Тогтоол №3267

ХЭРГИЙН ТАНИЛЦУУЛГА: Нэхэмжлэгч нь Гаалийн ерөнхий газрын даргын тушаалыг хүчингүй болгон, өмнөх албан тушаалдаа эгүүлэн тогтоолгож, ажилгүй байсан хугацааны цалинг гаргуулах, шимтгэл төлүүлэхийг шаарджээ. АНХАН ШАТ: Гаалийн ерөнхий газрын даргын тушаалыг хууль бус болохыг тогтоож, нэхэмжлэгчийг урьд эрхэлж байсан албан тушаалд нь эгүүлэн тогтоож, ажилгүй байсан хугацааны цалинг гаргуулан олгож, шимтгэл нөхөн төлүүлэхийг даалгажээ. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч нь анхан шатны шүүхийн шийдвэр нь гэрчийн мэдүүлгийг харгалзаагүй, нотлох зарчмыг зөрчсөн гэж гомдол гаргав.

ҮНДЭСЛЭЛ: Нэхэмжлэгчийг албан тушаал бууруулсан, сэлгэн томилсон нь Төрийн албаны тухай хуулийн 45-р зүйлийн шаардлагыг хангаагүй, үр дүнгийн гэрээний гүйцэтгэл нь сайн байсан тул албан үүргээ хангалтгүй биелүүлсэн гэж үзэх боломжгүй. Гаалийн тухай хуулийн дагуу сахилгын шийтгэл ногдуулах боломжтой байсан ч ногдуулаагүй, хариуцагч нэхэмжлэгчийг буруутгасан зөрчлүүдийг баримтаар хангалттай тогтоогоогүй. Хуульд заасан журмаар зөрчлийг хангалттай тогтоосон тохиолдолд хариуцагчийн эрхийг хязгаарлахгүй. Гэрчийн мэдүүлэг нь нэхэмжлэгчийг буруутгах, албан тушаал бууруулах хангалттай үндэслэл болохгүй бөгөөд үр дүнгийн гэрээ, цаг ашиглалтын мэдээ зэрэг нь гэрчийн мэдүүлгийг үгүйсгэж байсан. Хариуцагч нь нэхэмжлэгчийн зан харьцааны асуудлаар авсан арга хэмжээ, тайлбарыг тодруулаагүй нь хариуцагчийн буруу. Анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхижээ.