ХЭРГИЙН ТАНИЛЦУУЛГА: Иргэн А.Э нь ус суваг ашиглалтын компанийн тоолуурын инженерийн албан тушаалаас үндэслэлгүй халсан тул компани болон түүний удирдлагуудын холбогдох тогтоол, тушаалыг хүчингүй болгуулж, ажилд эгүүлэн тогтоолгох шаардлага гаргасан. Хариуцагч тал нь компанийн бүтцийн өөрчлөлт, орон тооны цомхтгол нь хуулийн дагуу хийгдсэн, ажлаас чөлөөлөх болсон шалтгааныг тайлбарласан. АНХАН ШАТ: Нэхэмжлэгчийн шаардлагыг бүхэлд нь хэрэгсэхгүй болгосон. ДАВЖ ЗААЛДАХ ШАТ: Нэхэмжлэгч нь анхан шатны шүүхийн шийдвэрийг эс зөвшөөрч, гэрчээс мэдүүлэг аваагүй, нотлох баримт бүрдүүлээгүй, хуулийг буруу тайлбарласан гэх үндэслэлээр гомдол гаргасан. ҮНДЭСЛЭЛ: Анхан шатны шүүх нь Иргэний хэрэг шүүхэд хянан шийдвэрлэх тухай хуулийн шаардлагыг хангаагүй, хуульд заасан журмыг зөрчсөн нотлох баримтад үндэслэсэн байх тул шийдвэрийг хүчингүй болгож, хэргийг дахин хэлэлцүүлэхээр анхан шатны шүүхэд буцаахаар шийдвэрлэсэн.