Тогтоол №14709

ХЭРГИЙН ТАНИЛЦУУЛГА: Иргэн Л.М нь орон байранд нэвтрэн хулгайлах гэмт хэрэгт холбогджээ. АНХАН ШАТ: Л.М-г гэм буруутайд тооцож, 2002 оны Эрүүгийн хуулийн 145.2-т зааснаар 1 жил 3 сар хорих ял оногдуулж, 1 жилийн хугацаагаар тэнсэн, цагдан хоригдсон 40 хоногийг тооцон, шийтгэх тогтоол хүчин төгөлдөр болох хүртэл цагдан хорих, тэнсэнгийн хугацаанд хяналт тогтоохыг Шүүхийн шийдвэр гүйцэтгэх газарт даалгасан. ДАВЖ ЗААЛДАХ ШАТ: Прокурор анхан шатны шүүхийн шийдвэрийг эс зөвшөөрч, шүүгдэгч өмнө нь шоронд хоригдож байсан, мөн хуулийг буруу хэрэглэсэн, гэмт хэргийн улмаас учирсан хохирлыг буруу тооцсон, хохирогчийг буруу тогтоосон, хэрэг хянан шийдвэрлэх ажиллагааны журмыг ноцтой зөрчсөн үндэслэлээр эсэргүүцэл гаргажээ.

ҮНДЭСЛЭЛ: Давж заалдах шатны шүүх Эрүүгийн хэрэг хянан шийдвэрлэх тухай хуулийг ноцтой зөрчсөн, хэргийг буруу шийдвэрлэсэн байдлыг үндэслэн анхан шатны шүүхийн шийтгэх тогтоолыг хүчингүй болгож, хэргийг урьдчилсан хэлэлцүүлэгт буцаахаар шийдвэрлэв.