Тогтоол №5931

ХЭРГИЙН ТАНИЛЦУУЛГА: Нэхэмжлэгч нь эрүүл мэндийн шалтгаанаар авсан чөлөөний хугацаа дууссан тул албан тушаалдаа эргэн орох, ажилгүй байсан хугацааны цалинг гаргуулах, нэмэгдэл хөлс, амралтын мөнгө, бусад нөхвөр төлбөр авахаар шаардлага гаргасан. АНХАН ШАТ: Захиргааны хэргийн анхан шатны шүүх нь Төрийн албаны тухай хуулийн 41.3, Хөдөлмөрийн тухай хуулийн 80.1.3, Боловсролын тухай хуулийн 31.1.12-т заасныг үндэслэн нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Нэхэмжлэгч нь анхан шатны шүүхийн шийдвэрийг эсэргүүцэн, хөдөлмөрийн чадвар алдалтын хувь тогтоолт, түүнийг ажилтай холбон авч үзсэн байдал, шүүхийн дүгнэлт нь үндэслэл муутай, хуулийг буруу тайлбарласан гэж гомдол гаргасан.

ҮНДЭСЛЭЛ: Давж заалдах шатны шүүх нь нэхэмжлэгчийн хөдөлмөрийн чадвараа 70 хувиар алдсан нь тогтоогдсон тул албан тушаалд эгүүлэн томилох хууль зүйн үндэслэлгүй, Хөдөлмөрийн тухай хуулийн 61.1.1-д заасан хөдөлмөрийн чадвар сэргэсэн гэх нөхцөл байдал тогтоогдоогүй тул урьд эрхэлж байсан албан тушаалд нь эгүүлэн томилох хууль зүйн үндэслэлгүй, анхан шатны шүүх нотлох баримтуудыг бүрэн цуглуулж, зөв дүгнэлт хийсэн гэж үзэн анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон.