Хуульчийн шалгалтын асуулт, хариулт — 144 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

8413 асуулт

Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай

Өргөдөл гаргагч, гомдол гаргагчаас эрхийн хувьд ялгаатай юу?

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

Тусгайлсан журмаар хэрэг хянан шийдвэрлэх ажиллагааны явцад нотариатчаар гэрчлүүлсэн гэрч Б-ийн бичгээр гаргасан мэдүүлгийг нотлох баримтаар хэрэгт авсан. Энэ хэргийг ердийн журмаар хянан шийдвэрлэх ажиллагаанд шилжүүлсэн. Энэ тохиолдолд бичгээр гаргасан гэрчийн мэдүүлгийг шүүгч үнэлэх үү?

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

“B” компани нь 5 жил үйл ажиллагаа явуулаагүй, бусдад их хэмжээний өр төлбөртэй, төлбөрийн чадваргүй болжээ. “Б” компани өөрийгөө дампуурсанд тооцуулахаар шүүхэд хүсэлт гаргажээ. Шүүх хуралдаанд “Б” компанийн төлөөлөгч, өмгөөлөгч хүрэлцэн ирээгүй байна. Шүүгч дампуурлын хэргийг хянан хэлэлцэж хүсэлтийг хангахгүй орхисон шийдвэр гаргажээ. “Б” компанийн төлөөлөгч давж заалдах гомдолдоо шүүх хуралдаанд ирээгүй тохиолдолд хүсэлтийг буцаах байтал шийдвэр гаргасан нь хэрэг хянан шийдвэрлэх ажиллагааны ноцтой алдаанд тооцогдох тул шийдвэр үндэслэлгүй болсон гэжээ. Анхан шатны шүүх хэрэг хянан шийдвэрлэх ажиллагааны зөрчил гаргасан уу?

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

Анхан шатны шүүх нь 10 шүүгчтэй бөгөөд шүүгчдийн зөвлөгөөнөөрөө 2023 оны жилийн эхэнд хэрэг хянан шийдвэрлэх шүүгч, шүүх бүрэлдэхүүн, даргалагчийг жилийн хугацаагаар хуваарь гарган томилжээ. 2023 оны 12 дугаар сарын 01-ний өдөр тухайн шүүхэд шүүгчийн орон тоо 5-аар нэмэгдэж, 5 шүүгч томилогдон ирсэн байна. 1 сарын дараа 2024 оныхоо зөвлөгөөнийг хийж шүүгч, шүүх бүрэлдэхүүн, даргалагчийг томилох тул энэ удаа шүүгчдийн зөвлөгөөн хийх шаардлагагүй гэж Ерөнхий шүүгч тайлбарлажээ. Тухайн шүүхийн 3 шүүгч Ерөнхий шүүгчийн шийдвэр буруу гэж шүүгчдийн зөвлөгөөнийг хуралдуулахаар зар тараасан байна. 3 шүүгч зөвлөгөөнийг хуралдуулах эрхтэй юу?

Өмнөх144-р хуудасДараах

Сэдэв

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

Нэхэмжлэгч А нь бага насны хүү В-гийн хамтаар Баянгол дүүргийн нутаг дэвсгэрт оршин суудаг ба тэрээр Налайх дүүрэгт оршин сууж буй хариуцагч Б-д холбогдуулан гэрлэлт цуцлуулах, бага насны хүү В-ийн асрамж тогтоолгох тухай нэхэмжлэлийг өөрийн оршин суугаа газрын шүүхэд гаргасан. Шүүх нэхэмжлэлийг хүлээн авахаас татгалзахдаа гэрлэлт цуцлуулах тухай нэхэмжлэлийг хариуцагч Б-ийн оршин суугаа газрын шүүхэд гаргах байсан гэх үндэслэлийг захирамждаа заажээ. Шүүгчийн захирамж үндэслэлтэй юу?

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

Хариуцагч шүүх хуралдаанд хүндэтгэн үзэх шалтгаангүйгээр ирээгүй байна. Нэхэмжлэгч шүүхэд хүсэлт гаргахдаа хариуцагчийг шүүх хуралдаанд оролцуулж өгнө үү гэжээ. Шүүх ямар ажиллагаа явуулах вэ?

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

Иргэн А нь “Б” компанитай худалдах, худалдан авах гэрээ байгуулж 4 өрөө орон сууцыг худалдаж авахаар тохиролцжээ. “Б” компани орон сууцыг иргэн А-д хүлээлгэж өгөх хугацааг 6 сараар хэтрүүлсэн байна. А нь “Б” компанид холбогдуулж алдангид 140.0 сая төгрөг гаргуулах нэхэмжлэл гаргасан ба шүүгч алдангийн тооцооны талаар шинжээч томилж захирамж гаргажээ. Шүүгчийн захирамж хуульд нийцсэн үү?

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

Шүүгч, шүүх бүрэлдэхүүн болон шүүх хуралдаан даргалагчийг тухайн шүүхийн ерөнхий шүүгч томилохоор тухайн шүүхийн шүүгчдийн зөвлөгөөн шийдвэрлэжээ. Шүүгчдийн зөвлөгөөний шийдвэр хуульд нийцсэн үү?

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

Нэхэмжлэгч А нь хариуцагч Б-д холбогдуулан автомашиныг хууль бус эзэмшлээс гаргуулах нэхэмжлэл шүүхэд гаргасан байна. Хэрэг хянан шийдвэрлэх ажиллагааны явцад нэхэмжлэгч А шүүхэд хүсэлт гаргаж автомашины өмчлөгч нь өөрийнх нь төрсөн хүү В бөгөөд тэрээр 19 настай тул В-г жинхэнэ нэхэмжлэгчээр сольж өгнө үү гэжээ. Шүүх нэхэмжлэгч А-г нэхэмжлэгч В-ээр солих ажиллагааг хэрхэн явуулах вэ?

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

Иргэн С-ийн нэхэмжлэлтэй иргэн Б-д холбогдох нэр төр сэргээлгэх тухай нэхэмжлэлтэй иргэний хэргийг хянан шийдвэрлэх шүүх бүрэлдэхүүнд шүүгч A, Б, В нар оролцохоор томилогджээ. Шүүх бүрэлдэхүүний аль шүүгч хуралдааныг даргалах талаар тэд маргалдаж уг асуудлыг сугалаагаар шийдвэрлэхээр болсон. Зөв үү?

Иргэний хэрэг хянан шийдвэрлэх эрх зүй · Иргэний хэрэг шүүхэд хянан шийдвэрлэх эрх зүй

Нэхэмжлэгч А нь хариуцагч Шийдвэр гүйцэтгэх байгууллагад холбогдуулан албадан дуудлага худалдаанд оруулах үл хөдлөх эд хөрөнгийн үнэлгээг хүчингүй болгуулах тухай гомдлын шаардлага гаргажээ. Шүүх уг гомдлыг хүлээн авахаас татгалзахдаа тухайн байгууллагаар урьдчилан шийдвэрлүүлэх журмыг хэрэглээгүй гэсэн үндэслэлийг зааж захирамж гаргасан, Шүүгчийн захирамж үндэслэлтэй юу?

Иргэний хэрэг шүүхэд хянан шийдвэрлэх эрх зүй · Гэрлэлт цуцлах; Нутаг дэвсгэрийн харьяалал

Нэхэмжлэгч Д нь 3 настай хүүхэдтэй гэх шалтгаанаар өөрийн оршин суугаа газрын шүүхэд гэрлэлт цуцлуулах тухай нэхэмжлэлээ гаргажээ. Шүүх нэхэмжлэлийг хүлээн авах үндэслэлтэй юу?

Иргэний эрх зүй · Сураггүй алга болсонд тооцох; Онцгой ажиллагаа

Нөхөр В нь жимсэнд явахаар гэрээсээ гараад ор сураггүй алга болж, 1 жил 6 сар өнгөрсөн. Эхнэр нь хүүхдүүдээ тэжээгчээ алдсаны тэтгэмж тогтоолгох зорилгоор нөхөр В-г сураггүй алга болсонд тооцуулах нэхэмжлэлийг шүүхэд гаргажээ. В-г сураггүй алга болсонд тооцох үндэслэлтэй юу?

Иргэний эрх зүй · Эдийн бус гэм хор; Нэр төр, алдар хүнд

2023 оны 05 дугаар сард үйлдэгдсэн “худал мэдээлэл тараах” гэмт хэргийн хохирогч А анхан шатны шүүх хуралдаанд сэтгэл санааны хохиролд 50.0 сая төгрөгийг холбогдох зарим үйл баримтын хүрээнд нэхэмжилсэн боловч шүүхээс “Сэтгэцэд учирсан хор уршгийг үнэлэх, хор уршгийг мөнгөн хэлбэрээр арилгуулахтай холбоотой Шүүх шинжилгээний тухай болон дагалдах бусад хуулийн зохицуулалтыг 2023 оны 07 дугаар сарын 01-ний өдрөөс эхлэн дагаж мөрдөнө” гэсэн үндэслэлээр хэрэгсэхгүй болгожээ. Зөв хариултыг сонгоно уу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Харгалзан дэмжигч Б нь өндөр настай, дэмжлэгтээ байгаа Г-д эмнэлгийн тусламж үзүүлээгүйгээс түүний бөөрний өвчин сэдэрч, эрүүл мэндийн байдал нь нэлээд муудсаныг төрлийн хүн болох Э эргэлтээр ирээд мэдсэн байна. Э нь Х аймагт оршин суудаг тул Б-г харгалзан дэмжигчээр тогтоосон шийдвэрийг хүчингүй болгуулахаар аль шүүхэд хандахыг хуульчаас асуужээ. Э аль шүүхэд хандах вэ?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Иргэн Б шүүхэд гаргасан нэхэмжлэлдээ, би Л-тай 10 жилийн ангийн найзууд бөгөөд оюутан байхдаа Л бид хоёр ангийнхнынаа ятгалгад орж гэрлэлтээ бүртгүүлсэн. Бид хоёр эр эмийн харилцаатай байгаагүй бөгөөд огт хамт амьдраагүй. Их сургуулиа төгсөөд өөр өөрийн гэр бүлтэй болсон тул Л-тай бүртгүүлсэн гэрлэлтийн асуудлыг шийдвэрлэж өгнө үү гэжээ. Шүүх гэрлэлтийг цуцлах уу эсхүл гэрлэлтийг хүчин төгөлдөр бус гэж тооцох уу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Харгалїэлээр сумын Засаг даргад гомдол гаргасан. Т-ийн гомдол үндэслэлтэй юу?

Иргэний эрх зүй — гэр бүл ба өв залгамжлал · Гэр бүлийн эрх зүй

О, Б нар нь гэрлэлтээ цуцлуулах тухай хэргийг хянан хэлэлцэх эхний шүүх хуралдааны товыг мэдсэн. Хариуцагч Б болон нэхэмжлэгчийн өмгөөлөгч Х нар шүүх хуралдаанд ирсэн боловч нэхэмжлэгч О ирээгүй. Шүүх ямар шийдвэр гаргах боломжтой вэ?

Иргэний эрх зүй — гэр бүл ба өв залгамжлал · Гэр бүлийн эрх зүй

Үрчлэлтийг хүчингүйд тооцох тухай нэхэмжлэлийг хэрэг хянан шийдвэрлэх ямар ажиллагаагаар шийдвэрлэх вэ?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Иргэн Г нь Д-ийн харгалзан дэмжигч бөгөөд Д-ийн эрүүл мэндийн байдал муудсаны улмаас эмчилгээ хийлгэх шаардлагатай болсон. Г-д мөнгө байхгүйн улмаас Д-ийн хадгаламжийг цуцалж, мөнгийг нь авч, эмчилгээнд нь зарцуулсан. Гэтэл Д-ийн дүү Ц нь сум дүүргийн Засаг даргаас зөвшөөрөл авахгүйгээр хадгаламжийг цуцалж хууль зөрчсөн гэх үндэслэлээр Г-ээс мөнгийг буцаан гаргуулах шаардлага гаргажээ. Ц-ийн нэхэмжлэл үндэслэлтэй юу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

АНУ-ын харьяат, 63 настай гадаадын иргэн Х нь Монгол Улсын харьяат 10 настай хүү Б-г үрчлэн авах хүсэлт, холбогдох баримтуудыг зохих байгууллагад гаргажээ. Гадаадын иргэн Х-д хүүхдийг үрчлүүлэх үү?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Э, Б нар нь БНСУ-д амьдарч байгаа бөгөөд хүүхдүүд нь бүгд насанд хүрсэн, эд хөрөнгийн маргаангүй тул гэрлэлтээ цуцлуулахаар Монгол Улсаас Солонгос улсад суугаа Элчин сайдын яаманд хандсан байна. Элчин сайдын яам гэрлэлтийг цуцлах уу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Гэрлэлт цуцлуулах, хүүхдийн тэтгэлэг гаргуулах хэргийн хянан шийдвэрлэх ажиллагаа удааширч байгаатай холбоотойгоор нэхэмжлэгч Д нь бага насны хүүхдээ асарч ажил хөдөлмөр эрхлэх боломжгүй, хүүхдээ тэжээхэд хүндрэлтэй байгааг шүүхэд мэдэгдэж тодорхой арга хэмжээ авч өгөхийг хүссэн байна. Шүүх ямар арга хэмжээ авах боломжтой вэ?

Иргэний эрх зүй — гэр бүл ба өв залгамжлал · Гэр бүлийн эрх зүй

Ё нь Б-д холбогдуулан гэрлэлт цуцлуулах, 2 хүүхдийн асрамж, тэтгэлэг тогтоолгох нэхэмжлэлийг гаргасан. Б нь зарим нэхэмжлэлийг зөвшөөрч, харин дагавар хүү Д-д тэтгэлэг төлөхгүй-гэж маргажээ. Ё нь дагавар хүү Д-г нөхөр Б өөрөөрөө овоглож, үрчилж авсан тул тэтгэлэг төлөх үүрэгтэй гэж тайлбарлав. Б-ийн татгалзал үндэслэлтэй юу?