Г-ээс буцаан төлөхийг шаардсан боловч Г төлөөгүй байна. Улмаар бухимдсан Р нь Г-ийн амьдарч байсан орон сууцны цонхыг хагалж, хаалган дээр нь “Үүгээр өрийг тэглэв” гэсэн агуулгатай зурвас наан үлдээжээ. Г ньР-ээс учирсан хохирлоо нөхөн төлүүлэхийг шаардах эрхтэй юу?

Бусад эрх зүй · Иргэний эрх зүй

Ү нь “Тэрэлж жуулчин ...” зочид буудлын ресейпшн дээр зогсож байсан Э-д хандан “Танайд нэг хоноод өглөөний цай уухад ямар үнэтэй вэ” гэж асуухад ажилтан Э нь “300.000 төгрөг“ гэж хариулжээ. 30 минутын дараа Ү нь өөрийн эхнэр Я-тай хамт орж ирэн, 7 хоног буух өрөө хөлслөхөөр болсон байна. 7 хоногийн дараа зочид буудлаас гарахдаа Ү нь 2.1 сая төгрөг төлөх гэтэл 2 хүний үнэ 4.2 сая төлөхийг шаарджээ. Ү нэг өрөө хөлслөхөд 300.000 төгрөг гэж надад хэлсэн гэхэд зочид буудлын зүгээс наадах чинь 1 хүний үнэ гэж хариулав. Энэ тохиолдолд Ү болон зочид буудлын хооронд:

Бусад эрх зүй · Иргэний эрх зүй

“А“ ХХК болон “Б” банк нарын хооронд байгуулсан эвлэрлийн гэрээний дагуу “А” ХХК нь зээлийн барьцаанд тавьсан байсан үл хөдлөх эд хөрөнгөө барьцаанаас чөлөөлүүлсний дараа өмчлөх эрхийг нь “Б” банканд шилжүүлжээ. Хэсэг хугацааны дараа “А” ХХК шүүхэд хандан эвлэрлийн гэрээг хүчин төгөлдөр бус болохыг тогтоолгохыг хүсэхэд шүүх Иргэний хуулийн 56 дугаар зүйлийн 56.1.3-ийн дагуу хүчин төгөлдөр бус гэж үзсэн байна. Энэ тохиолдолд:

Бусад эрх зүй · Иргэний эрх зүй

Хууль зүйн сургуулийн оюутан З, А нар “синаллагма” гэх ухагдахууны талаар маргажээ. З нь худалдан худалдах авах болон бэлэглэлийн гэрээ нь синаллагма гэх ойлголтод хамаарна гэж үзэж байхад А зөвхөн худалдах худалдан авах гэрээ хамаарна гэв. Хэний хариулт зөв бэ?

Бусад эрх зүй · Иргэний эрх зүй

“С” ББСБ-аас иргэн Б нь 2 сарын хугацаатай нийт 50.0 сая төгрөгийн зээл авчээ. Зээлийн гэрээнд тусгасны дагуу иргэн Б нь сарын 15 хувийн хүү төлөх үүрэг хүлээсэн байна. Зээлийн гэрээ хүчин төгөлдөр үү?

Бусад эрх зүй · Иргэний эрх зүй

С ньГ-д 50 сая төгрөгийг бэлнээр өгөх нөхцөлтэйгөөр машин худалдах авахыг санал болгожээ. Гэвч Г-гийн санхүүгийн байдал хүндрэлтэй байсан тул С-д “Төлбөрийг машин шилжүүлж авснаас хойш 60 хоногийн дараа төлөх нөхцөлтэйгөөр саналыг хүлээн зөвшөөрч болно” гэсэн мэйл явуулсан байна. Гэтэл үүнээс хойш хэдэн хоногийг дараа Г-гийн санхүүгийн байдал сайжирсан тул С-д “мөнгийг бэлнээр төлөх саналыг зөвшөөрч байна” гэх агуулгатай мэйл явуулжээ. Гэрээ байгуулагдсан уу?

Бусад эрх зүй · Иргэний эрх зүй

Иргэн А нь “Б” компанитай орон сууц худалдах-худалдан авах гэрээ байгуулж 12 давхар 60 айлын орон сууцны барилгаас 2 өрөө орон сууц худалдаж авахаар тохиролцосон. “Б” компани барилгыг ашиглалтад оруулж орон сууцыг хүлээлгэж өгөх үүргээ 8 сар хэтрүүлсэн. А нь орон сууцны үнэд 25.0 сая төгрөг төлөх хугацааг мөн 8 сар хэтрүүлсэн, төлөөгүй байгаа. “Б” компани гэрээгээр тохиролцсон алдангийг А-гийн гүйцэтгээгүй үүрэг болох 25.0 сая төгрөгөөс тооцож авах хүсэлттэй. Та ямар зөвлөгөө өгөх вэ?

Бусад эрх зүй · Иргэний эрх зүй

Хууль зүйн сургуулийн 2 дугаар түвшний оюутнууд Y, Ц,Д, О нар Иргэний эрх зүйн ерөнхий ангийн шалгалтад хамтарч бэлдэж байхдаа хүсэл зоригийн илэрхийлэл нөгөө тал хүлээн авна гэх ухагдахууны талаар маргажээ. Хэний хариулт үндэслэлтэй вэ?

Бусад эрх зүй · Иргэний эрх зүй

Ү нь “Тэрэлж жуулчин ...” зочид буудлын ресейпшн дээр зогсож байсан 9Э-д хандан “Танайд нэг хоноод өглөөний цай уухад ямар үнэтэй вэ” гэж асуухад, ажилтан Э нь “300.000 төгрөг" гэж хариулжээ. 30 минутын дараа Ү нь өөрийн эхнэр Я-тай хамт орж ирэн, 7 хоног буух өрөө хөлслөхөөр болсон байна. 7 хоногийн дараа зочид буудлаас гарахдаа Ү нь 2.1 сая төгрөг төлөх гэтэл 2 хүний үнэ 4.2 сая төлөхийг шаардсан. Ү нэг өрөө хөлслөхөд 300.000 төгрөг гэж надад хэлсэн гэхэд зочид буудлын зүгээс наадах чинь 1 хүний үнэ гэж хариулжээ. Энэ тохиолдолд Ү болон зочид буудлын хүсэл зоригийн илэрхийллийг дараах байдлаар тайлбарлах боломжтой:

Бусад эрх зүй · Иргэний эрх зүй

В нь найзуудтайгаа шөнөжин төгсөлтийн баяраа тэмдэглэн баярласны дараа өглөө 9 цагийн үед гэртээ харих замд “Номин” цахилгаан барааны дэлгүүрээр оржээ. Дэлгүүрт LG угаалгын машин хямдарсан байв. В угаалгын машин авахаар шийдэж, касс дээр бэлэн бусаар төлбөрөө хийж, маргааш өдрийн 20 цаг хүртэл угаалгын машиныг гэртээ хүргүүлэхээр тохирчээ. Угаалгын машиныг В-гийн гэрт хүргэж ирэхэд В гүн согтолтын зэрэгтэй байж таарсан байна. Энэ тохиолдолд хийсвэрлэлийн зарчмын дагуу:

Бусад эрх зүй · Иргэний эрх зүй

Хууль зүйн сургуулийн клиник төвийн оюутнууд Ш, Н нар иргэдэд зөвлөгөө өгөхөөс өмнө гэм хорын асуудлын талаар санал солилцжээ. Ш нь тээврийн хэрэгслийн улмаас бусдад учирсан гэм хорыг нөхөн төлүүлэхэд жолооч гэм буруутай байсан эсэх нь чухал тул гэм хор учруулсантай холбоотой ерөнхий шаардах эрхийг хэрэглэнэ гэж үзэж байсан бол Н нь гэм буруугийн асуудал ач холбогдолгүй учир зөвхөн тээврийн хэрэгслээс учирсан гэм хорыг нөхөн төлөх заалт нь шаардах эрхийн үндэслэл болно гэсэн байна. Хэний хариулт зөв бэ?

Бусад эрх зүй · Иргэний эрх зүй

Л нь Р-д 3 өрөө орон сууцыг нийт 550.0 сая төгрөгөөр худалдахаар тохиролцжээ. Орон сууцны өмчлөх эрхийг улсын бүртгэлд бүртгүүлэх арга замаар Л-ээс Р-д шилжүүлэхийн тулд орон сууцны нийт үнээс төлөх ёстой 2 хувийн хураамжийг бага хэмжээгээр төлөх үүднээс Л, Р хоёр орон сууц худалдах худалдан авах гэрээг 450.0 сая төгрөгөөр бичгээр байгуулж, нотариатаар гэрчлүүлсэн. Энэ тохиолдолд:

Бусад эрх зүй · Иргэний эрх зүй

Хууль зүйн сургуулийн оюутан Д иргэний эрх зүйн хэрэглээний хичээл дээр нэгэн бодлого бодож байхдаа үл хөдлөх хөрөнгийг шударгаар олж авах тухай Иргэний хуулийн заалтыг хэрэглэхдээ тус заалтын зорилгыг тайлбарлаж чадаагүй. Тус заалтын зохицуулалтын үзэл баримтлал нь юу вэ?

Бусад эрх зүй · Иргэний эрх зүй

“УБ төмөр зам” ХК нь “Ж” ХХК-тай түлш бэлтгэн нийлүүлэх гэрээ байгуулж, улмаар “Ж” ХХК 3 жилийн турш түлш бэлтгэн нийлүүлэх үүрэг хүлээжээ. Үүнээс 1 жилийн дараа “Ж” ХХК гадаадын “А” банкнаас зээл авч, зээлийн барьцаанд ирээдүйн орлогоо барьцаалсан. Ирээдүйн орлогод “УБ төмөр зам” ХХК-аас түлш бэлтгэл нийлүүлсний үнэ бас багтсан байна. “A“ банкнаас үүрэг гүйцэтгүүлэгчид хандан түлшний төлбөрийг тэдний данс руу шилжүүлж байхыг мэдэгджээ. Энэ тохиолдолд:

Бусад эрх зүй · Иргэний эрх зүй

20 настай оюутан Б шалгалтаа амжилттай өгсөн тул найзуудтайгаа тэмдэглэж, үүний дараа 17 настай найз бүсгүй Р-ийг хамт машинаар явж зугаалахыг санал болгожээ. Р зөвшөөрсөн байна. Машин унаж байхдаа Б халамцуу байсан тул аваарт орж, үр дүнд нь Р гэмтэл авч, удаан хугацааны турш эмчлүүлэх шаардлагатай болжээ. Р нь Б-с юу шаардаж болох вэ?

Бусад эрх зүй · Иргэний эрх зүй

Бизнес эрхлэгч Ч нь .... хотод болох яармагт оролцохоор “3” зочид буудалд 09 дүгээр сарын 01-02 хооронд өрөө захиалжээ. Захиалгыг хүлээж авсан зочид буудлын ажилтан Д нь захиалсан өрөөг захиалгад оруулсан. Гэвч 09 дүгээр сарын 01 болох өдөр Ч нь яармагт оролцохгүй гэж мэдэгджээ. Гэвч Ч-гийн захиалсан өрөөг өөр хүнд өгөх боломжгүй байсан тул Д нь Ч-ээс өрөөний үнийг төлөхийг шаардсан байна. Ингэх нь үндэслэлтэй юу?

Бусад эрх зүй · Иргэний эрх зүй

Герман хэлний багш Л нь шинээр хэвлэгдэн гарсан герман хэлний сураг бичгийн 3 ботийг захиалахаар захиалгын картыг бөглөсөн. Картаа явуулж амжаагүй байтал өөр нэгэн хэвлэлийн газраас утасдаж, төстэй 3 боть номыг авах санал тавьсныг Л хүлээн зөвшөөрчээ. Улмаар өмнө нь бөглөж байсан захиалгын картыг шуудангаар явуулахаа болин, ширээн дээрээ орхисон. Маргааш нь үйлчлэгч Х ирэн, ширээн дээр карт байхыг олж харан, тус болох үүднээс захиалгын картыг шуудангаар явуулжээ. Л эхний хэвлэлийн газартай гэрээ байгуулсан уу?

Бусад эрх зүй · Иргэний эрх зүй

Э нь ХБНГУ-д 2000 оноос хойш өөрийн гэр бүлийн хамт амьдарч ирсэн. 2019 оны 01 дүгээр сарын 05-ны өдөр Улаанбаатар хотод амьдарч байсан түүний өндөр настай ээж О нь нас барсан байна. Гэвч Э-гийн нөхөр бие нь тааруу байсан тул Э нь Монголд ирж, ээжийнхээ ажил явдалд оролцож чадаагүй байна. Боломж гарангуут явна гэж бодож байсан боловч төд удалгүй цар тахлын нөхцөл байдал бий болж хил хаагджээ. 2022 онд эх орондоо ирээд ээжийнхээ өв залгамжлалтай холбоотой асуудлыг хөөцөлдөх гэсэн боловч дүү нар нь мэдээлэл өгөхгүй байсан тул анхаарч амжаагүй аж. Дахин 2023 оны 06 дугаар сард ирэн, шүүхэд хандан, өөрт оногдох өвийн хэсгийг тогтоолгохыг хүстэл нэхэмжлэлийн бүрдүүлбэр хангагдаагүй гэх үндэслэлээр нэхэмжлэлийн дагуу маргаан үүсгэхээс татгалзжээ. 6 сарын дараа дахин нэхэмжлэл гаргахад хөөн хэлэлцэх хугацаа өнгөрсөн гэх үндэслэлээр нэхэмжлэлийг нь буцаасан байна. Шүүхийн хариулт үндэслэлтэй юу?