Тогтоол №27035

ХЭРГИЙН ТАНИЛЦУУЛГА: Нэхэмжлэгч нь шийдвэр гүйцэтгэх ажиллагааны улмаас үл хөдлөх хөрөнгөд тогтоосон үнэлгээг хүчингүй болгуулахаар шаардсан. АНХАН ШАТ: Эд хөрөнгийн үнэлгээг хүчингүй болгож, улсын тэмдэгтийн хураамжийг хариуцагчаас гаргуулж нэхэмжлэгчид олгохоор шийдвэрлэсэн. ДАВЖ ЗААЛДАХ ШАТ: Хариуцагч нь шийдвэр гүйцэтгэх ажиллагаа хуулийн дагуу явагдсан, нэхэмжлэлийн шаардлага үндэслэлгүй гэж үзэн анхан шатны шүүхийн шийдвэрийг хүчингүй болгуулах гомдол гаргасан.

ҮНДЭСЛЭЛ: Анхан шатны шүүх нь эд хөрөнгийн үнэлгээг хүчингүй болгох маргааныг хэлэлцэхдээ, нэхэмжлэлийн үндэслэл болох үнэлгээний бодит байдал, хууль тогтоомж зөрчсөн эсэхээс хальж, шийдвэр гүйцэтгэх ажиллагаатай холбоотой асуудлыг хөндөн шийдвэр гаргасан нь буруу байв. Шүүхийн шийдвэр гүйцэтгэх тухай хуулийн 7 дугаар зүйлийн 7.2-т заасан нь шийдвэр гүйцэтгэх ажиллагаанд мөрдөх нийтлэг шаардлага бөгөөд үүнийг төлбөр авагч талд хамааралтайгаар тайлбарлах нь буруу. Төлбөр авагч нь шийдвэр гүйцэтгэх ажиллагаанд оролцох, эрхээ эдлэх боломжоор хангагдсан байсан.