Нийслэлийн Иргэний хэргийн давж заалдах шатны шүүхийн Магадлал

Үйл явдал

Хөдөлмөрийн гэрээний туршилтын хугацаа дууссан үндэслэлээр ажлаас чөлөөлөх нь хууль зүйн үндэслэлтэй эсэх тухай маргаан. Ажил олгогч нь ажилтны туршилтын хугацаа дууссан гэх үндэслэлээр ажлаас чөлөөлөх тушаал гаргасан тул ажилтан нь тушаалыг хүчингүй болгож, ажилд эгүүлэн тогтоолгох, ажилгүй байсан хугацааны олговор нөхөн төлүүлэхийг шаардсан.

Талуудын байр суурь

• Нэхэмжлэгч: Ажил олгогч нь гэрээнд заасан туршилтын хугацаа дуусахаас өмнө, мөн гэрээний дагуу ажилтны ажлын тайлантай танилцаж, үргэлжлүүлэн ажиллуулах эсэх тухай шийдвэр гаргах үйл явцыг алгасаж, үндэслэлгүйгээр ажлаас чөлөөлсөн тул ажилд эгүүлэн тогтоолгох шаардлагатай гэж үзэв.
• Хариуцагч: Хөдөлмөрийн гэрээнд туршилтын хугацааг сунгах нөхцөл заасан тул харилцан тохиролцосноор сунгасан хугацаа дууссан нь гэрээг дуусгавар болгох үндэслэл болно гэж үзэв.

Шатуудын шийдвэр

Анхан шатны шүүх нэхэмжлэлийн шаардлагыг хэрэгсэхгүй болгосон. Давж заалдах шат анхан шатны шийдвэрт өөрчлөлт оруулж, ажилтныг ажилд эгүүлэн тогтоолгох, ажилгүй байсан хугацааны олговор болон даатгалын шимтгэлийг нөхөн төлүүлэхээр шийдвэрлэв. Учир нь хөлөдмөрийн гэрээний заалтаар туршилтын хугацаа дуусахаас 2 хоногийн өмнө ажлын тайлантай танилцаж, үргэлжлүүлэн ажиллуулах эсэх тухай шийдвэр гаргах ёстой байсан тул ажил олгогч энэ үүргийг биелүүлээгүй нь ажлаас чөлөөлөх үндэслэлгүй болсон байна.

Хууль зүйн гол дүгнэлт

• Хөдөлмөрийн гэрээнд туршилтын хугацааг сунгах, үргэлжлүүлэн ажиллуулах эсэх тухай ажил олгогчийн авах ёстой арга хэмжээ, мэдэгдэх хугацааг тодорхой заасан бол ажил олгогч тухайн журмыг баримтлах ёстой тул гэрээний заалтыг зөрчсөн үйлдэл нь ажлаас чөлөөлөх үндэслэл болж болохгүй (Хөдөлмөрийн хууль 64.2).
• Туршилтын хугацаа дууссан гэх үндэслэлээр ажлаас чөлөөлөхөд хөдөлмөрийн гэрээний хугацаа болон туршилтын хугацааны харьцааг тодорхой тогтоох шаардлагатай (Хөдөлмөрийн хууль 78.1.3).
• Ажил олгогч нь хөдөлмөрийн гэрээг дуусгавар болгохдоо гэрээний нөхцөл, хуулийн заалтыг бүрэн биелүүлж, ажилтны эрх ашгийг хамгаалах үүрэгтэй (Хөлөдмөрийн хууль 127.1, 43.2.7).