Тогтоол №24766

ХЭРГИЙН ТАНИЛЦУУЛГА: Нэхэмжлэгч нь газрын худалдаа хийхээр тохиролцсон боловч хариуцагч нь гэрээг биелүүлээгүй, эрхийн доголдолтой газрыг зарсан, төлсөн мөнгөө бүрэн буцааж өгөөгүй тул үлдсэн мөнгийг гаргуулахаар нэхэмжилсэн. Хариуцагч нь нэхэмжлэлийг бүхэлд нь эс зөвшөөрч, талууд гэрээг хүчин төгөлдөр бус болгосон, нэхэмжлэгч нь төлбөр дууссан гэх баримт үйлдсэн гэж тайлбарласан. АНХАН ШАТ: Иргэний хуулийн холбогдох зүйл заалтуудыг баримтлан хариуцагчаас нэхэмжлэлийн шаардлагатай тэнцэх мөнгийг гаргуулж, нэхэмжлэгчид олгох шийдвэрлэсэн. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч нь анхан шатны шүүхийн шийдвэрийг эс зөвшөөрч, нотлох баримтыг үнэлэлгүй, хуулийг буруу тайлбарласан гэж гомдол гаргасан. Давж заалдах шатны шүүх хэргийг бүхэлд нь хянан үзээд, талуудын тайлбараар гэрээг хүчин төгөлдөр бус гэж тогтоож, хүчин төгөлдөр бус хэлцлийн үр дагаврыг арилгах журмаар шийдвэрлэсэн.

ҮНДЭСЛЭЛ: Талуудын хооронд байгуулагдсан газар худалдах, худалдан авах хэлцэл нь хуульд заасан хэлбэрийн шаардлагыг хангаагүй, хүчин төгөлдөр бус байх тул үүссэн харилцааг Иргэний хуулийн хүчин төгөлдөр бус хэлцлийн үр дагаврыг арилгах зохицуулалтаар шийдвэрлэх бөгөөд хариуцагч нь нэхэмжлэгчээс авсан мөнгөө буцаан өгөх үүрэгтэй. Хариуцагчийн гаргасан тайлбар, баримт нь нэхэмжлэгчийн үүргээс чөлөөлөх үндэслэл болохгүй.