Тогтоол №17521

ХЭРГИЙН ТАНИЛЦУУЛГА: Хохирогч М.Н- болон шүүгдэгч М.А- нар бие биенээ эрүүл мэндэд хөнгөн хохирол санаатай учруулсан хэргээр шүүхэд хандав. АНХАН ШАТ: Шүүгдэгч М.Н-, М.А- нарыг Эрүүгийн хуулийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулах гэмт хэрэгт буруутайд тооцож, М.Н-ыг 1,000,000 төгрөгөөр, М.А-г 600,000 төгрөгөөр торгох ял оноож, М.А-аас 190,101 төгрөг гаргуулан М.Н-д олгож, 3,450,000 төгрөгийн нэхэмжлэлийг хэлэлцэхгүй орхив. ДАВЖ ЗААЛДАХ ШАТ: Шүүгдэгч М.А- нь өөрийгөө аргагүй хамгаалалтад байсан гэж, харин шүүгдэгч М.Н- болон түүний өмгөөлөгч нь учирсан хохирлыг бүрэн барагдуулах ёстой гэж тус тус гомдол гаргав. ҮНДЭСЛЭЛ: Талуудын гаргасан гомдлыг үндэслэлгүй гэж үзэн, анхан шатны шүүхийн шийтгэх тогтоолыг хэвээр үлдээв. Хохирогчдод учирсан гэмтэл нь Эрүүгийн хуулийн 11.6 дугаар зүйлийн 1 дэх хэсэгт заасан хөнгөн хохиролд хамаарна. Шүүгдэгч М.А- нь аргагүй хамгаалалт хийсэн гэх нотлох баримтгүй, мөн М.Н-д учирсан хохирлын 3,450,000 төгрөгийг баримтаар нотлоогүй тул иргэний журмаар шийдвэрлүүлэхээр тогтоосон нь хуульд нийцсэн байна.