Тогтоол №4136

ХЭРГИЙН ТАНИЛЦУУЛГА: "М" ХХК нь Шударга өрсөлдөөн, хэрэглэгчийн төлөө газарт холбогдуулан "Ю" ХХК-ийг IPTV болон гурвалсан үйлчилгээний зах зээлд давамгай байдалтай аж ахуй нэгжээр тогтоох шийдвэр гаргахаас татгалзсан нь хууль бус гэж үзэж, уг шийдвэрийг гаргахыг даалгах нэхэмжэл гаргасан. АНХАН ШАТ: Анхан шатны шүүх нэхэмжлэлийн шаардлагыг бүхэлд нь хэрэгсэхгүй болгож шийдвэрлэсэн. ДАВЖ ЗААЛДАХ ШАТ: Нэхэмжлэгч нь анхан шатны шүүх хэргийг буруу ойлгож, нэхэмжлэлийн шаардлагад огт дүгнэлт хийгээгүй, хуулийг буруу тайлбарлан хэрэглэсэн, нотлох баримтыг буруу үнэлсэн гэж үзэн шийдвэрийг хүчингүй болгуулж, нэхэмжлэлийн шаардлагыг хангахыг хүссэн.

ҮНДЭСЛЭЛ: Давж заалдах шатны шүүхээс анхан шатны шүүх нэхэмжлэлийн агуулгыг зөрүүтэй ойлгож, Захиргааны хэрэг шүүхэд хянан шийдвэрлэх тухай хуулийн 106.2-т заасан шүүхийн шийдвэр хууль ёсны бөгөөд үндэслэл бүхий байх шаардлага хангагдаагүй гэж үзсэн. Анхан шатны шүүх нэхэмжлэлийн зарим хэсэгт дүгнэлт өгөөгүй, эс үйлдэхүйгээр буруу ойлгож шийдвэрлэсэн нь Захиргааны хэрэг шүүхэд хянан шийдвэрлэх тухай хуулийн 121.3.7-д заасны дагуу шийдвэрийг хүчингүй болгох үндэслэл болсон. Иймд анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаасан.