Ангилаагүй“Г” хуулийн этгээд их хэмжээний өрөнд орж дампуурах нь тодорхой болсон тул үүсгэн байгуулагч нь компанийн газар, оффис, машин зэрэг хөрөнгийг өөрийн эхнэр, хүүхдийн нэр дээр бэлэглэлийн гэрээгээр шилжүүлсэн байна. Үүнээс хойш жилийн дараа шүүхийн шийдвэрээр “Г”-г дампуурсанд тооцож, татан буулгасан. Энэ тохиолдолд “Г” татварын өр төлөх үү?
АнгилаагүйБ нь Зил 130 загварын тээврийн хэрэгсэл ашиглаж, 2023 оны 11 дүгээр сард Тэс сумын 8 дугаар багт байрлах Нарийны голын модон гүүрнээс үлдсэн дам нурууны 50 ширхэг модыг хууль бусаар авч, 208.455 төгрөгийн хохирол учруулжээ. Тус модон гүүр нь байгалийн хүчин зүйл, хүний оролцоотойгоор эвдэрсэн байсан, зөвхөн гүүрний суурь буюу дам нуруу үлдсэн, тус гүүрийг орон нутгийн төрийн эрх бүхий байгууллагаас ашиглах, хамгаалах, сэргээн засварлах арга хэмжээ авч байгаагүй байжээ. Б ямар гэмт хэрэг үйлдсэн бэ?
АнгилаагүйХ охин 10 настай, түүнийг 3 настай байхад эцэг эх нь гэрлэлтээ цуцлуулмагц ээж нь охиноо аваад АНУ-д амьдрахаар яваад 7 жил болжээ. Цаашид ч тэд америкийн иргэн болж, бүрмөсөн суурьшихаар шийдэж ээж нь өөрийн болон охиныхоо нэрийн өмнөөс холбогдох байгууллагад Монгол Улсын харьяатаас гарах хүсэлт гаргасан байна. Гэвч охины эцгийн зөвшөөрөл дутуу гэсэн үндэслэлээр татгалзсан хариу авчээ. Тэдний хүсэлтийг татгалзах нь үндэслэлтэй эсэх?
Ангилаагүй17 настай У нь Эрүүгийн хуулийн тусгай ангийн 11.1 дүгээр зүйлийн 1 дэх хэсэгт заасан хэрэг үйлдсэн, шүүхээс хэргийг хянан шийдвэрлэхэд 18 насанд хүрсэн тул У-д хорих ял оногдуулсан, харин тэнсэж, хүмүүжлийн чанартай албадлагын арга хэмжээ аваагүй байна. У-ийн өмгөөлөгч “Эрүүгийн хуулийн ерөнхий ангийн 8.1 дүгээр зүйлийн 5 дахь хэсгийн “18 насанд хүрсэн ба 21 насанд хүрээгүй хүнд өсвөр насны хүнд эрүүгийн хариуцлага хүлээлгэх үндэслэл, журмаар ял оногдуулж, хүмүүжлийн чанартай арга хэмжээ хэрэглэх” зохицуулалтыг шүүхээс зөрчсөн гэж гомдол гаргав. Зөв хариултыг сонгоно уу?
АнгилаагүйХэрэг хуваарилах, шүүгч, шүүх бүрэлдэхүүнийг сугалаагаар томилох нийтлэг журмыг батлах этгээд нь:
АнгилаагүйЗахиргааны хэм хэмжээний актыг хянуулж, бүртгүүлэхэд ямар баримт бичгийн бүрдүүлбэрийг хангасан байх шаардлагатай вэ?
АнгилаагүйНийслэлийн шийдвэр гүйцэтгэх газрын шийдвэр гүйцэтгэгч Б нь шүүхийн шийдвэрийн дагуу иргэн А-ийн өмчлөлийн үл хөдлөх хөрөнгийн Ү-2205047579 дугаартай гэрчилгээтэй орон сууцыг албадан битүүмжилсэн шийдвэр гаргажээ. Энэ шийдвэр захиргааны акт мөн үү?
АнгилаагүйГазрын давхцалтай холбоотой маргаанд шүүхийн санаачилгаар шинжээч А-г томилжээ. Гэвч уг хэргийн нэхэмжлэгч нь “урьд нь тухайн хэрэгтэй адил түүний хөршийн газрын маргаанд А нь шинжээчээр ажиллаж үндэслэлгүй дүгнэлт гаргасан тул татгалзаж байна” гэв. Шинжээчийг татгалзах үндэслэлд хамаарах уу?
АнгилаагүйАрхеологич А болон Б нар нь Төв аймгийн Алтанбулаг сумын нутагт харьяалагдах Морин толгой уулын бэлд орших эртний хэд хэдэн булшинд малтлага хийх явцдаа түүх, соёлын дурсгалт зүйл болох ясаар сийлж хийсэн хэл хуур олжээ. Тэд мөнгөн шагнал авах эрхтэй юу?
АнгилаагүйГазар эзэмшигч өөрийн эзэмшлийн газраа бүхэлд нь бусад этгээдэд ашиглуулах тохиолдолд ямар этгээдээс зөвшөөрөл авах вэ?
АнгилаагүйАжилтны учруулсан хохирол түүний нэг сарын дундаж цалин хөлснөөс хэтэрсэн бол ажил олгогч өөрт учирсан хохирлоо нөхөн төлүүлэх талаар ямар ажиллагаа хийх вэ?
АнгилаагүйХэрэг бүртгэлт, мөрдөн байцаалтын явцад прокурор яллагдагчаас биечлэн мэдүүлэг авч болох уу?
АнгилаагүйАжил олгогчтой сургалтын дагалдах гэрээ байгуулж, ажил олгогчийн зардлаар суралцсан ажилтан сургалт дууссаны дараа 2 сар ажиллаад өөрийн санаачилгаар хөдөлмөрийн гэрээгээ цуцалжээ. Ажил олгогч ажилтныг сургалтын зардлаас чөлөөлөөгүй бол ажилтан сургалтын зардлыг ямар журмаар нөхөн төлөх вэ?
АнгилаагүйХэрэг хянан шийдвэрлэх ажиллагааг түдгэлзүүлсэн шүүхийн тогтоол, шүүгчийн захирамжид ямар хугацаанд, хаана гомдол гаргаж болох вэ?
АнгилаагүйАлдарт дуучин С өөрийн цүнхний цуглуулгаа найз У-д гэрээслэн үлдээж, бусад хөрөнгөө хууль ёсны залгамжлагчдад өгөх эсэх талаар огт дурдаагүй байна. Хуульд зааснаар өвлөгчид өвлөх эрхээ алдсан уу?
Ангилаагүй“А” ХХК-д дампуурлын хэрэг үүсгэсэн ба үүнээс нэг жилийн өмнө компани өөрийн үйлдвэрийн зориулалттай үл хөдлөх эд хөрөнгийн хувьд “Х” банктай байгуулсан 1.0 тэрбум төгрөгийн үнийн дүн бүхий бизнесийн зээлийн үүргийн биелэлтийг хангах зорилгоор ипотекийн гэрээ байгуулсан байжээ. Энэ тохиолдолд “Х” банкны нэхэмжлэлийн шаардлагыг хэрхэн хангах вэ?
АнгилаагүйА өдөр болгон согтуу ирж эхнэрээ зоддог байжээ. 15 настай хүү нь нэг удаа ээжийгээ өмөөрч аавыгаа зогсоохыг оролдох явцад цохиулсандаа хорсоод аав руугаа хутга шидсэн боловч оносонгүй. Энэ нь:
АнгилаагүйТ гэгч этгээд сүүлийн 5 жил Франц улсад сурч, ажиллаж амьдраад цаашид ч эндээ байнга суурьшин амьдрахын тулд Франц улсын иргэний харьяалалтай болохоор шийдэн Монгол Улсын иргэний харьяаллаас гарсан байна. Гэвч Франц улсын харьяат болж чадаагүй тул Монгол Улсын иргэний харьяаллаа сэргээн тогтоолгох хүсэлт гаргав. Энэ нь хууль зүйн хувьд боломжтой эсэх
АнгилаагүйБ нь А-ийн өмчлөлийн үл хөдлөх хөрөнгийг цэцгийн дэлгүүрийн зориулалтаар 2019 оны 05 дугаар сарын 20-ны өдөр түрээсэлсэн. 2019 оны 05 дугаар сарын 25-ны өглөө ажилдаа ирэх үед паар нь хагарч халуун ус алдаж бүх зүйл усанд автсан байсан. Шинжээчийн дүгнэлтэд “байранд өргөтгөл хийхдээ паарыг зөөж байрлуулаад бэхэлгээг хийхгүй орхисноос усны даралт даахгүй задарсан байна” гэжээ. Паар задарч ус алдсаны улмаас Б-д зарж байсан цэцэг, цэцгийн сав, боолтын цаас, тууз гэмтэж 2.0 сая төгрөгийн хохирол учирчээ. Иймээс Б нь А-аас хохирол арилгахыг шаардсан байна. Шаардах эрхийн үндэслэлийг тодорхойлно уу?
АнгилаагүйС нь согтууруулах ундааны зүйл хэрэглэсэн үедээ тээврийн хэрэгсэл жолоодож улмаар Монгол Улсын замын хөдөлгөөний дүрэм зөрчиж бусдын тээврийн хэрэгсэлд их хэмжээний хохирол учруулсан байна. С-ийн үйлдэл нь:
АнгилаагүйХөрөнгө оруулалтыг татах, хөрөнгө оруулалтын орчныг сурталчлах, хөрөнгө оруулагчид үйлчилгээ үзүүлэх чиг үүргийг ямар этгээд хэрэгжүүлэх вэ?