Хуульчийн шалгалтын асуулт, хариулт | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

29 асуулт

Эрүүгийн хэрэг хянан шийдвэрлэх эрх зүй · Эрүүгийн процесс

Прокурорын газраас Т-д холбогдуулан Эрүүгийн хуулийн тусгай ангийн 17.1 дүгээр зүйлд зааснаар яллах дүгнэлт үйлдэж, хэргийг хялбаршуулсан журмаар хянан шийдвэрлүүлэх саналтайгаар анхан шатны шүүхэд шилжүүлжээ. Шүүхээс тус хэрэг нь Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 4 дэх хэсгийн 4.1 дэх заалтад заасан нөхцөл байдал хангагдаагүй үндэслэлээр хэргийг прокурорт буцаахдаа шүүх хуралдаан явуулахгүйгээр шүүгчийн захирамж гаргасан байна. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Прокуророос А-д холбогдуулан Эрүүгийн хуулийн тусгай ангийн 10.1 дүгээр зүйлийн 1 дэх хэсэгт зааснаар яллах дүгнэлт үйлдэж, хэргийг шүүхэд шилжүүлжээ. Хэргийг анхан шатны журмаар хянан хэлэлцэх шүүх хуралдааны явцад шүүгдэгч А-гийн мэдүүлэг болон хэргийн газарт байсан бусад гэрчүүдийн мэдүүлгээр А нь тухайн гэмт хэргийг өөрийн нөхөр Б-тай хамтран үйлдсэн байж болзошгүй нөхцөл байдал тогтоогджээ. Улмаар шүүхээс Б-д холбогдуулан эрүүгийн хэрэг үүсгэж, яллагдагчаар татах ажиллагааг шүүх хуралдаанаар нөхөн гүйцэтгэх боломжгүй тул шүү хуралдааныг 60 хоногоор хойшлуулах захирамж гаргажээ. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Шүүгдэгч Я нь давж заалдах шатны шүүхэд хандан дараах агуулга бүхий гомдлыг гаргажээ: “Миний бие Я нь Эрүүгийн хуулийн тусгай . ангийн 11.1 дүгээр зүйлд заасан гэмт хэрэгт холбогдсон ба анхан шатны журмаар хэргийг хянан шийдвэрлэсэн шүүх хуралдааны тэмдэглэлд шүүхийн шийтгэх тогтоолыг уншиж сонсгосноор хүчин төгөлдөр болно гэсэн боловч надад гардуулж өгсөн шийдвэр нь цагаатгах тогтоол гэсэн гарчиг, дугаартай байна” гэжээ. Тохирох хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Нийслэлийн Эрүүгийн хэргийн давж заалдах шатны шүүх хуралдаанд суухаар МУИС-ийн Хууль зүйн сургуулийн төгсөх курсийн оюутан Э шүүхэд очсон байх ба Эрүүгийн хуулийн тусгай ангийн 16.8 дугаар зүйлд заасан хэргийн шүүх хуралдаан эхлэх гэж байжээ. Зөв хариултыг сонгоно уу?

1-р хуудасДараах

Сэдэв

Эрүүгийн хэрэг хянан шийдвэрлэх эрх зүй · Эрүүгийн процесс

Т-д холбогдох эрүүгийн хэргийн анхан шатны шүүх хуралдааны үед Т-ын өмгөөлөгч “шүүх хуралдаан даргалагч шүүгч нь шүүхийн өмнөх шатанд Т-г яллагдагчаар цагдан хорих таслан сэргийлэх арга хэмжээ авч шийдвэрлэж байсан учраас Эрүүгийн хэрэг хянан шийдвэрлэх тухай хуулийн 10.1 дүгээр зүйлийн 1 дэх хэсгийн 1.4-т зааснаар өөрөө шууд буюу шууд бусаар энэ хэрэгт хувийн сонирхолтой байна гэж үзэх үндэслэлээр татгалзах” тухай хүсэлт гаргажээ. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Хүнийг алах гэмт хэргийн газарт байсан Ц нь мөрдөгчөөс мэдүүлэг авахаар дуудагдан ирэхдээ тус хэрэгт холбогдсон Б-тэй багаасаа эхлэн одоог хүртэл төрөл садан мэт найзууд, мөн өөрийн аюулгүй байдал чухал тул мэдүүлэг өгөх боломжгүй гэсэн байна. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

13 нас 9 сартай буюу бараг 14 нас хүрэх дөхсөн П нь Эрүүгийн хуулийн тусгай ангийн 10.1 дүгээр зүйлийн 1 дэх хэсэгт заасан хэрэг үйлдсэн баримтууд эрүүгийн хавтаст хэрэгт цугларсан байна. Прокурор яллах дүгнэлт үйлдэж, хэргийг шүүхэд шилжүүлэхээр шийдвэрлэснийг П-ын өмгөөлөгч үл зөвшөөрч, дээд шатны прокурорт нь гомдол гаргажээ. Зөв хариултыг олно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийн хохирогч болох Б-г анх гэрчээр асуусан байх ба тэрээр ажлын газрынхаа Ш-д зодуулсан байжээ. Улмаар Ш-ийг яллагдагчаар татсаны дараа Б-г хохирогчоор тогтоож, мэдүүлэг авсан байна. Гэтэл Б-н гэрчээр мэдүүлэхдээ зарим үйл явдлын талаар худал мэдүүлсэн нь илэрсэн байх тул худал мэдүүлэх хэрэгт эрүүгийн хэрэг үүсгэж, яллагдагчаар татна гэжээ. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Анхан шатны шүүхээс У-ын 1 сарын хугацаагаар цагдан хорих захирамж гаргажээ. У-н өмгөөлөгч энэ асуудлаар захирамж гаргасан шүүхийн Ерөнхий шүүгчид хандан гомдол гаргасан боловч гомдлыг хангахаас татгалзсан байна. Өмгөөлөгч уг асуудлаар “Монгол Улсын иргэн өргөдөл, гомдол гаргах, түүнийгээ шийдвэрлүүлэх эрхтэй” давж заалдах шатны шүүхэд хандан гомдол гаргажээ. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Я фейсбүүк цахим сүлжээнд “Хурдан морь сонирхогчдын групп” дээр “Хотон шувууны хошуу зарна. Холбогдох утас: 976...” гэх зарыг 1 өдөр байршуулсныхаа дараа буцаан авчээ. Хотон шувуу нь нэн ховор амьтан учир экологийн цагдаагийн газрын мөрдөгч Е зарын дагуух утас руу шууд залган, Хотон шувууны хошууг авахаар ярьж, Я-тай тохирсон газар уулзсан боловч цагдаагийн ажилтан болохоо хэлж, тус хууль бус явдлыг таслан зогсоож, цаашид шалгах ажиллагаа явагдсан. Зөв хариултыг сонгоно уу ?

Эрүүгийн хэрэг хянан шийдвэрлэх эрх зүй · Эрүүгийн процесс

Өсвөр насны шүүгдэгч 17 настай Б нь анх удаа Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан гэмт хэрэг үйлдсэн байх тул шүүхээс Эрүүгийн хуулийн ерөнхий ангийн 8.7 дугаар зүйлийн 1 дэх хэсэгт заасныг журамлан тухайн гэмт хэрэг үйлдсэн Б-д ял оногдуулахыг тэнсэж, хянан хүмүүжүүлж шийдвэрлэжээ. Тухайн тохиолдолд шүүхээс эрүүгийн хариуцлагын төрөл болох албадлагын арга хэмжээг дараах байдлаар хүлээлгэж шийдвэрлэнэ. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Хохирогч С нь тухайн хэргийн шүүгдэгч Б тус хэргийг дангаар хянан шийдвэрлэх шүүгч Ю-тай 10 жилийн нэг анги байсан байх тул Эрүүгийн хэрэг хянан шийдвэрлэх тухай хуулийн 10.1 дүгээр зүйлийн 1 дэх хэсгийн 1.4-т заасан “... хувийн сонирхолтой байна гэж үзэх ..” үндэслэлээр татгалзан гаргах хүсэлт гаргажээ. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Албан тушаалын байдлаа урвуулан ашиглах гэмт хэрэг үйлдсэн Я-ын хувьд тус хэргийн улмаас их хэмжээний хөрөнгө, орлого олсон нь тогтоогдсон байх боловч түүний өмгөөлөгч нь тус хэргийн хөөн хэлэлцэх хугацаа дууссан тул Эрүүгийн хэрэг хянан шийдвэрлэх ажиллагаа явуулж болохгүй, хэргийг хэрэгсэхгүй болгох тухай хүсэлт гаргажээ. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Хорих ялаар шийтгүүлсэн ялтан Б нь хорих ялаас хугацаанаас өмнө суллагдах тухай хүсэлт гаргажээ. Хорих ялаас хугацаанаас өмнө суллаж, хяналт тогтоолгох тохиолдолд үл хамаарахыг олно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Хөөрт холбогдох хэргийг хялбаршуулсан журмаар хянан шийдвэрлүүлэх хүсэлт гаргасан ба анхан шатны шүүх хуралдаанд өөрийгөө өмгөөлж оролцох хүсэлтэй талаар хүсэлтдээ дурдсан тул прокуророос яллах дүгнэлт үйлдэж шүүхэд шилжүүлжээ. Шүүхээс шүүх хуралдаанд зайлшгүй өмгөөлөгч оролцуулах шаардлагатай хэмээн хойшлуулсан байна. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

2023 оны 12 дугаар сард гэр бүлийн хамаарал бүхий харилцаатай 16 насанд хүрээгүй хүнийг хүчиндэн Эрүүгийн хуулийн тусгай ангийн 12.1 дүгээр зүйлийн 3 дахь хэсэгт заасан гэмт хэрэг үйлдсэн Т нь яллагдагчаар татахаар дуудсан 2024 оны 04 дүгээр сард оргон зайлжээ. Т-ийг эрэн сурвалжилж олсон боловч хөөн хэлэлцэх хугацаа тоолоход талуудын хооронд маргаан, гомдол үүссэн байна. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Ө,Лнарт холбогдох хүний эрүүл мэндэд хүнд хохирол санаатай учруулах гэмт хэргийн шүүх хуралдаанд хохирогч О өөрт учирсан гэмтлийн шалтгааны улмаас яаралтай мэс засалд орохыг батлах шинжилгээний болон мэс заслын төлбөрийн зэрэг нийт 20.0 сая төгрөгийн баримтыг шинжлэн нэхэмжилжээ. Ө, Л нар эмчилгээнд зарцуулсан төлбөрийг тооцоо нийлж төлнө гэж мэдүүлсэн, мөн хохирогч нь эмчилгээ хийлгэхдээ зарцуулсан төлбөр, зардлын бүх баримтаа бүрдүүлж, иргэний журмаар нэхэмжлэх эрхтэй гэж шүүх шийдвэрлэсэн байна. Хохирогч давж заалдах гомдол гаргасан байх тул зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Хүн алах гэмт хэргийн шууд гэрч болох О-г мэдүүлэг авахаар мөрдөгч дууджээ. О нь тус хүн алах гэмт хэрэг үйлдсэн А-г би маш сайн таньдаг, түүний эсрэг мэдүүлэг өгвөл надад ноцтой эрсдэл, аюул учрах магадлалтай тул мэдүүлэг өгөхөөс татгалзаж байна гэв. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

С-ийн үйлдсэн хүчиндэх гэмт хэргийн шүүх хурал товлогдсон байв. Гэвч С шүүх хурал болохын өмнө өөр гэмт хэргийн улмаас Хорих 461 дүгээр ангид цагдан хоригдож, мөрдөн шалгах ажиллагаа явагдсан. Харин хүчиндэх гэмт хэргийн шүүх хуралдаанд С байгаагүй, нарийн бичгийн даргаас шүүгдэгч С өөр хэргийн улмаас цагдан хоригдсон болон С нь шүүх хуралдаанд цахимаар оролцох хүсэлт гаргасан зэрэгтэй холбоотой баримтыг танилцуулсан байна. С-ийг шүүх хуралдаанд цахимаар оролцуулж болох уу ?

Эрүүгийн хэрэг хянан шийдвэрлэх эрх зүй · Эрүүгийн процесс

Анхан шатны шүүх Эрүүгийн хуулийн тусгай ангийн 11.1 дүгээр зүйлийн 1 дэх хэсэгт зааснаар шүүгдэгч Б-д 10.0 сая төгрөгөөр торгох ял оногдуулж, мөн хуулийн ерөнхий ангийн 7.3 дугаар зүйлийн 3.3-т зааснаар “согтууруулах ундаа хэрэглэхийг хориглох” хязгаарлалт тогтоох албадлагын арга хэмжээг нэмж хэрэглэжээ. Гэтэл ялтан Б удаа дараа архидан согтуурч, эрүүлжүүлэгдсэн тул өмнөх ялыг хорих ялаар солих тухай прокурор дүгнэлт бичиж, шүүхэд хүргүүлсэн. Шүүх хэрхэн шийдвэрлэх талаарх зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Х нь БНХАУ-ын иргэн Ли-тэй байгуулсан хувьцаа худалдах, худалдан авах гэрээний хавсралтад заасан төлбөр төлөх нөхцөлд түүнд мэдэгдэхгүйгээр өөрчлөлт оруулж, их хэмжээний мөнгө залилсан гэмт хэрэгт холбогджээ. Тэрээр сэжигтнээр өгсөн мэдүүлэгтээ “Уг гэрээг Иргэний хэргийн гурван шатны шүүхээс хүчин төгөлдөр хэлцэлд тооцож, гэрээний үүргийн дагуу Ли-с надад 350.0 сая төгрөгийг гаргуулж, надад олгуулахаар шийдвэрлэсэн тул надад холбогдуулан эрүүгийн хэрэг үүсгэх үндэслэлгүй” хэмээн мэдүүлсэн. Тохирох хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Мөрдөн шалгах ажиллагаа явуулж буй байгууллагаас эрэн сурвалжлагдаж буй тээврийн хэрэгсэл, баримт бичгийн тухай мэдээллийг төлбөртэй авахаар цахим орчинд нийтэд зарласан байна. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

А нь согтуугаар мотоцикл жолоодож яваад саатуулагджээ. Цагдаагийн албан хаагч түүний согтуурлын зэргийг драйгер багажаар шалгах гэтэл эсэргүүцэж, цусаар шинжилгээ өгөхийг сайн дураараа зөвшөөрчээ. Ийнхүү зөвшөөрсөн тул мөрдөгч шинжээч томилох тогтоол үйлдэн, түүний цуснаас дээж авч шинжилгээ хийхэд 1.2 проммиль спирт илэрсэн байна. Зөв хариултыг сонгоно уу?

Эрүүгийн хэрэг хянан шийдвэрлэх эрх зүй · Эрүүгийн процесс

Шүүгдэгч Л нь Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан гэмт хэрэгт холбогдож, 500 цагийн хугацаагаар нийтэд тустай ажил хийлгэх ял шийтгүүлсэн байна. Тэрээр анхан шатны шүүх Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.1-д зааснаар эрүүгийн хариуцлагыг хөнгөрүүлэх үндэслэлийг хэрэглээгүй тухай давж заалдах гомдол гаргажээ. Зөв хариултыг сонгоно уу?