Тогтоол №1916

ХЭРГИЙН ТАНИЛЦУУЛГА: Нэхэмжлэгч нь төрийн байгууллага өөрчлөн байгуулагдсантай холбогдуулан албан тушаалаас чөлөөлөгдсөнөөс хойш шинэ байгууллагад томилогдоогүй нь хууль бус гэж үзэн, хуучин албан тушаалдаа эгүүлэн тогтоолгож, ажилгүй байсан хугацааны цалин гаргуулах нэхэмжлэл гаргасан. АНХАН ШАТ: Төрийн албаны тухай хууль, Хөдөлмөрийн тухай хуулийн холбогдох зүйл заалтыг баримтлан нэхэмжлэлийг хангаж, сайдын тушаалыг хүчингүй болгон, нэхэмжлэгчийг албан тушаалд нь эгүүлэн тогтоож, цалин гаргуулах шийдвэр гаргасан. ДАВЖ ЗААЛДАХ ШАТ: Хариуцагч нь байгууллага өөрчлөн байгуулагдсан, шинэ албан тушаалд сонгон шалгаруулалтаар томилдог, нэхэмжлэгчийг хуучин албан тушаалаас нь чөлөөлсөнөөс бус шинэ албан тушаалд томилоогүй нь үндэслэлтэй, анхан шатны шүүх нэхэмжлэлийн шаардлагаас хэтэрсэн, хөөн хэлэлцэх хугацааны талаар буруу дүгнэлт хийсэн, хэрэг хянан шийдвэрлэх ажиллагааны журам зөрчсөн гэж гомдол гаргасан.

ҮНДЭСЛЭЛ: Төрийн байгууллага өөрчлөн байгуулагдсан боловч албан тушаалын чиг үүрэг хадгалагдан үлдсэн тохиолдолд ажлын байрыг шилжүүлэх, эсхүл сонгон шалгаруулах хуулийн зохицуулалтыг буруу хэрэглэсэн. Байгууллага татан буугдаж, албан тушаал хасагдсан гэх үндэслэл байхгүй, нэхэмжлэгчийн эрхэлж байсан албан тушаалын чиг үүрэг хэвээр хадгалагдсан. Анхан шатны шүүх нэхэмжлэлийн шаардлага, хөөн хэлэлцэх хугацааны талаарх гомдлууд нь үндэслэлгүй. Төрийн албаны тухай хуулийн холбогдох заалтыг баримтлан шийдвэр гаргахдаа буруу хуулийн зүйл заалт хэрэглэсэн тул анхан шатны шүүхийн шийдвэрийн тогтоох хэсгийг өөрчлөн, нэхэмжлэгчийг албан тушаалд нь томилохыг сайдад даалгаж, хариуцагчийн гомдлыг хангахгүй орхисон.