Тогтоол №14071

ХЭРГИЙН ТАНИЛЦУУЛГА: Ажил гүйцэтгэх гэрээний дагуу хийгдсэн дээврийн ажлын чанар муу байсны улмаас учирсан хохирол 41,933,700 төгрөгийг гаргуулахаар нэхэмжлэгч Н ХХК, хариуцагч С ХХК-д холбогдуулан нэхэмжлэл гаргасан. АНХАН ШАТ: Хариуцагч С ХХК-иас 15,485,870 төгрөг гаргуулж нэхэмжлэгч Н ХХК-д олгож, үлдэх хэсгийг хэрэгсэхгүй болгож шийдвэрлэсэн. ДАВЖ ЗААЛДАХ ШАТ: Хариуцагчийн төлөөлөгч анхан шатны шүүхийн шийдвэрийн зарим хэсгийг эс зөвшөөрч, хэрэг хянан шийдвэрлэх ажиллагааны журмыг зөрчсөн гэж давж заалдах гомдол гаргасан. Давж заалдах шатны шүүх анхан шатны шүүхийн шийдвэрийг хэвээр үлдээж, гомдлыг хангахгүй орхисон.

ҮНДЭСЛЭЛ: Шүүх хуралдаанд ирсэн нотлох баримтуудаар талууд хоорондоо ажил гүйцэтгэх гэрээ байгуулсан, гэрээний дагуу ажил хийгдэж, төлбөр төлөгдсөн нь тогтоогдсон. Гүйцэтгэсэн ажлын чанар муу байсан нь итгэмжлэгдсэн инженерийн дүгнэлтээр тогтоогдсон. Хариуцагч доголдлыг тогтоосон хугацаанд арилгаагүй тул нэхэмжлэгч өөр компаниар ажлыг гүйцэтгүүлсэн. Анхан шатны шүүх бодитоор шилжүүлсэн ажлын хөлсийг хохиролд тооцон гаргуулахаар шийдвэрлэсэн нь хуульд нийцсэн, шүүхийн дүгнэлтийг буруутгах үндэслэлгүй.