Эрүүгийн эрх зүй · ЭРҮҮГИЙН ХУУЛЬ
Г нь 2002 оны Эрүүгийн хуулийн 145 дугаар зүйлийн 145.2 дахь хэсэгт заасан гэмт хэрэг үйлдсэн гэм буруутай болох нь тогтоогдож 2017 оны 12 дугаар сарын 12-ны өдөр шүүхийн шийтгэх тогтоолоор 3 жилийн хугацаагаар хорих ял шийтгүүлжээ. Прокурорын саналыг үндэслэн 2019 оны 09 дүгээр сарын 30-ны өдөр шүүгчийн захирамжаар Эрүүгийн хуулийн ерөнхий ангийн 6.12 дугаар зүйлийн 1.1 дэх заалтад зааснаар Г- ийн эдлээгүй үлдсэн 1 жил 3 сарын хорих ялаас хугацааны өмнө суллаж, хяналт тогтоосон байна. Гэтэл Г нь 2020 оны 01 дүгээр сарын 20-ны өдөр 2015 оны Эрүүгийн хуулийн тусгай ангийн 20.17 дугаар зүйлийн 1 дэх хэсэгт заасан гэмт хэрэг үйлдсэн нь тогтоогдож 2021 оны 09 дүгээр сарын 30-ны өдөр шүүхийн шийтгэх тогтоолоор 1 жилийн хугацаагаар хорих ял шийтгүүлсэн. Г-ийн нийт эдлэх ялыг хэрхэн тогтоох вэ?
Шинэчилсэн: 2026.10.18
- A.Хэд хэдэн шийтгэх тогтоолоор ял оногдуулах журмыг баримтлан нийт эдлэх хорих ялын хэмжээг 2 жил 3 сарын хугацаагаар тогтооно
- B.2021 оны 07 дугаар сарын 02-ны өдөр батлагдсан Өршөөл үзүүлэх тухай хуулийн дагуу хугацааны өмнө суллаж, хяналт тогтоосон 1 жил 3 сарын хугацааг өршөөн хэлтрүүлж, Эрүүгийн хуулийн тусгай ангийн 20.17 дугаар зүйлд заасны дагуу оногдуулсан 1 жилийн хорих ялыг биечлэн эдлүүлэхээр тогтооно
- C.2021 оны 07 дугаар сарын 02-ны өдөр батлагдсан Өршөөл үзүүлэх тухай хуулийн дагуу хугацааны өмнө суллаж, хяналт тогтоосон 1 жил 3 сарын хугацааг зорчих эрхийг хязгаарлах ялаар сольж, Эрүүгийн хуулийн ерөнхий ангийн 6.9 дүгээр зүйлийн 2 дахь хэсэгт зааснаар тусгай ангийн 20.17 дугаар зүйлд заасны дагуу оногдуулсан 1 жилийн хугацаагаар хорих ял дээр нэмж нэгтгэн нийт эдлэх хорих ялын хэмжээг 2 жил 3 сарын хугацаагаар тогтооно
- D.2021 оны 07 дугаар сарын 02-ны өдрийн Өршөөл үзүүлэх тухай хуулийн 7.1-д зааснаар 145.2-ын эдлээгүй 1 жил 3 сарын хорих ялыг зорчих эрхийг хязгаарлах ялаар сольж, 9.2-т зааснаар 20.17-ын 1 жилийн хорих ялыг өршөөлд хамааруулахгүйгээр Эрүүгийн хуулийн 6.9.2-т зааснаар нэгтгэх, эсхүл тус тусад нь эдлүүлэхээр тогтооно