Тогтоол №11897

ХЭРГИЙН ТАНИЛЦУУЛГА: Нэхэмжлэгч “Х Б” ХХК нь хариуцагч “Т У” ХХК-ийн гүйцэтгэсэн барилга угсралтын ажлын чанар муу, доголдолтой байснаас учирсан хохирол, нэмэлт зардлыг барагдуулахаар шаардлага гаргажээ. Хариуцагч тал гэрээний дагуу ажил хийж гүйцэтгэсэн, доголд��л байхгүй гэж маргасан. АНХАН ШАТ: Хариуцагч “Т У” ХХК-иас 538 602 054 төгрөгийг гаргуулж нэхэмжлэгч “Х Б” ХХК-д олгож, улсын тэмдэгтийн хураамж, шинжээчийн зардлыг хариуцуулахаар шийдвэрлэсэн. ДАВЖ ЗААЛДАХ ШАТ: Хариуцагч нь анхан шатны шүүх зохигчдын эрх зүйн харилцаанд хуулийг буруу тайлбарлаж хэрэглэсэн, нотлох баримтыг бүрдүүлэх эрхийг хангаагүй, шүүхийн шийдвэр хууль ёсны болон үндэслэлтэй байх шаардлагыг хангаагүй гэж гомдол гаргажээ. ҮНДЭСЛЭЛ: Давж заалдах шатны шүүхээс анхан шатны шүүхийн шийдвэрийг хүчингүй болгож, хэргийг дахин хянуулахаар буцаахаар шийдвэрлэв. Шүүх нь нэхэмжлэлийн шаардлага тодорхойгүй, шинжээч томилох ажиллагаа дутуу хийгдсэн, хэргийн оролцогчдын нотлох баримт бүрдүүлэх эрхийг хангаагүй зэрэг үндэслэлүүдийг дурджээ.