Тогтоол №4243

ХЭРГИЙН ТАНИЛЦУУЛГА: Төрийн албаны тухай хууль болон бусад холбогдох хууль тогтоомжийг зөрчиж, албан тушаалд буруу томилсон тул ажлаас халагдсан албан хаагчаа хууль бус актаар буцаан тогтоож, учирсан хохирлыг барагдуулах тухай нэхэмжлэл гаргасан. АНХАН ШАТ: Төрийн албаны тухай хуулийн 44.1-д заасныг баримтлан нэхэмжлэгчийг ажлын байранд нь эгүүлэн тогтоож, ажилгүй байсан хугацааны цалин, амралтын олговор, тэтгэмжийг гаргуулах, нөхөн бичилт хийлгэхээр шийдвэрлэв. Урамшуулал гаргуулах нэхэмжлэлийн хэсгийг хэрэгсэхгүй болгосон. ДАВЖ ЗААЛДАХ ШАТ: Хариуцагч нь анхан шатны шүүх хуулийг бүрэн гүйцэд судалж шинжэлгүй шийдвэрлэсэн, нэхэмжлэгчийг шилжүүлэхдээ холбогдох журмыг баримтлаагүй гэж гомдол гаргасан. Хариуцагчийн гомдлыг хангахгүй орхиж, анхан шатны шүүхийн шийдвэрийг хэвээр үлдээв.

ҮНДЭСЛЭЛ: Төрийн албаны тухай хуулийн 44.1-д заасан албан хаагчийг өөр албан тушаалд шилжүүлэх, сэлгэн ажиллуулахтай холбоотой нөхцөлүүд (ажлын зайлшгүй шаардлага, тохиролцоо) хангагдаагүй. Захиргааны байгууллага нь албан хаагчтай бичгээр тохиролцсон баримтыг үйлдэж баталгаажуулаагүй, мөн шилжүүлэн ажиллуулж буй байгууллагатай харилцан тохиролцоогүй байсан нь тогтоогдсон. Хариуцагчаас нэхэмжлэгчийн мэргэжил, албан тушаалд тавигдах шаардлага хангаагүй гэх үндэслэл нь хуулийн хэрэглээнд хамаарахгүй. Маргаан бүхий актыг гаргахдаа нэхэмжлэгчид мэдэгдэж, тайлбар, санал боломж олгоогүй нь захиргааны ерөнхий хуулийг зөрчсөн.