Тогтоол №2764

ХЭРГИЙН ТАНИЛЦУУЛГА: “Х” ТББ нь Байгаль орчин, аялал жуулчлалын сайд, Сангийн сайдын хамтарсан тушаалыг захиргааны хэм хэмжээний актын нэгдсэн бүртгэлд бүртгүүлэх, мөн ус бохирдуулсны төлбөрийн хэмжээг тогтоохдоо усны экологи-эдийн засгийн үнэлгээг үндэслэн тогтоох Засгийн газрын шийдвэр гаргаагүйг хууль бус гэж үзэн, хариуцагч Байгаль орчин, аялал жуулчлалын яам, Засгийн газарт тус тус холбогдуулан нэхэмжлэл гаргасан. АНХАН ШАТ: Анхан шатны шүүх нэхэмжлэлийн шаардлагыг бүхэлд нь хангаж, холбогдох журмуудыг нэгдсэн бүртгэлд бүртгүүлэхийг Байгаль орчин, аялал жуулчлалын яаманд даалгаж, Засгийн газрын эс үйлдэхүйг хууль бус болохыг тогтоож, ус бохирдуулсны төлбөрийн хэмжээг тогтоох шийдвэрийн төсөл боловсруулж Засгийн газрын тогтоол гаргуулахыг тус яамнд даалгасан. ДАВЖ ЗААЛДАХ ШАТ: Хариуцагч нарын итгэмжлэгдсэн төлөөлөгчид нэхэмжлэлийн шаардлагад дурдагдаагүй асуудлыг шүүх шийдвэртээ оруулсан, хуулийг буруу хэрэглэсэн гэх үндэслэлээр анхан шатны шүүхийн шийдвэрийг өөрчлүүлэхээр гомдол гаргасан. ҮНДЭСЛЭЛ: Давж заалдах шатны шүүхээс анхан шатны шүүхийн шийдвэрийг хүчингүй болгож, хэргийг анхан шатны журмаар дахин хянан шийдвэрлүүлэхээр буцаасан. Шүүх нь нэхэмжлэлийн шаардлагын хүрээнд байхгүй асуудлыг шийдвэртээ оруулсан, хамтран хариуцагчаар татаагүй, эс үйлдэхүйг хууль бус гэж дүгнэсэн нь хууль зөрчсөн гэж үзсэн. Мөн төлбөрийн хэмжээг тогтоох Засгийн газрын үйлдэл, эс үйлдэл, яамдын үйлдэл, эс үйлдэхүйг шүүхийн харьяаллын хүрээнд зөв тодорхойлох шаардлагатайг дурджээ. Хариуцагч нь Засгийн газрын тогтоолын төсөл боловсруулж өргөн мэдүүлэхгүй байгаа эсэх, эсхүл өргөн мэдүүлсэн төслийг хэлэлцэн батлахгүй байгаа эсэх нь тодорхой бус байсан.