HuuliTech

Засгийн газар дахь хяналтын тухай

15 дугаар зүйл.Хяналт шалгалтын мөрөөр авах арга хэмжээ

Эхэд тэмдэглэсэн төлөв
Албан эхэд хүчинтэй
Баталсан
Сангийн хувилбар нийтэлсэн

Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.

Legalinfo.mn дээрх албан эх
#

15.1.Хяналт шалгалтын дүнг үндэслэн ахлах хянан шалгагч, ерөнхий хянан шалгагчийн мэдэгдэл, албан шаардлагыг энэ хуулийн 3.1-д заасан этгээдэд хүргүүлнэ.

#

15.2.Засгийн газрын хяналт хэрэгжүүлэх газрын бүрэн эрхэд хамаарах асуудлын хүрээнд урьдчилан мэдэгдэх болон болзошгүй эрсдэлээс урьдчилан сэргийлэх талаар энэ хуулийн 3.1-д заасан этгээдэд мэдэгдэл хүргүүлнэ.

#

15.3.Хяналт шалгалтаар илэрсэн зөрчил дутагдлыг таслан зогсоох, зөрчил дутагдал үүсэхэд хүргэсэн нөхцөл, үр дагаврыг арилгуулах зорилгоор зөрчил дутагдал гаргасан этгээд болон түүнийг томилсон эрх бүхий этгээдэд, эсхүл дээд шатны байгууллагад албан шаардлага хүргүүлнэ.

#

15.4.Албан шаардлага авсан энэ хуулийн 3.1-д заасан этгээд тухайн зөрчил дутагдлыг тогтоосон хугацаанд арилгаж, энэ талаар хянан шалгагчид мэдэгдэнэ.

#

15.5.Хянан шалгагч энэ хуулийн 15.3-т заасан зөрчил дутагдлыг арилгасан эсэхэд гүйцэтгэлийн шалгалт хийнэ.

#

ТАВДУГААР БҮЛЭГ

#

ХЯНАЛТ ТАВИХ БАЙГУУЛЛАГА, АЛБАН ТУШААЛТАН, ТҮҮНИЙ ЧИГ ҮҮРЭГ

Энэ зүйлд иш татсан заалтууд

Энэ зүйлийг иш татсан заалтууд