Тогтоол №11479

ХЭРГИЙН ТАНИЛЦУУЛГА: Ажилтан хугацаа хэтэрсэн зээлийг төлүүлэх үйл ажиллагааны үр дүнд компанийн баталсан журмын дагуу урамшуулал шаардсан боловч ажил олгогч нь гүйцэтгэсэн ажлын үр дүнг буруу тооцсон, урамшууллын гэрээгүй гэж үзэн нэхэмжлэлийг эс зөвшөөрч маргасан. АНХАН ШАТ: Хугацаа хэтэрсэн зээл төлүүлэх ажлыг гүйцэтгэсний төлөөх урамшуулал болон бусад зардлыг гаргуулах тухай нэхэмжлэлийг бүхэлд нь хэрэгсэхгүй болгосон. Хөдөлмөрийн тухай хуулийн 5.2-т заасныг баримтлав. ДАВЖ ЗААЛДАХ ШАТ: Анхан шатны шүүхийн шийдвэрийг зөвшөөрөхгүй, шийдвэрийн үндэслэлийг буруу тодорхойлсон, ажлын үр дүнг буруу үнэлсэн гэж гомдол гаргасан. Нэхэмжлэлийн шаардлага нь зөвхөн сонгосон хэсэгт ногдох цалин хөлстэй холбоотой бус, шударга урамшууллын асуудал байсан гэж тайлбарласан.

ҮНДЭСЛЭЛ: Талууд нь ажил олгогч, ажилтан хоорондын харилцаанд байсан боловч урамшуулал шаардах эрхтэй эсэх нь маргааны гол асуудал болсон. Ажилтан нь компаниас олгосон зээл, хүүгийн эрсдлийг бууруулах зорилгоор батлагдсан журмын дагуу ажилласан боловч урамшуулал авах талаар ажил олгогчтой гэрээ, тохиролцоо хийсэн нь тогтоогдоогүй. Урамшуулал нь цалин хөлснөөс гадна нэмэгдэл байсан бөгөөд ажилтан нь тусгай активын албаны ажилтны байр сууринаас оролцож байсан нь тогтоогдоогүй тул Хөдөлмөрийн тухай хуулийн 47.1-д заасан цалин хөлсний бүрдэл болох урамшуулал нэхэмжилсэн гэж үзэж, давж заалдах гомдлыг хангахгүй орхиж, анхан шатны шүүхийн шийдвэрийг хэвээр үлдээсэн.