Хуульчийн шалгалтын асуулт, хариулт — 145 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

8413 асуулт

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Д,С нар нь гэрлэлтээ бүртгүүлээд 5 жил амьдарсан, 1 хүүхэдтэй, хамтран амьдрах хугацаандаа 3 өрөө орон сууц худалдан авсан боловч шүүх Д, С нарын гэрлэлтийг хүчин төгөлдөр бус гэж тооцжээ. С нь 3 өрөө орон сууцнаас өөртөө болон хүүхдэд ногдох хэсгийг гаргуулахаар нэхэмжлэл гаргасан. Эд хөрөнгийн маргааныг Иргэний хуулийн аль зохицуулалтын дагуу шийдвэрлэх вэ?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Харгалзан дэмжигч Б нь асрамж дэмжлэгтээ байгаа А-ийн зуслангийн 0.7 га газрыг бусдад зарж, мөнгийг нь хувьдаа ашиглажээ. Иргэн Э-ийн мэдээллийн дагуу дүүргийн Засаг дарга Т нь харгалзан дэмжигч Б-ийн дээрх хууль бус үйлдлийг тогтоосон. Дүүргийн Засаг дарга Т нь ямар эрх, үүрэгтэй вэ?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

АНУ-д ажиллаж, амьдардаг Ц, Б нар нь зуныхаа амралтаар Монгол Улсад ирж амрахдаа найз С-ийн 17 настай, сурлага сайтай Д нэртэй хүүхдийг АНУ-д боловсрол эзэмших боломжийг олгох зорилгоор үрчлэн авсан. Хүүд АНУ-д зорчих виз олгоогүйгээс Ц, Б нар хүүг авч явах боломжгүй болжээ. 17 настай хүү Д нь Ц, Б нарт үрчлэгдсэн үрчлэлтийг хүчингүйд тооцуулах нэхэмжлэлийг шүүхэд гаргах эрхтэй юу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Б нь нөхөр С-д холбогдуулан гэрлэлтээ цуцлуулах, 2 хүүхдийн асрамж болон тэтгэлэг тогтоолгох нэхэмжлэлийг шүүхэд гаргасан. Нөхөр С нь гэрлэлт цуцлуулах 2 хүүхдээ эхийнх нь асрамжид үлдээхийг хүлээн зөвшөөрч, эрхэлсэн ажилгүй, орлогогүй тул тэтгэлэг төлөх боломжгүй гэж маргажээ. С-гийн татгалзал үндэслэлтэй юу?

Иргэний эрх зүй — гэр бүл ба өв залгамжлал · Гэр бүлийн эрх зүй

Өмнөх145-р хуудасДараах

Сэдэв

Шүүх Р, Б нарын эцэг эх байх эрхийг хасаж, 10 настай хүү Г-г нь хүүхэд асран хүмүүжүүлэх байгууллагад шилжүүлсэн байна. Иргэн Д, Т нар хүүхэд асран хүмүүжүүлэх байгууллагаас хүү Г-ийг үрчлэн авчээ. Р, Б нар нь эцэг эх байх эрхээ сэргээх тухай хүсэлтийг шүүхэд гаргасан. Шүүх Р, Б нарын эцэг эх байх эрхийг сэргээх үү?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

АНУ-д ажиллаж, амьдардаг Э, Б нар нь зуныхаа амралтаар Монгол Улсад ирж амрахдаа найз С-ийн 17 настай, сурлага сайтай хүүг АНУ-д боловсрол эзэмших боломжийг олгох зорилгоор үрчлэн авсан. Хүүд АНУ-д зорчих виз олгоогүйгээс Э, Б нар хүүг авч явах боломжгүй тул үлдээгээд буцжээ. 17 настай хүү Д ньЭ, Б нарт үрчлэгдсэн үрчлэлтийг хүчингүйд тооцуулах нэхэмжлэлийг шүүхэд гаргасан байна. Шүүх үрчлэлтийг хүчингүйд тооцох үндэслэлтэй юу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Х, Б нар нь гэрлээд 20 жил амьдарч байгаа бөгөөд дундаасаа 1 хүүхэдтэй. Нөхөр Б нь хүндээр өвдөж, ажил хөдөлмөр эрхлэх боломжгүй болсон. Эхнэр Х нь хүүхдээ сурган хүмүүжүүлэх, ажил хөдөлмөрөө эрхлэх зэргээр нөхөр Б-г асрах боломжгүй байсан тул Б-гийн дүү С өөрийн гэртээ авч асрах болжээ. Нөхөр Б нь эхнэр Х-г наад захын хэрэгцээтэй эм тариа, хоол хүнсээр хангах үүргээ биелүүлээгүй гэх үндэслэлээр шүүхэд Х-аас тэтгэлэг гаргуулахаар нэхэмжлэл гаргав. Б-ийн нэхэмжлэл үндэслэлтэй юу?

Иргэний эрх зүй — гэр бүл ба өв залгамжлал · Гэр бүлийн эрх зүй

Шүүх Р, Б нарын гэрлэлтийг цуцалж, охин Э-г эх Р-ийн асрамжид үлдээж, эцэг Б-ээс нь хуульд заасан хэмжээгээр тэтгэлэг гаргуулж шийдвэрлэжээ. Шүүхийн шийдвэрийн дагуу Б нь сар бүр охин Э-дээ тэтгэлэг төлж байгаа. Гэтэл охин Э хүндээр өвдөж, гадаад улсад 100- аад сая төгрөгийн үнэ бүхий мэс засал, эмчилгээ хийлгэх шаардлагатай болсон тул P нь Б-ээс охины эмчилгээний зардалд 50.0 сая төгрөгийг яаралтай гаргуулахаар нэхэмжилсэн. Р-ийн нэхэмжлэл үндэслэлтэй юу?

Иргэний эрх зүй — гэр бүл ба өв залгамжлал · Гэр бүлийн эрх зүй

Нэхэмжлэгч гэрлэлт цуцлуулах тухай нэхэмжлэлийг аль тохиолдолд өөрийн оршин суугаа газрын шүүхэд гаргах боломжгүй вэ?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

А, Б нар гэрлэлтээ цуцлуулж, 10 настай охин Х-г эх Б нь асрамждаа авчээ. Б нь охин Х-г өндөр төлбөр бүхий сургуульд оруулж, сургалтын төлбөрийн 50 хувь болох 10.000 ам.долларыг эцэг А-аас шаардсан. Эцэг А нь охины сургуулийг солихдоо надтай ярилцаагүй, хүүхдийг өндөр төлбөр бүхий сургуульд сургах шаардлагагүй, сургалтын төлбөрийг нь төлөх боломжгүй гэж маргажээ. А 10.000 ам.долларыг төлөх үүрэгтэй юу?

Иргэний эрх зүй — гэр бүл ба өв залгамжлал · Гэр бүлийн эрх зүй

Иргэн Д нь Б-гээс гэрлэлт цуцлуулах тухай нэхэмжлэлийг шүүхэд гаргахаар танд ханджээ. Та нэхэмжлэлийн бүрдүүлбэрийн талаар зөвлөгөө өгнө үү?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Иргэн Б нь өндөр настай, биеийн эрүүл мэндийн улмаас гэрээсээ гарч тэтгэвэр тэтгэмж, хоол хүнсээ авах боломжгүй болсныг хөрш Д нь мэдэх болжээ. Иргэн Б нь бусдаар харгалзан дэмжүүлэх хүсэлгүй байгаагаа хөрш Д-дээ хэлсэн. Хөрш Д нь энэ тухай зохих байгууллагад мэдэгдэх үүрэгтэй юу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Шүүх гэрлэгчдийг эвлэрүүлэх арга хэмжээ авч, хэрэг хянан шийдвэрлэх ажиллагааг 1 сар 18 хоногоор түдгэлзүүлжээ. хариуцагч Б нь хуульд эвлэрүүлэх арга хэмжээг 3 сараар авахаар заасан байхад үндэслэлгүйгээр богино хугацаа тогтоосон гэж гомдол гаргасан. Гомдол үндэслэлтэй юу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

О,П нар нь гэрлэхийг хүссэн бөгөөд эмнэлгийн байгууллагаас П-г “дархлалын олдмол хомсдол” өвчтэй болохыг шинжилгээгээр тогтоожээ. Уг шинжилгээний хариуг үндэслэн гэрлэлтийг бүртгээгүй тул O, П нар шүүхэд хандаж, улсын бүртгэлийн байгууллагад гэрлэлтийг бүртгэхийг даалгаж өгнө үү гэсэн нэхэмжлэл гаргасан байна. Шүүх О, П нарын нэхэмжлэлийг хангах үндэслэлтэй юу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Б нь Г-тэй гэр бүл болох үедээ дагавар хүү Д-г үрчлэн авч, өөрөөрөө овогложээ. Эхнэр Г нь Б-д холбогдуулан гэрлэлт цуцлуулах, хүү Д-д тэтгэлэг гаргуулахаар шаардсан. Б нь хүүД-г дагавар хүүхэд тул тэтгэлэг төлөхгүй гэж маргасан байна. Б тэтгэлэг төлөх үүрэгтэй юу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Д нь 12 настай охин Ц-ийн эцэг Б-ээс тэтгэлэг гаргуулахаар шүүхэд нэхэмжлэл гаргасан. Хариуцагч Б нь өвчтэй, группт байдаг, ажилгүй тул тэтгэлэг төлөх боломжгүй гэж тайлбарлажээ. Улмаар Д нь Б-ийн нөхцөл байдлыг харгалзан хүүхдийн тэтгэлэгт сар бүр 50.000 төгрөг авахаар тохиролцсон байна. Талуудын тохиролцоо хуульд нийцэх үу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Гэрлэгчид нь бие биедээ үнэнч байх, бие биеэ хайрлах, халамжлах, хүндэтгэх үүрэгтэй байтал нөхөр Д нь гэр бүлээс гадуур өөр эмэгтэйтэй харилцаатай болсон. Эхнэр Б нь нөхөр Д-г үнэнч байх үүргээ зөрчсөн тул хариуцлага хүлээх ёстой гэж үзэв. Гэр бүлийн эрх зүйд уг харилцааг ямар хэм хэмжээгээр зохицуулдаг вэ?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Монгол Улсын иргэн М, Б нар нь Канад улсад ажиллаж амьдарч байхдаа танилцаж, улмаар гэр бүл болохоор Канад улсын хуулийн дагуу гэрлэжээ. Улмаар гэрлэлтээ Монгол Улсад бүртгүүлэх хүсэлтийг гаргасан байна. Монгол Улсын хуулиар М, Б нарын гэрлэлтийг зөвшөөрөх үү?

Иргэний эрх зүй — гэр бүл ба өв залгамжлал · Гэр бүлийн эрх зүй

Шүүх Ж-гийн эцэг байх эрхийг хязгаарлажээ. Хүүхдийн эх Б нь эрх хязгаарласан хугацаанд Ж-аас хүүхдээ эрүүл чийрэг өсгөн бойжуулах, сэтгэхүйн хувьд төлөвшүүлэх, хөдөлмөрийн анхны дадлага олгох үүргээ биелүүлэхийг шаардсан. Б шаардлага үндэслэлтэй юу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Д нь Б-г охин М-ийн эцгээр тогтоолгох тухай нэхэмжлэл гаргажээ. Б эцэг нь биш гэж маргасан. Шүүх ямар баримтыг үндэслэн шийдвэрлэх вэ?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Шүүхээс хэрэг хянан шийдвэрлэх ажиллагааг 3 сараар түдгэлзүүлж, гэрлэгчдэд эвлэрүүлэх арга хэмжээ авсан бөгөөд энэ хугацаанд М, Б нар нь эвлэрчээ. Шүүх хэргийг хэрхэн шийдвэрлэх вэ?

Иргэний эрх зүй — гэр бүл ба өв залгамжлал · Гэр бүлийн эрх зүй

АНУ-ын иргэн Б нь Монгол Улсын харьяат 15 настай хүү Э-г үрчлэн авах тухай хүсэлтээ холбогдох баримтын хамт бүрдүүлж өгсөн. Эмнэлгийн магадлагаагаар гадаад улсын иргэн Б ньДОХ өвчтэй болох нь тогтоогдсон байна. Гадаад улсын иргэн Б-д хүүхэд үрчлэх үү?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

Шүүх Ө-өөс 10 настай хүү Л-ийг 16 нас /суралцаж байгаа бол 18 нас/ хүртэл нь хуульд заасан хэмжээгээр тэтгэлэг гаргуулж эх Б-д олгож шийдвэрлэсэн. Ө нь тэтгэлгийг огт төлөөгүйгээс хүүхэд 16 нас хүрсэн байна. Хүү Л-ийн эх Б шүүхэд хандаж, шүүхийн шийдвэр гарсан өдрөөс хойш нэхэмжлэл гаргах өдрийг хүртэл хугацааны тэтгэлгийг тооцож 13.0 сая төгрөг гаргуулахаар нэхэмжилжээ. Б-ийн нэхэмжлэл үндэслэл юу?

Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ

У, Б нарын гэрлэлтийг цуцалж, 5-8 настай хоёр хүүхдийг эхийнх нь асрамжид үлдээсэн байна. Эцэг Б нь хоёр хүүхэдтэйгээ маш дотно харилцаатай, хоёр хүүхдээ байнга асарч хүмүүжүүлж байхад эх У нь хоёр хүүхдээ эцэгтэй нь уулзуулахгүй, утсаар ч яриулахгүй, эцгийг нь муу хүн гэх агуулгаар ойлгуулж эцгээс нь холбоо харилцааг таслах үйлдлийг байнга гаргах болжээ. Эцэг Б нь шүүхэд хандаж У-гийн эх байх эрхийг хязгаарлуулах тухай нэхэмжлэлийг гаргасан. Б-ийн нэхэмжлэл үндэслэлтэй юу?