Засгийн газар дахь хяналтын тухай
16 дугаар зүйл.Засгийн газрын хяналт хэрэгжүүлэх газар
- Эхэд тэмдэглэсэн төлөв
- Албан эхэд хүчинтэй
- Баталсан
- Сангийн хувилбар нийтэлсэн
Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.
16.1.эдийн засаг, хөгжлийн асуудал эрхэлсэн Засгийн газрын гишүүний эрхлэх асуудлын хүрээнд энэ хуулийн 3.1-д заасан этгээдийн хөгжлийн бодлого, төлөвлөлтийн баримт бичиг, шийдвэрийн хэрэгжилт, үйл ажиллагаанд хяналт тавих чиг үүрэг бүхий хяналт хэрэгжүүлэх төрийн захиргааны байгууллага ажиллана. /Энэ хэсэгт 2024 оны 07 дугаар сарын 10-ны өдрийн хуулиар өөрчлөлт оруулсан./ /Энэ хэсэгт 2025 оны 06 дугаар сарын 25-ны өдрийн хуулиар өөрчлөлт оруулсан /
16.2.Засгийн газрын хяналт хэрэгжүүлэх газарт Ерөнхий хянан шалгагч, ахлах хянан шалгагч, хянан шалгагч, бусад албан хаагч ажиллана.
16.3.Засгийн газрын хяналт хэрэгжүүлэх газрын дарга нь Ерөнхий хянан шалгагч байна. /Энэ хэсэгт 2024 оны 07 дугаар сарын 10-ны өдрийн хуулиар өөрчлөн найруулсан./
16.4.Засгийн газрын хяналт хэрэгжүүлэх газрын даргаар Төрийн албаны тухай хуулийн 23.2.1-д заасан шаардлагыг хангасан иргэнийг Засгийн газар томилж, чөлөөлнө.
16.5.Ахлах хянан шалгагч, хянан шалгагчийг Ерөнхий хянан шалгагч томилж, чөлөөлнө.
/Энэ хэсгийг 2024 оны 07 дугаар сарын 10-ны өдрийн хуулиар хүчингүй болсонд тооцсон./
Хасагдсан түүхэн эх
16.6.Засгийн газрын хяналт хэрэгжүүлэх газрын албан тушаал нь Засгийн газрын Хэрэг эрхлэх газрын албан тушаалын ангилал, зэрэглэлд хамаарна.
16.7.Засгийн газрын хяналт хэрэгжүүлэх газрын албан тушаалыг Засгийн газрын Хэрэг эрхлэх газрын албан тушаалын ангилал, зэрэглэлтэй адилтгана. /Энэ хэсгийг 2024 оны 08 дугаар сарын 30-ны өдрийн хуулиар нэмсэн./
16.8.Засгийн газрын хяналт хэрэгжүүлэх газрын дүрэм, бүтэц, орон тооны хязгаарыг Засгийн газар батална. /Энэ заалтын дугаарт 2024 оны 08 дугаар сарын 30-ны өдрийн хуулиар өөрчлөлт оруулсан./
Энэ зүйлд иш татсан заалтууд
- Төрийн албаны тухай /шинэчилсэн найруулга/: 23 дугаар зүйл.Төрийн албан тушаалд тавих тусгай шаардлага
Ишлэлийн эх
Төрийн албаны тухай хуулийн 23.2.1-д заасан шаардлагыг хангасан иргэнийг Засгийн газар томилж, чөлөөлнө.
- Засгийн газар дахь хяналтын тухай: 3 дугаар зүйл.Хуулийн үйлчлэх хүрээ
Ишлэлийн эх
энэ хуулийн 3.1-д заасан этгээдийн хөгжлийн бодлого, төлөвлөлтийн баримт бичиг, шийдвэрийн хэрэгжилт,
Энэ зүйлийг иш татсан заалтууд
Энэ сангийн бүртгэлд холбогдох ишлэл байхгүй.