Бусад эрх зүй · Иргэний эрх зүй
Э нь ХБНГУ-д 2000 оноос хойш өөрийн гэр бүлийн хамт амьдарч ирсэн. 2019 оны 01 дүгээр сарын 05-ны өдөр Улаанбаатар хотод амьдарч байсан түүний өндөр настай ээж О нь нас барсан байна. Гэвч Э-гийн нөхөр бие нь тааруу байсан тул Э нь Монголд ирж, ээжийнхээ ажил явдалд оролцож чадаагүй байна. Боломж гарангуут явна гэж бодож байсан боловч төд удалгүй цар тахлын нөхцөл байдал бий болж хил хаагджээ. 2022 онд эх орондоо ирээд ээжийнхээ өв залгамжлалтай холбоотой асуудлыг хөөцөлдөх гэсэн боловч дүү нар нь мэдээлэл өгөхгүй байсан тул анхаарч амжаагүй аж. Дахин 2023 оны 06 дугаар сард ирэн, шүүхэд хандан, өөрт оногдох өвийн хэсгийг тогтоолгохыг хүстэл нэхэмжлэлийн бүрдүүлбэр хангагдаагүй гэх үндэслэлээр нэхэмжлэлийн дагуу маргаан үүсгэхээс татгалзжээ. 6 сарын дараа дахин нэхэмжлэл гаргахад хөөн хэлэлцэх хугацаа өнгөрсөн гэх үндэслэлээр нэхэмжлэлийг нь буцаасан байна. Шүүхийн хариулт үндэслэлтэй юу?
Шинэчилсэн: 2026.10.04
- A.Шүүхэд нэхэмжлэл гаргасан боловч нэхэмжлэлийн дагуу иргэний маргаан үүсгээгүй тул хөөн хэлэлцэх хугацаа зогсож, шинээр тоологдохгүй
- B.Цар тахал дэлгэрч, хөл хорио тогтоогдсон тул хөөн хэлэлцэх хугацаа дуусгавар болоогүй
- C.Шүүхэд нэхэмжлэл гаргаж, хандсан тул хөөн хэлэлцэх хугацаа шинээр тоологдон эхэлнэ✓ Зөв хариулт
- D.Өв залгамжлалтай холбоотой нэхэмжлэлийн дагуу маргаан шийдвэрлэх хөөн хэлэлцэх хугацаа нь 3 жил байдаг тул шүүхийн захирамж нь үндэслэлтэй
Иргэний хууль 75.1, 79.5, 79.6, 528.2-528.4