Нийслэлийн Иргэний хэргийн давж заалдах шатны шүүхийн Магадлал

Үйл явдал

Хөдөлмөрийн харилцааг цуцлах сахилгын шийтгэл ногдуулсан нь хөдөлмөрийн гэрээний үүрэг болон хөдөлмөрийн харилцааг шууд зогсоох ноцтой зөрчил мөн эсэх тухай маргаан. Ажил олгогч тал байгууллагын зохион байгуулсан арга хэмжээний үеэр ажилтан бусдын биед халдсан, хүчирхийлэл үйлдсэн үйлдлийг хөдөлмөрийн дотоод журам болон гэрээний ноцтой зөрчил гэж үзэн ажлаас чөлөөлсөн байна. Нэхэмжлэгч ажилтан энэхүү үйлдэл нь хөдөлмөрийн харилцаанаас гадуурх нөхцөл байдал байсан тул сахилгын шийтгэл ногдуулах нь үндэслэлгүй гэж үзэн ажилд эгүүлэн тогтоолгох шаардлага гаргасан.

Талуудын байр суурь

• Нэхэмжлэгч: Үйлдэл нь хөдөлмөрийн гэрээнд заасан ажлын байранд бус, байгууллагын дотоод журам зөрчсөн хувийн харилцааны асуудал байсан тул сахилгын шийтгэл ногдуулах нь үндэслэлгүй гэж үзсэн.
• Хариуцагч: Ажилтан байгууллагын албан ёсны үйл ажиллагааны үеэр бусдын биед халдсан, хүчирхийлэл үйлдсэн нь ажилтан ёс зүйн дүрэм болон хөдөлмөрийн гэрээний үүргээ ноцтой зөрчсөн үйлдлүүд тул ажлаас чөлөөлөх үндэслэлтэй гэж үзсэн.

Шатуудын шийдвэр

Анхан шатны шүүх ажил олгогчийн сахилгын шийтгэл ногдуулж, ажлаас чөлөөлсөн тушаалыг хүчингүй болгож, ажилтныг ажилд эгүүлэн тогтоох шийдвэр гаргасан. Давж заалдах шатны шүүх анхан шатны шийдвэрийг хэвээр үлдээв. Учир нь ажил олгогчийн зохион байгуулсан арга хэмжээ нь ажилтан бүрт аюулгүй байдлын зааварчилгаа өгсөн, ажилтан үүнтэй танилцаж хүлээн зөвшөөрсөн байсан тул тухайн үйл ажиллагааг Хөлөдмөрийн аюулгүй байдал, эрүүл ахуйн тухай хууль 3.1.9-д заасны дагуу ажил олгогчийн шууд хяналтын дор явагдаж буй ажлын байранд хамааруулж үзэх үндэслэлтэй байсан тул ажилтан бусдын биед халдсан үйлдлийг хөдөлмөрийн харилцааны ноцтой зөрчил гэж дүгнэв.

Хууль зүйн гол дүгнэлт

• Ажил олгогчийн зохион байгуулсан албан ёсны арга хэмжээний үеэр ажилтан аюулгүй байдлын зааварчилгааг хүлээн авсан, тухайн үйл ажиллагаа нь ажил олгогчийн хяналт дор явагдаж буй байсан тул үйлдэгдсэн хүчирхийлэл, зодолд нь хөдөлмөрийн харилцаанд хамаарах ноцтой зөрчил гэж үзнэ (Хөлөдмөрийн аюулгүй байдал, эрүүл ахуйн тухай хууль 3.1.9).
• Хөдөлмөрийн гэрээ болон дотоод журмаар ажилтан ёс зүйн хэм хэмжээг алдагдуулж, бусдын биед халдсан, хүчирхийлэл үзүүлсэн үйлдлийг ноцтой зөрчил гэж тохиролцсон бол ажил олгогч хөдөлмөр эрхлэлтийн харилцааг шууд зогсоох үндэслэлээр ажлаас чөлөөлөх эрхтэй (Хөлөдмөрийн тухай хууль 80.1.4).