Хуульчийн шалгалтын асуулт, хариулт — 339

Эрүүгийн эрх зүй · ЭРҮҮГИЙН ХУУЛЬ

Ү нь 2020 оны 11 дүгээр сарын 15-аас 16-нд шилжих шөнө нууцаар бусдын эзэмшлийн “Тоёота Приус” тээврийн хэрэгслийн дугуйны 4 ширхэг обудыг домакрат, дорцов ашиглан тайлж аваад өөрийн өмчлөлийн тээврийн хэрэгслээр зөөвөрлөж бусдад 350.000 төгрөгийн хохирол учруулсан гэмт хэрэг үйлдсэн гэм буруутай нь тогтоогджээ. Эрүүгийн хариуцлагын шүүх хуралдаанд Ү-ын өмгөөлөгчөөс “шүүгдэгч нь 70 хувийн хөдөлмөрийн чадвар алдалттай эхийн хамт амьдардаг, дэлхий нийтийг хамарсан цар тахлын улмаас үйлчилгээний газрууд ажиллахгүй болж тэнд ажиллаж байсан ажилчдын нийгмийн асуудал хүнд цохилтод орсон учир өөрийн машинаар хүн тээвэрлэж мөнгө олдог байсан боловч цаашид ийнхүү амьдралаа авч явах чадваргүй болох нөхцөл байдал үүсэх боломжтой тул Эрүүгийн хуулийн ерөнхий ангийн 6.5 дугаар зүйлийн 3 дахь хэсэгт зааснаар тээврийн хэрэгслийг хураах албадлагын арга хэмжээнээс чөлөөлж өгнө үү” гэсэн хүсэлт гаргажээ. Өмгөөлөгчийн хүсэлтийг хүлээн авах үндэслэлтэй юу?