ХЭРГИЙН ТАНИЛЦУУЛГА: Ажилтан нь ажлаас халагдсаны дараа ажилгүй байсан хугацааны цалин, нийгмийн даатгалын шимтгэл нөхөн төлүүлэхээр нэхэмжилсэн. Хариуцагч нь ажилтан тухайн хугацаанд өөр газарт ажилласан гэж маргасан. АНХАН ШАТ: Ажилтан ажилгүй байсан хугацааны цалин, нийгмийн даатгалын шимтгэл олгох, нөхөн бичилт хийлгэхээр шийдвэрлэсэн. ДАВЖ ЗААЛДАХ ШАТ: Хариуцагч нь ажилтан өөр газарт ажиллаж байсан нотлох баримтыг гаргуулахаар хүсэлт гаргасан боловч хангагдаагүй, эрх нь зөрчигдсөн гэж гомдол гаргасан. ХЯНАЛТЫН ШАТ: Анхан шатны шүүх хэргийг зөв шийдвэрлэсэн боловч нэхэмжлэлийн шаардлагын зарим хэсгийг шийдвэрлэхдээ холбогдох хуулийн заалтыг баримтлаагүйг залруулсан. ҮНДЭСЛЭЛ: Ажилтан нь ажил олгогчийн буруугаас ажилгүй байсан хугацаандаа өөр байгууллагад ажиллаж олсон цалин орлогыг ажил олгогч нь төлөх ёстой дундаж цалин хөлсөөс суутган тооцох боломжгүй. Хөдөлмөрийн тухай хуулийн дагуу ажилгүй байсан бүх хугацаанд нь урьд авч байсан дундаж цалин хөлстэй тэнцэх олговор олгоно.