Тогтоол №12116

ХЭРГИЙН ТАНИЛЦУУЛГА: Боловсролын байгууллагын эрхлэгч нь ажлаас үндэслэлгүй халсанд гомдолтой, ажилд эгүүлэн тогтоолгож, ажилгүй байсан хугацааны цалин, даатгалын шимтгэлийг нөхөн гаргуулах шаардлага гаргасан. АНХАН ШАТ: Нэхэмжлэлийг бүхэлд нь хэрэгсэхгүй болгосон. Хөдөлмөрийн тухай хуулийн 40 дүгээр зүйлийн 40.1.4, 40.1.5-т заасны дагуу ажлаас халах сахилгын шийтгэл ногдуулсан нь хууль зүйн үндэслэлтэй гэж үзсэн. ДАВЖ ЗААЛДАХ ШАТ: Анхан шатны шүүхийн шийдвэрийг өөрчилж, нэхэмжлэлийн шаардлагыг хангасан. Хөдөлмөрийн тухай хуулийн 128 дугаар зүйлийн 128.1.2, 69 дүгээр зүйлийн 69.1, 46 дугаар зүйлийн 46.1, 46.2-т заасныг баримтлан ажилд эгүүлэн тогтоож, ажилгүй байсан хугацааны цалин, даатгалын шимтгэлийг гаргуулах нь хуульд нийцнэ гэж үзсэн.

ҮНДЭСЛЭЛ: Ажлаас халах үндэслэл болсон үр дүнгийн гэрээний хэрэгжилтийн үнэлгээ болон бусад зөрчлийг нотлоогүй, мөн сахилгын шийтгэл ногдуулах хугацаа хэтэрсэн тул ажил олгогчийн шийдвэр хууль бус байна.