Шүүхийн тогтоол #1127

ХЭРГИЙН ТАНИЛЦУУЛГА: Нэхэмжлэгч нь албан тушаалаас чөлөөлөгдсөн нь үндэслэлгүй, хууль бус гэж үзэн, албан тушаалдаа эгүүлэн тогтоолгож, ажилгүй байсан хугацааны цалин хөлс, нөхөн төлбөр гаргуулахаар нэхэмжилсэн. АНХАН ШАТ: Төрийн албаны тухай хууль, Хөдөлмөрийн тухай хуулийг баримтлан нэхэмжлэлийн шаардлагыг бүхэлд нь хангаж, нэхэмжлэгчийг албан тушаалд эгүүлэн тогтоож, ажилгүй байсан хугацааны цалин хөлс, эрүүл мэндийн болон нийгмийн даатгалын шимтгэлийг нөхөн төлөхийг хариуцагчид даалгасан. ДАВЖ ЗААЛДАХ ШАТ: Анхан шатны шүүхийн шийдвэрийн зарим хэсгийг өөрчлөн, нэхэмжлэгчийг албан тушаалд эгүүлэн тогтоох бус, харин шалгаруулж томилохыг хариуцагчид даалгаж, бусад хэсгийг хэвээр үлдээж, хариуцагчийн давж заалдах гомдлыг хангаагүй. ХЯНАЛТЫН ШАТ: Давж заалдах шатны шүүх нь хэргийн баримтад үндэслэлтэй дүгнэлт хийсэн, хуулийг зөв тайлбарлаж хэрэглэсэн, хянан шийдвэрлэх ажиллагааны журам зөрчөөгүй гэж үзэж, нэхэмжлэгч болон түүний өмгөөлөгчийн гомдлыг хангахгүй орхиж, давж заалдах шатны шүүхийн магадлалыг хэвээр үлдээсэн. ҮНДЭСЛЭЛ: Албан тушаалд эгүүлэн тогтоох асуудлыг шинээр бий болсон албан тушаалд шууд бус, харин албан хаагчийг шалгаруулж томилох журмыг баримтлах ёстой. Зохион байгуулалтын бүтэц өөрчлөгдөж, орон тоо цөөрсөн тохиолдолд Төрийн албаны тухай хуулийн 27 дугаар зүйлийн 27.2.3-т заасны дагуу албан хаагчийг шалгаруулах зохицуулалт үйлчилнэ.