Тогтоол №2470

ХЭРГИЙН ТАНИЛЦУУЛГА: “М т” ХХК нь “Ю” ХХК-ийг IPTV буюу гурвалсан үйлчилгээний зах зээл дээр давамгай байдалтай аж ахуйн нэгжээр тогтоох шийдвэр гаргахгүй байгаа Шударга өрсөлдөөн, хэрэглэгчийн төлөө газрын (ШӨХТГ) эс үйлдлийг хууль бус болохыг тогтоож, дээрх компаниа давамгай байдалтай аж ахуйн нэгжээр тогтоохыг ШӨХТГ-т даалгахыг шаардсан. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхан шатны шүүхийн шийдвэрийг хэвээр үлдээж, нэхэмжлэгчийн давж заалдах гомдлыг хангахгүй орхисон. ХЯНАЛТЫН ШАТ: Өмнөх шатны шүүхийн шийдвэр, магадлалыг хүчингүй болгож, хэргийг дахин хэлэлцүүлэхээр анхан шатны шүүхэд буцаасан. ҮНДЭСЛЭЛ:

1. ШӨХТГ-ын эс үйлдлийг хууль бус болохыг тогтоож, давамгай байдалтай аж ахуйн нэгжийг тогтоох судалгаа хийлгэх шаардлагатай эсэх талаар нэхэмжлэлийн шаардлагын өөрчлөлт, мөн эс үйлдлийг шийдвэрлэсэн эсэх талаар нотлох баримтыг бүрэн цуглуулалгүй хэргийг шийдвэрлэсэн нь буруу болсон.
2. “Телевиз, радиогийн олон сувгийг интернет протокол ашиглан дамжуулах үйлчилгээ /IPTV/ буюу гурвалсан үйлчилгээний зах зээл” гэдэг нь бие даасан зах зээл мөн эсэх, эсвэл технологиос үл хамаарч телевиз, радиогийн олон суваг дамжуулах үйлчилгээ эрхлэх хүрээнд зах зээлийг тодорхойлох нь хэргийн гол маргаан байв.
3. Нэхэмжлэлийн шаардлага, үндэслэлтэй холбогдуулан шаардлагатай нотлох баримтыг бүрэн цуглуулах шаардлагатай.